ავტორიტეტული იტალიელი ჟურნალისტი ფაბრიციო რომანო იუწყება, რომ “ლიდს იუნაიტედის” ბოლოდროინდელი წარუმატებელი შედეგების გამო მარსელო ბიელსა გუნდის მთავარი მწვრთნელის პოსტს დატოვებს. საქმეში უკვე ჩაერთვნენ ადვოკატები, რომლებიც ამ პროცედურის ლეგალურად წარმართვაზე იმუშავებენ.
“ლიდსის” ხელმძღვანელობას გუნდის თავკაცის პოსტზე “ლაიფციგის” ყოფილი მთავარი მწვრთნელის, ჯესი მარშის მოწვევა სურს. მხარეებს შორის მოლაპარაკება უკვე გაჩაღებულია და შეთანხმება თითქმის მიღწეულია.
“ლიდსი” ინგლისის პრემიერლიგის უკანასკნელ ექვს მატჩში ხუთჯერ დამარცხდა, ერთხელ კი ფრედ ითამაშა. გუნდს სატურნირო ცხრილში მე-16 ადგილი უკავია და გასავარდნ ზონას მხოლოდ ორი ქულა აშორებს.