რამდენიმე წუთის წინ დასრულდა ეროვნულ ლიგა 2-ის ოცდამეთხუთმეტე ტურის შეხვედრა რუსთავში, ადგილობრივმა გუნდმა “ვიტ ჯორჯიას” უმასპინძლა და 2-0 დაამარცხა მეტოქე.
შეხვედრაში აშკარა უპირატესობას “რუსთავი” ფლობდა. თავდაპირველად გოლი მე-18 წუთზე, გათამაშების ბომბარდირმა დათა სიჭინავამ გაიტანა, ხოლო 61-ე წუთზე ზაზა ციცქიშვილმა სხვაობა ორამდე გაზარდა. ამ გამარჯვების შემდეგ რუსთაველებმა ეროვნულ ლიგა 1-ის საგზური პირდაპირ მოიპოვეს და შემდეგი სეზონიდან საქართველოს რანგით პირველ დივიზიონში იასპარეზებენ. ასევე გაირკვა იმ გუნდების ვინაობა, რომელებიც გადათამაშებაში მიიღებენ მონაწილეობას. “მერანი”, დიდი ალბათობით, ფოთის “კოლხეთს” დაუპირისპირდება, ხოლო “სიონი” ბათუმის “დინამოსთან” მოსინჯავს ძალებს.
ასევე გაირკვა, რომ ეროვნულ ლიგა 2-ს გამოემშვიდობა ტყიბულის “მეშახტე”, ხოლო “ზუგდიდმა” ბოლოსწინა ადგილი დაიკავა და პლეი-ოფში მიიღებს მონაწილეობას. ჯერჯერობით უცნობია, თუ რომელი გუნდი გავა მე-8 პოზიციაზე. გადარჩენისთვის “გურია” და “ცხინვალი” იბრძვიან. ბოლო ტურში ერთადერთ ინტრიგას სწორედ მერვე-მეშვიდე ადგილზე გასული გუნდების ვინაობი გარკვევა წარმოადგენს.