დღეს, მიხეილ მესხის სასხლეობის სტადიონზე ევროპის ლიგის მესამე საკვალიფიკაციო ეტაპის განმეორებით შეხვედრაში საჩხერის „ჩიხურამ“ ბაქოს „ნეფთჩის“ უმასპინძლა.
მატჩისწინა პრესკონფერენციაზე აზერბაიჯანული კლუბის მთავარი მწვრთნელი გაჯიევი გულშემატკივარს საფეხბურთო შოუს დაპირდა, რაც მოედანზე შედგა კიდეც. მატჩი საკმაოდ სანახაობრივი და შედეგიანი გამოდგა.
შეხვედრის საწყისი წუთები სტუმართა მცირე უპირატესობით აღინიშნა, თუმცა წინა შეხვედრებისგან განსხვავებით „ჩიხურა“ შეტევებში უფრო თამამად მიდიოდა. მე-6 წუთზე მარჯვენა ფლანგზე დეკანოიძე-კორიფაძის აქტიურობის შემდეგ „ნეფთჩის“ კართან მცირე ხითაფი შეიქმნა, რაზეც სტუმრებმა მეტოქეს ნფორის რეალური საგოლე მომენტით უპასუხეს – „ჩიხურა“ ქვილითაიამ გადაარჩინა.
მე-12 წუთზე შეტევაში ჩართულმა ოდიკაძემ ხელსაყრელ პოზიციაზე გაბედავა გაიყვანა, თუმცა ამ უკანასკნელის დარტყმა სუსტი და არაზუსტი გამოდგა.
მე-16 წუთზე სტუმრებმა ანგარიშის გახსნა მოახერხეს. ნფორმა ბურთი საჯარიმოს მისადგომებთან მიიღო და საკუთარი გუნდი უძლიერესი დარტყმით დააწინაურა – 0:1.
23-ე წუთზე სტუმრებს მეორე გოლის გატანის შანსი მიეცათ. მარცხენა ფლანგიდან ფლავინიოს ჩაწოდების შემდეგ კარში ვობაიმ დაარტა, თუმცა ბურთი ხარიხას მოხვდა. რამდენიმე წუთში სახიფათო მომენტი მასპინძლებმაც შექმნეს. გაბედავას უშედეგო მცდელობის შედეგ „ნეფთჩის“ მველებმა ვითარების განმუხტვა მოახერხეს.
27-ე წუთზე „ნეფთჩიმ“ მეორე გოლის გატანა შესძლო. ვობაის შესანიშნავი თამაშის შემდეგ ქვილითაიას კარი კვლავ ნფორმა დალაშქრა.
მალევე „ჩიხურამ“ სხვაობის შემცირება მოახერხა. კუჭუხიძის პასის შემდეგ სტამენკოვიჩის კარში გაბედავამ დალაშქრა. გატანილი გოლის შემდეგ უპირატესობა საჩხერელებმა მოიპოვეს და უფრო აგრესიულად შეუტიეს. 35-ე წუთზე დათუნაიშვილის ჩაწოდების შემდეგ ჯიღაური ეფექტური დარტყმით ცდილობდა გოლის გატანას, თუმცა „ჩიხურას“ შვიდიანის მცდელობა არაზუსტი აღმოჩნდა.
შეტევაში წასულ „ჩიხურას“ ტაიმის ბოლოს კონტრშეტევა გამოეპარა, რაც სავალალო შედეგით დასრულდა – ნფორმა ჰეთ-თრიკის შესრულება მოახერხა.
მეორე ტაიმი „ჩიხურას“ შეტევებით დაიწყო. მალევე გაბედავამ დუბლის გაფორმება და ანგარიშში სხვაობის შემცირება კიდევ ერთხელ შესძლო. აღსანიშნავია, რომ მეორე შემთხვევაშიც გაბედავას ასისტენტობა კუჭუხიძემ გაუწია.
პირველი ტაიმის მსგავსად, „ჩიხურამ“ მეორე გოლის შემდეგაც მოიპოვა საგრძნობი უპირატესობა. გოლის გატანის შესანიშნავი შანსი ჯიღაურს მიეცა, რომლის დარტყმული სტამენკოვიჩმა გაჭირვებით მოიგერია. მოგვიანებით, ჯიღაურის კიდევ ერთი ძლიერი დარტყმის შემდეგ ბურთი სტუმართა მცველს ხელზე მოხვდა, თუმცა შეხვედრის მთავარი არბიტრი მხოლოდ კუთხურით შემოიფარგლა.
65-ე წუთზე ჯიღაურის გადაცემით მეკარესთან პირისპირ ოდიკაძე დარჩა. სამწუხაროდ, თუმცა საჩხერელთა კაპიტნის დარტყმა კარს მცირე მანძილით ასცდა.
დარჩენილ დროში თამაშის სურათი არ შეცვლილა. “ნეფთჩი” ძირითადად მწვავე კონტრშეტევებით პასუხობდნენ „ჩიხურას“ მასიურ შეტევებს. მატჩის ბოლოს ფრუიძის შეგირდებმა ვერც საბოლოო შტურმის მოწყობა მოახერხეს.
საბოლოოდ, 2:3 ორი შეხვედრის ჯამში და ევროთასებზე დასრულებული გამოსვლა. ევროპის ლიგის პლეი-ოფში ბაქოს “ნეფთჩი” ითამაშებს.
უეფას ევროპის ლიგა
მესამე საკვალიფიკაციო ეტაპი
“ჩიხურა” — “ნეფთჩი” 2:3 (1:3)
“ჩიხურა”: ქვილითაია, კაშია, რეხვიაშვილი, ქიმაძე, ოდიკაძე, დათუნაიშვილი, დეკანოიძე, კორიფაძე (მუმლაძე 79′), ჯიღაური, გაბედავა, კუჭუხიძე.
მთავარი მწვრთნელი: სოსო ფრუიძე.
“ნეფთჩი”: სტამენკოვიჩი, კარდოსო, ბერტუჩი, იუნუსზადე, კაუე, აბდულაევი (მასიმოვი 72′), ერიკ რამოსი, სეიდოვი (ისაევი 64′), ვობაი (იმამვერდიევი 83′), ფლავინიო, ნფორი.
მთავარი მწვრთნელი: ბეიუკაღა გაჯიევი.
გოლები: გაბედავა 30′, 50′ — ნფორი 16′, 27′, 38′.
გაფრთხილებები: გაბედავა 68′, დათუნაიშვილი 85′, რეხვიაშვილი 90+2′ — კაუე 20′, კარდოსო 52′, ბერტუჩი 63′, იუნუსზადე 68′,
მთავარი მსაჯი: ტამაშ ბოგნარი (უნგრეთი).
მარიამ ნიშნიანიძის ფოტო
