მიუნხენის “ბაიერნმა” სოციალურ ქსელში საინტერესო სტატისტიკური ინფორმაცია გამოაქვეყნა. გამოითვალეს, ევროპის წამყვან ხუთ ლიგაში დასწრებადობის მხრივ რომელ სტადიონებს ეკავათ მოწინავე პოზიციები 2016-2017 წლების სეზონში.
როგორც ირკვევა, ყველაზე კარგად “ბაიერნის” საშინაო არენა “ალიანც არენა” ივსებოდა. სტადიონზე 75 ათასი მაყურებელი ეტევა და ყველა მატჩში სრული ანშლაგი ყოფილა. მეორე ადგილი დაიკავა “ფრაიბურგმა”, რომლის არენაც სეზონის განმავლობაში საშუალოდ 99,76 პროცენტით ივსებოდა, მესამე პოზიციაზეა ლონდონის “ჩელსი”.
