ცნობილი გახდა მთავარი მიზეზი, რის გამოც რუი ფარიასა და ჟოზე მოურინიოს 17-წლიან თანამშრომლობას წერტილი დაესვა – რუი ფარიასთან მოლაპარაკებებს “ბენფიკას” ხელმძღვანელები აწარმოებენ.
The Telegraph-ის ცნობით, მოლაპარაკებები დასკვნით ფაზაშია გადასული და თუ რაიმე გაუთვალისწინებელი არ მოხდება, ფარია პორტუგალიურ გრანდს უახლოეს მომავალში ჩაიბარებს.
შეგახსენებთ, რომ ფარიას მოურინიოს გვერდით ისეთ კლუბებში მუშაობის გამოცდილება აქვს, როგორებიც არიან: “პორტუ”, “ინტერი”, “რეალი”, “ჩელსი” და “მანჩესტერ იუნაიტედი”.
