ჭდე: 15-წლამდე ნაკრები

საქართველოს 15-წლამდე ნაკრები “ბასაზე” ოთხდღიან შეკრებას გაივლის

Posted on by კახა ყიფიანი

საქართველოს 15-წლამდე ნაკრებმა ოთხდღიანი შეკრება მოაწყო სფფ-ის ტექნიკურ ცენტრ „ბასაზე“. მთავარი მწვრთნელი გიორგი ჩიტაური ნაკრების კანდიდატებს ერთ ამხანაგურ მატჩშიც დააკვირდება – 15-წლამდელები თბილისის „დინამოს“ 16-წლამდე გუნდს შეხვდებიან. თამაში „დინამოს“ აკადემიაში 28 თებერვალს, 16 საათზე გაიმართება.
მეკარეები: ნიკა შურღაია (დინამო თბ), დავით ასათიანი (ტორპედო);

მცველები: საბა ხვადაგიანი (დინამო თბ), ლუკა ფერცულიანი (სფფ აკადემია), გიორგი უბილავა (დინამო თბ), საბა ბეჭვაია (სფფ აკადემია), თეიმურაზ ვაზაგაშვილი (საბურთალო), სანდრო გულიაშვილი (საბურთალო), გიორგი გრიგალაშვილი (სფფ აკადემია), ლუკა სალუქვაძე (დინამო თბ);

ნახევარმცველები: ლუკა გაგნიძე (დინამო თბ), ოთარ მამაგეიშვილი (საბურთალო), გიზო მამაგეიშვილი (საბურთალო), ნიკა სიხარულაშვილი (დინამო თბ), შალვა პატაშური (სფფ აკადემია), ნიკა უგრეხელიძე (ოლიმპიკი), მიხეილ ავალიანი (ლოკომოტივი), გიორგი შეყლაშვილი (ჩიხურა), ლუკა მაყიშვილი (სფფ აკადემია), გიორგი გვიშიანი (საბურთალო);

თავდამსხმელები: საბა ბოგვერაძე (ლოკომოტივი), გიორგი თვალავაძე (35-ე სკოლა).

Gff.Ge

15-წლამდე ნაკრებმა ბელარუსიც დაამარცხა

Posted on by კახა ყიფიანი

თბილისში მიმდინარე 15-წლამდე საერთაშორისო ტურნირზე მეორე ტურის მატჩები გაიმართა. საქართველოს 15-წლამდე ნაკრებმა დაძაბულ მატჩში 2:1 აჯობა ბელარუსს. თავიდან მეტოქე დაწინაურდა – 35-ე წუთზე მაქსიმ კასარუბმა თავურით შეაგდო. გიორგი ჩიტაურის შეგირდებმა მეორე ტაიმში შეძლეს თამაშის შემობრუნება – ჯერ ნიკა სიხარულაშვილმა გაათანაბრა ანგარიში, მერე კი გიორგი აბუაშვილმა დასვა წერტილი.

საქართველოს ნაკრების შემადგენლობა ასეთი იყო:

ხარატიშვილი, გოგოტიშვილი, ხვადაგიანი, ფერცულიანი, უბილავა, გაგნიძე, ჩხეტიანი, აბუაშვილი, ქუნთელია, მამაგეიშვილი, ჯიბლაძე.

შეცვლაზე შევიდნენ: ვაზაგაშვილი, ბეჭვაია, სიხარულაშვილი, თაგორაშვილი, დევიძე.

მეორე მატჩში თურქეთმა 2:1 მოუგო ლიტვას და ჩვენი გუნდის დარად, 6 ქულა აქვს. მესამე ტურში სწორედ საქართველო და თურქეთს შორის გაირკვევა ტურნირის გამარჯვებულის ვინაობა.

8 დეკემბერს, 11:30 საათზე, დავით პეტრიაშვილის სახელობის სტადიონზე ლიტვა – ბელარუსი შეხვდებიან ერთმანეთს, 15 საათზე კი საქართველო – თურქეთია.

Gff.Ge

საქართველოს 15-წლამდე ნაკრებმა ლიტვას გადაუარა

Posted on by კახა ყიფიანი

თბილისში დაიწყო ოთხთა საერთაშორისო ტურნირი 15-წლამდე ნაკრებებს შორის. პირველი ტური წარმატებული გამოდგა საქართველოს და თურქეთის ნაკრებებისთვის.

გიორგი ჩიტაურის გუნდმა ტექნიკურ ცენტრ „ბასას“ მოედანზე ლიტვას 6:0 მოუგო, ხოლო თურქეთმა დავით პეტრიაშვილის სახელობის სტადიონზე 2:0 აჯობა ბელარუსს.

ჩვენმა გუნდმა მეტოქესთან უდიდესი უპირატესობა ტაიმებში 3-3 გოლით აღნიშნა. თავი ჯაბა ჯიბლაძემ (მე-7 წუთი), ლუკა ქუნთელიამ (19), ლუკა გაგნიძემ (26), ლუკა თაგორაშვილმა (51), ნიკა სიხარულაშვილმა (60) და გიზო მამაგეიშვილმა (66) გამოიჩინეს.

ლიტვასთან საქართველოს ნაკრების შემადგენლობა ასეთი იყო:

შურღაია, გოგოტიშვილი, ხვადაგიანი, ფერცულიანი, უბილავა, ზოსიაშვილი, გაგნიძე, აბუაშვილი, ჩხეტიანი, ჯიბლაძე, ქუნთელია.

შეცვლაზე შევიდნენ: აბჟანდაძე, მამაგეიშვილი, ვაზაგაშვილი, სიხარულაშვილი, ბეჭვაია, მეხტიევი, თაგორაშვილი.

მეორე ტური 6 დეკემბერს გაიმართება. 12 საათზე „დავით პეტრიაშვილზე“ ლიტვა თურქეთს შეხვდება, ხოლო 14 საათზე „ბასაზე“ საქართველო ბელარუსს გაეჯიბრება.

Gff.Ge