საქართველოს ეროვნული ნაკრების ყოფილი მთავარი მწვრთნელი ალენ ჟირესი კოსოვოს ნაკრების თავკაცის პოსტზე დაინიშნა. მხარეებს შორის გაფორმებულ შრომით ხელშეკრულებას ვადა 2023 წლის ნოემბრამდე ექნება.
“გახარებული ვარ. კოსოვოს ვიცნობ და ამიტომაც დავთანხმდი აქ მუშაობას. ეროვნულ გუნდებში მიმუშავია და კარგად ვიცი, რას მოელის ნებისმიერი ქვეყანა საკუთარი ნაკრებისგან”, – ციტირებს ჟირესის სიტყვებს კოსოვოს ფეხბურთის ფედერაციის ოფიციალური ვებგვერდი.
შეგახსენებთ, რომ ფრანგი სპეციალისტი საქართველოს ეროვნულ გუნდს 2004-2005 წლებში თავკაცობდა, რის შემდეგაც გაბონის, მალის, სენეგალისა და ტუნისის ნაკრებებში იმუშავა.
