ვეტერანმა ურუგვაელმა ფორვარდმა, დიეგო ფორლანმა აღიარა, რომ ზაფხულში რამოდენიმე ინგლისური კლუბისაგან მიიღო შემოთავაზება თუმცა, მან თითოეული მათგანი უარით გაისტუმრა.
“ზაფხულში რამოდენიმე შემოთავაზება მივიღე ინგლისური კლუბებიდან. მაგრამ, ისინი უარით გავისტუმრე, რადგანაც ერთადერთი ინგლისური კლუბი, რომელშიც ვითამაშებ “მანჩესტერ იუნაიტედია”.
“მანჩესტერს” ზლატან იბრაჰიმოვიჩი, ანტონი მარსიალი, უეინ რუნი და მარკუს რეშფორდი რომ არ ყოლოდა, დიდი სიამოვნებით შევუერთდებოდი მათ, თუნდაც იჯარის წესით.”
25 ოქტომბერს, ურუგვაის ჩემპიონატში, “ლივერპულმა” საკუთარ მოედანზე “პენაროლი” მიიღო და ანგარიშით 1:3 დამარცხდა.
სტუმართა ძირითად შემადგენლობაში იყო დიეგო ფორლანი, რომელმაც ერთ-ერთ ეპიზოდში რამდენიმე მეტოქე მოატყუა და თანაგუნდელს საგოლე პასი გაუკეთა.
10 აგვისტოს, ურუგვაიში, “პენაროლი” “ვანდრერესს” დაუპირისპირდა და მეტოქე ანგარიშით 3:1 დაამარცხა.
“პენაროლის” რიგებში დებიუტი ჰქონდა 36 წლის თავდამსხმელ დიეგო ფორლანს. ურუგვაელმა ფეხბურთელმა სადებიუტო მატჩში დუბლის გაფორმება მოახერხა, პირველი გოლი კი ძალიან ლამაზი გამოუვიდა.
ურუგვაელი ფორვარდი დიეგო ფორლანი კარიერას სამშობლოში გააგრძელებს. 36 წლის ფეხბურთელი “პენიაროლში” ითამაშებს.
ფორლანმა ახალ კლუბში 10-ნომრიანი მაისური აირჩია. მას 4-ნომრიან ფორმასაც სთავაზობდნენ. საქმე იმაში გახლავთ, რომ 4 ნომრით “პენიაროლში” ფორლანის მამა თამაშობდა.
სხვათა შორის, ურუგვაელი ფეხბურთელი ადრეულ ასაკში სწორედ ამ კლუბის აკადემიაში ირიცხებოდა.
დიეგო ფორლანი “პენიაროლს” თავისუფალი აგენტის სტატუსით შეუერთდა, ვინაიდან იაპონურ “სერესო ოსაკასთან” კონტრაქტის ვადა ამოეწურა.
ცნობილი ურუგვაელი თავდამსხმელი დიეგო ფორლანი თვლის, რომ რამდენიმე წელიწადში „ბარსელონას“ შემტევი, ბრაზილიელი ნეიმარი, მსოფლიოს საუკეთესო მოთამაშე იქნება.
„ნეიმარი პლანეტის წამყვან ბობმარდირთა შორისაა, რომელიც საუკეთესო კლუბის შემადგენლობაში გამოდის. ის გოლებს იტანს, საგოლე გადაცემებს აკეთებს, მეტოქეებს ატყუებს და ბურთით წარმოუდგენლად თამაშობს.ნეიმარი ევროპულ ფეხბურთს სწრაფად შეეჩვია, რაც ყველა ბრაზილიელს ვერ გამოსდის. ვფიქრობ, რამდენიმე წელიწადში ის მსოფლიოში საუკეთესო იქნება“, – თვლის ფორლანი.
დიეგო ფორლანმა კონტრაქტი ურუგვაულ “პენიაროლთან” გააფორმა. იაპონური “სერეზო ოსაკას” დატოვების შემდეგ 36 წლის თავისუფალი აგენტი მონტევიდეოში დაბრუნდა და მშობლიურ კლუბთან ხელშეკრულებას მოაწერა ხელი.
2014 წელს იაპონური გუნდის შემადგენლობაში 42 მატჩი ჩაატარა და 17 გოლის გატანა შეძო.
კარიერის განმავლობაში ფორლანს “ინდეპედიენტეს”, “მანჩესერ იუნაიტედის”, “ვილიარეალის”, “ატლეტიკოს”, “ინტერის” და “ინტერნასიონალის” შემადგენლობაში უთამაშია.
1 აპრილს, იაპონიის რანგით მეორე დივიზიონში “ჯეფ იუნაიტედმა” საკუთარ მოედანზე “სერესო ოსაკა” მიიღო და ფრედ 4:4 ითამაშა.
სტუმართა გუნდის ძირითად შემადგენლობაში იყო 35 წლის დიეგო ფორლანი, რომელმაც მეტოქის კარში ორი გოლი გაიტანა და ერთი საგოლე პასი გააკეთა.
„ატლეტიკოს“ ყოფილი თავდამსხმელი დიეგო ფორლანი მადრიდულ კლუბს „პარი სენ-ჟერმენის“ ფორვარდის ედინსონ კავანის შეძენას ურჩევს.
„კავანის „ატლეტიკოში“ ხილვა კარგი იქნებოდა. ის ფანტასტიკური ფორვარდია, რომელსაც კარიერის განუმეორებელი პერიოდი აქვს. მისი თამაშის სტილი „ატლეტიკოს“ ძალიან უხდება, რადგან ედინსონი სწრაფია და თავისუფალი ზონები უყვარს. მანჯუკიჩამდე „ატლეტიკოს“ ასეთი ტიპის თავდამსხმელები ყოველთვის ჰყავდა. გაიხსენეთ ტორესი, აგუერო, დიეგო კოსტა და ფალკაო“, – განაცხადა ურუგვაელმა „Caneda Cope“-ს ეთერში.
ურუგვაის ნაკრების თავდამსხმელმა დიეგო ფორლანმა სანაკრებო კარიერის დასრულების შესახებ განცხადება გააკეთა.
“ჩემთვის დიდი პატივი იყო ეროვნულ ნაკრებში თამაში. ეს ჩემი ბავშვობის ოცნება გახლდათ. მახსოვს, ტელევიზორში რომ ვუყურებდი ეროვნულ ჰიმნზე ამღერებულ ფეხბურთელებს, გასაოცარი გრძნობა მეუფლებოდა. ვფიქრობდი, რომ ამ ოცნებას მეც ავისრულებდი. ურუგვაის ეროვნული გუნდის მხარდაჭერას მთელი გულით გავაგრძელებ. ყოველთვის ვცდილობდი, ჩემი დონე და სულისკვეთება მოედანზე მეჩვენებინა და არა სიტყვების საშუალებით. ურუგვაელ ფეხბურთელებს მე არ ვჭირდები იმის სათქმელად, თუ რას ნიშნავს ეროვნული ნაკრების ფორმის ტარება”, – განაცხადა ფორლანმა.
შეგახსენებთ, რომ დიეგო ფორლანი მსოფლიოს 2010 წლის ჩემპიონატის საუკეთესო მოთამაშე გახდა. მას ურუგვაის ნაკრებში ჩატარებულ 112 მატჩში 36 გოლი აქვს გატანილი. 2011 წელს გუნდთან ერთად კოპა ამერიკას გამარჯვებული გახდა.
8 მარტს, იაპონიის რანგით მეორე დივიზიონში “ტოკიო ვერდიმ” საკუთარ მოედანზე “სერესო ოსაკა” მიიღო და ფრედ 1:1 ითამაშა.
მატჩის 79-ე წუთზე, “სერესო ოსაკას” გამოცდილმა ფეხბურთელმა დიეგო ფორლანმა მეტოქის კარში ძალიან ლამაზი გოლი გაიტანა.
გონსალო იგუაინი არგენტინელ მოდელ სარა ნარას ხვდება. სათქმელია, რომ სამი წლის წინ ნარა ურუგვაელი თავდამსხმელის დიეგო ფორლანის გერლფრენდი იყო და 2011 წლის ივლისში მასზე დაქორწინებასთან ახლოს იყო.
აღსანიშნავია, რომ ფეხბურთელებთან ურთიერთობით სარას დაც გამოირჩაა. ვანდა აქამდე „ბარსელონას“, „სამპდორიასა“ და „მილანის“ ექს-მოთამაშეს მაქსი ლოპესს ხვდებოდა, ხოლო ღალატის შემდეგ არგენტინელი მიატოვა. ამჟამად იგი „ინტერის“ ფორვარდის მაურო იკარდის მეუღლეა, რომელიც, შესაბამისად, შესაძლოა, მომავალში იგუაინის ნათესავი გახდეს.
კოსტა-რიკასთან მარცხის მიუხედავად, ურუგვაის ნაკრების თავდამსხმელი დიეგო ფორლანი თვლის, რომ მის გუნდს პლეიოფში გასვლის შანსი აქვს.
„მსგავს სიტუაციაში უკვე ვყოფილვართ და ჩვენს უშანსობაზე საუბრის საფუძველს ვერ ვხედავ. ეს ფეხბურთია, აქ ყველაფერია მოსალოდნელი, გადაწყვეტილი ჯერ არაფერია. ჯგუფურ ეტაპზე კიდევ ორი მატჩი გველის და ორივეს მოგებას შევეცდებით. ამისთვის კი, პირველ რიგში, საკუთარი თამაშის გაუმჯობესებაა საჭირო“, – განაცხადა ფორლანმა.
ალექსანდრე მატევოსოვი
