მადრიდის “რეალის” თავდამსხმელს, ბორხა მაიორალს გასულ სეზონში დიდი სათამაშო დრო არ ჰქონდა. ეს ლოგიკურიცაა, რადგან მას კარიმ ბენზემასა და კრიშტიანუ რონალდუსთან უწევდა კონკურენციის გაწევა. 21 წლის ფეხბურთელმა, შესაძლოა, ამ სატრანსფერო ფანჯარაზე “ბლანკოსი” დატოვოს. მას “რეალ ბეტისს” უკავშირებენ, რომელიც ბორხაში 10 მილიონ ევროს იხდის. თუმცა, მადრიდიელებს გამოსყიდვის უფლების დატოვება სურთ.
მაიორალმა კლუბიდან შესაძლო წასვლაზე ისაუბრა.
“ვიცი, რომ “ბეტისზე” მკითხავთ. ის კარგი გუნდია, რომელსაც მშვენიერი მწვრთნელი ჰყავს. თუმცა, “რეალთან” კონტრაქტი მაკავშირებს. თან, ველი ახალ მწვრთნელს და მაინტერესებს, რა დამოკიდებულება ექნება ჩემს მიმართ. ამიტომ, გადაწყვეტილებას ჯერ ვერ მივიღებ. ვნახოთ, რა მოხდება,” – ამბობს მაიორალი.
