საჩხერის “ჩიხურამ” ევროპის ლიგის პირველ საკვალიფიკაციო ეტაპზე იერუსალიმის “ბეითარი” დაამარცხა და მეორე საფეხურზე გადავიდა, სადაც სლოვენიურ “მარიბორის” დაუპირისპირდება.
იმერელთა ბოსნიელმა მეკარემ, დინო ჰამზიჩმა Fanebi.Com-თან კომენტარი გააკეთა.
“ძალიან ამაყი ვარ ჩემი გუნდელებით. ეს არ იყო მარტივი მატჩი. თუმცა, მოვახერხეთ და დიდი ძალისხმევის შედეგად მოვიგეთ! ჩვენ გვჯეროდა, რომ ამის გაკეთება შეგვეძლო. ბედნიერები ვართ, რომ მიზანს მივაღწიეთ. დარწმუნებული ვარ, ჩვენი ფანები გახარებულები არიან. წარმატება სასიამოვნოა, თუმცა მეორე ბარიერზე უნდა გადავერთოთ, სადაც “მარიბორს” შევხვდებით,” – ამბობს ჰამზიჩი.
გეტყვით, რომ “ჩიხურა” ბალკანურ გუნდთან პირველ მატჩს 26 ივლისს, “მიხეილ მესხზე” ჩაატარებს.