დღეს საფეხბურთო კლუბი „კოლხეთი“ ფოთში შეიკრიბა და ახალი სეზონისთვის მზადება დაიწყო.
როგორც კლუბის „ფეისბუქის“ გვერდი იტყობინება, ივლისში ფოთელები რამდენიმე ამხანაგურ მატჩს გეგმავენ – 12 ივლისს ურეკში „კოლხეთი“ ოზურგეთს „მერცხალს შეხვდება, 16 ივლისს ქობულეთში აზდგილობრივ „შუქურას“ დაუპირისპირდება, 22 ივლისს კი „საპოვნელას“ უმაპინძლებენ“.
23 ივლისიდან ფოთელები თურქეთში გაემგზავრებიუან, სადაც ასევე რამდენიმე ამხანაგურ მატჩს გამართავენ.
ფოთის ცენტრალურ სტადიონზე სამშენებლო სამუშაოები გრძელდება. გეგმის მიხედვით ფოთელები საკუთარ სტადიონს მომდევნო სეზონის დასაწყისში დაუბრუნდებიან. ამ დროისთვის სტადიონზე ერთი ტრიბუნის მოწყობა იგეგმება და მატჩების გამართვაც უკვე შესაძლებელი გახდება. პარალელურად კი მშენებლობა გაგრძელდება.
შეგახსენებთ, რომ გასულ სეზონში ფოთელები მეტოქეებს ლანჩხუთში, ევგრაფი შევარდნაძის სახელობის სტადიონზე მასპინძლობდნენ.
22 წლის ნახევარმცვლემა, მერაბ გიგაურმა ფოთის “კოხლეთი” დატოვა. ახალგაზრდა ფეხბურთელი ფოთელების ღირსებას გასული სეზონის მეორე წრეში იცავდა.
“მადლობა ფოთელ გულშემატკივრებს გვერდზე დგომისთვის, ძალიან დიდ მხარდაჭერას ვგრძნობდით თქვენგან და მადლობა მთლიანად ფოთის ”კოლხეთს” და მის პერსონალს” – განაცხადა გიგაურმა.
გიგაურმა “კოლხეთის” შემადგენლობაში უმაღლეს ლიგაში 14 შეხვედრა ჩაატარა და 2 გოლის გატანა შეძლო.
თურქეთში მყოფმა “კოლხეთმა” შეკრების ბოლო ტესტ-მატჩი გამართა. ფოთელთა მეტოქე მაკედონიური “პელისტერი” გახლდათ.
“კოლხეთის” პრესსამსახურის ცნობით, მატჩი ქართული გუნდის უპირატესობით წარიმართა, თუმცა მოთამაშეებმა რეალური საგოლე მომენტების გამოყენება ვერ შეძლეს და კონტრშეტევებით დაისაჯდნენ. საბოლოოდ ფოთელებმა 2:0 წააგეს.
,კოლხეთი 1913”: ძაგანია, კილასონია, ჩადუნელი, თევზაძე, თ.კაკულია, გურეშიძე, გოგონაია, შენგელია, ქორჩილავა, ჟიშკარიანი, ჯიქია.
46-ე წუთზე მოედანზე მეკარე სეფიაშვილი შევიდა, ხოლო მე-60 წუთიდან შევიდნენ: ლ.კაკულია, ლემონჯავა, გაბისკირია, ამბროლაძე, გუგუშვილი, ბეჩეხია, ჩაკვეტაძე, სიჭინავა, ბარამიძე.
თურქულ შეკრებაზე “დორდოის” და “ირტიშის” დამარცხების შემდეგ ფოთის “კოლხეთმა” მესამე ტესტი გამართა. ფოთელთა მეტოქე ლიბიური “ალ-აჰლი” გახლდათ.
შეხვედრა “კოლხეთის” უპირატესობით წარიმართა და მინიმალური გამარჯვებით დასრულდა. ერთადერთი გოლის ავტორი მე-80 წუთზე ქორჩილავა გახდა.
მომდევნო მატჩს ფოთელები 8 თებერვალს ავსტრიულ ლასკ-თან გამართავენ, რომელიც ავსტრიულ ბუნდესლიგაში გადასვლის მთავარი კანდიდატია.
თურქულ შეკრებაზე მყოფმა ფოთის “კოლხეთმა” მორიგი ტესტ-მატჩი გამართა. ფოთელთა მეტოქე ყაზახური “ირტიში” იყო. შეხვედრა “კოხლეთის” მინიმალური გამარჯვებით, 1:0 დასრულდა. ერთადერთი გოლის ავტორი გურამ გურეშიძე გახდა.
მომდევნო მატჩს “კოლხეთი” ლიბიის ჩემპიონთან და ახლანდელი ჩემპიონატის ლიდერთან ,,ალ-ახჰლისთან” დღეს ჩაატარებს.
თურქულ შეკრებაზე ფოთის “კოლხეთმა” მორიგი ამხანაგური მატჩი ჩაატარა. ქართული გუნდის მეტოქე ყირგიზეთის ჩემპიონი “დორდოი” იყო.
უგოლო პირველი ტაიმის შემდეგ გადამწყვეტი უპირატესობა ფოთელებმა მეორე ნახევარში მოიპოვეს. 58-ე წუთზე ანგარიში ამბროლაძემ გახსნა, 71-ზე კი საბოლოო შედეგი შენგელიამ დააფიქსირა – 2:0.
“კოლხეთი” თურქეთში კიდევ ორ საკონკროლო შეხვედრას ჩაატარებს და ფოთში 13 თებერვლას დაბრუნდება.
თურქეთში გამგზავრებამდე ქართული გუნდები საკონტროლო მატჩებს ერთმანეთის წინააღმდეგ ატარებენ. დღეს, ქობულეთში, ფოთის “კოლხეთი” ბათუმის “დინამოს” დაუპირისპირდა. შეხვედრა ფოთელთა მინიმალური გამარჯვებით, 1:0 დასრულდა.
გამარჯვების გოლის ავტორი თამაზ ჟიშკარიანი გახდა, რომელმაც ზუსტი დარტყმა მატჩის 36-ე წუთზე შეასრულა. თურქულ შეკრებაზე ფოთელებიც და ბათუმელებიც თვის ბოლოს გაემგზავრებიან.
მარტვილის ცენტრალურ სტადიონს გუშინ ფეხბურთი დაუბრუნდა. ხანგრძლივი რეაბილიტაციის შემდეგ “მერანმა” ამხანაგურ შეხვედრაში ფოთის “კოლხეთს” საკუთარ მოედანზე უმასპინძლა.
განახლებულ სტადიონზე პირველი მატჩი მარტვილელებისთვის წარუმატებელი გამოდგა. გამარჯვება ფოთელებმა, შეხვედრის 69-ე წუთზე გატანილი გოლით მოიპოვეს. ერთადერთი ზუსტი დარტყმის ავტორი ბეჩეხია გახდა.
“მერანი” 0-1 “კოლხეთი 1913”
გოლი: 69′ ბეჩეხია
“კოლხეთი 1913”: სეფიაშვილი, კილასონია, ჩაკვეტაძე, ჩადუნელი (გვალია 69′), ლემონჯავა, გურეშიძე (ბეჩეხია 64′), ამბროლაძე (ბარამიძე 55′), გოგონაია, გიგაური, ჯიქია, სიჭინავა (გუგუშვილი 46′).
,”მერანი”: მამალაძე, მელიავა, ორბელაძე, ლომაშვილი, გეგია, ფონიავა, ფაილოძე, კუშნირი, წურწუმია, გეგეჭკორი, დ.ციცხვაია.
მეორე ნახევარში შევიდნენ: ბეგაშვილი, კიკნაველიძე, ე.ქაჯაია, ჯღამაია, ი. ციცხვაია, ქიქავა, შულაია, მარგველაშვილი, პაჭკორია, მ.ქაჯაია, ლომია.
მეორე წრისთვის მოსამზადებელი ეტაპის ფარგლებში ზუგდიდში, ბაიას ბაზაზე “ზუგდიდმა” ფოთის “კოლხეთთან” გამართა ტესტ-მატჩი.
ანგარიში ფოთელებმა გახსნეს. “კოლხეთმა” დაწინაურება ახალწვეულსი, მერაბ გიგაურის გოლით შეძლო. ანგარიშის გათანაბრება და საბოლოო შედეგის დაფიქსირება კი ცოტნე სამუშიამ მოახერხა – 1:1.
“კოლხეთი” უმაღლესი ლიგის მეორე წრისთვის მზადებას აგრძელებს. დღეს, ფოთელები ზუგდიდს სტუმრობდნენ, სადაც ადგილობრივ “ლაზიკასთან” გამართეს შეხვედრა, რომელიც პირველი ლიგის ბინადარი და ერთ-ერთი მოწინავე გუნდია.
მატჩი “კოლხეთის” დამაჯერებელი გამაჯრვებით, 3-1 დასრულდა. ფოთელთა მხრიდან გოლები შენგელიამ, გვალიამ და სიჭინავამ გაიტანეს. “ლაზიკადან” კი თავი ჭკადუამ გამოიჩინა.
დღეს, ერთწლიანი პაუზის შემდეგ ფოთის სტადიონზე სამშენებლო სამუშაოები განახლდა. “კოლხეთის” პრესსამსახურის ცნობით იმ შემთხვევაში, თუ ყველაფერი გეგმის მიხედვით წარიმართა ფოთელები საკუთარ სტადიონს მომდევნო სეზონის სტარტიდან დაუბრუნდებიან. ამ დროისთვის სტადიონზე ერთი ტრიბუნის მოწყობა იგეგმება და მატჩების გამართვაც უკვე შესაძლებელი გახდება. პარალელურად კი მშენებლობა გაგრძელდება.
შეგახსენებთ, რომ სტადიონზე დაწყებული სარემონტო სამუშაოების გამო “კოლხეთი” მიმდინარე სეზონში ყველა საშინაო მატჩს ნეიტრალურ მოედანზე ატარებს.
