დღეს ეროვნული ლიგის მეთექვსმეტე ტურში “მიხეილ მესხი 2”-ზე “ლოკომოტივი” “კოლხეთს” დაუპირისპირდა.
ანგარიში დედაქლაქელებმა გახსნეს. მე-17 წუთზე ოთარ კობახიძემ გამოიჩინა თავი. თუმცა, 32-ეზე ილია მიხაილოვმა გაათანაბრა. “რკინიგზელებმა” მაინც შეძლეს გამარჯვების გოლის გატანა: 37-ზე ოთარ კობახიძემ შეაგდო და საბოლოო ანგარიში, 2-1 დააფიქსირა.
ამ გამარჯვების შემდეგ “ლოკო” 18 ქულით მეექვსე ადგილზეა. ხოლო, ფოთელებს 14 ქულა აქვთ და მერვე საფეხურზე იმყოფებიან.
დღეს ეროვნული ლიგის მეთერთმეტე ტურის სადებიუტო შეხვედრაში თბილისის “საბურთალომ” “მიხეილ მესხზე” ფოთის “კოლხეთი” მიიღო.
ანგარიში 23-ე წუთზე ბექა გვარაძემ გახსნა. ზუსტად რვა წუთში თორნიკე გორგიაშვილმა დედაქალაქელების უპირატესობა ორამდე გაზარდა. მეორე ნახევრის დაწყებიდან სამ წუთში ვაგნერ გონსალვეშმაც შეაგდო თავისი ბურთი. 64-ე წუთზე თორნიკე ჯიმშელეიშვილმა საკუთარ კარში გაიტანა. მეხუთე გოლის ავტორი კი დიმიტრი ტატანაშვილი გახდა. საბოლოოდ, 5-0 თბილისელთა სასარგებლოდ.
ამ გამარჯვების შემდეგ “საბურთალო” 27 ქულით პირველია. ხოლო, მეგრულ გუნდს ცხრა ქულა აქვს და მეშვიდე საფეხურზეა.
დღეს ეროვნული ლიგის მეათე ტურის შეხვედრები გაიმართა. ერთ-ერთ მათგანში ფოთის “კოლხეთი” საჩხერის “ჩიხურას” ზესტაფონში, “დავით აბაშიძეზე” დაუხვდა.
23-ე წუთზე ვლადიმერ პანამარიოვმა სახიფათო თამაშის გამო წითელი ბარათი მიიღო და ფოთელები ათი კაცით დარჩნენ. თუმცა, ზუსტად ექვს წუთში ლაშა გოგონაიამ “კოლხეთის” დაწინაურება მოახერხა. მეორე ნახევარში მოედანზე დავით იონანიძე გამოვიდა, რომელმაც შესვლიდან შვიდ წუთში, 64-ე წუთზე გაათანაბრა ანგარიში. 69-ეზე გიორგი ბუხაიძემ თავური დატყმით მეგრელთა კარი აიღო და წინ გაიყვანა იმერული კლუბი. ამის შემდეგ “ჩიხურას” რამდენიმე კარგი მომეტი ჰქონდა, თუმცა მთავარმა გოლეადორმა, გიორგი გაბედავა ვერ ივარგა. სამაგიეროდ, არ დანებდა “კოლხეთი” და 79-ე წუთზე პეტერსონ კაბორეს ლამაზი, გამჭოლი გადაცემის შემდეგ, ილია მიხაილოვმა შეაგდო. საბოლოოდ, ეს დაძაბული მატჩი ანგარიშით, 2-2 დასრულდა.
ამ ფრის შემდეგ “კოლხეთს” ცხრა ქულა აქვს და მეშვიდე ადგილზეა. ხოლო, “ჩიხურა” 19 ქულით მესამე საფეურზე იმყოფება.
 
დღეს ეროვნული ლიგის მეშვიდე ტურმა აიღო სტარტი. “დავით აბაშიძეზე” ფოთის “კოლხეთმა” თბილისის “ლოკომოტივი” მიიღო.
მატჩის მეშვიდე ანგარიში თეიმურაზ შონიამ თერთმეტმეტრიანის ნიშნულიდან გახსნა და “ლოკომოტივი” წინ გავიდა. ზუსტად ცხრა წუთში, უკვე დედაქალაქელების კართან დაინიშნა პენალტი, რომელიც იაროსლავ კვასოვმა გამოიყენა – 1-1. 25-ე წუთზე გიორგი კილასონიამ საერთოდ წინ გაიყვანა “კოლხეთი”. მეორე ნახევარში “რკინიგზელებმა” კიდევ ერთი გოლი გაუშვეს – მისი ავტორი ილია მიხაილოვი გახდა (67 წთ.). საბოლოოდ, “კოლხეთმა” ანგარიშით, 3-1 იმარჯვა.
ამ მოგების შემდეგ ფოთური გუნდი შვიდი ქულით მერვე პოზიციაზეა. ხოლო, “ლოკოს” ოთხი ქულა აქვს და მეათე ადგილს იკავებს.
დღეს ეროვნული ლიგის მესამე ტურის მატჩები გაიმართა. ერთ-ერთ დაპირისპირებაში ბოლნისის “სიონმა” ფოთის “კოლხეთი” მიიღო.
“მიხეილ მესხზე” გამართული შეხვედრა გარდამავალი უპირატესობით წარიმართა. ორივე გუნდმა შექმნა მომენტები, თუმცა გოლი არ გავიდა. შესაბამისად, მატჩი უგოლო ფრით დასრულდა. ამ თამაშის შემდეგ ბოლნისური გუნდი ოთხი ქულით მეექვსე პოზიციაზეა. ხოლო, “კოლხეთს” ერთი ქულა აქვს და მეცხრე ადგილს იკავებს.
დღეს ეროვნული ლიგის მეორე ტურის შეხვედრები შედგა. ზესტაფონში, “დავით აბაშიძეზე” ფოთის “კოლხეთმა” თბილისის “საბურთალო” მიიღო.
მატჩში ანგარიში მეოცე წუთზე გაიხსნა: ლაშა გოგონაიამ თერთმეტმეტრიანი გამოიყენა და მეგრელები წინ გაიყვანა. მათ პირველი ტაიმი მოიგეს. მეორე ნახევარში, 47-ე წუთზე გიორგი კოხრეიძემ თორნიკე გორგიაშვილს გაატანინა. შვიდ წუთში კოხრეიძემ დიასამიძის პასით თავად შეაგდო. ამას მოჰყვა, 76-ე წუთზე რეხვიაშვილის მიერ მესამე გატანილი გოლი. 88-ეზე კი ტატანაშვილმა პენალტი გამოიყენა და საბოლოო ანგარიში, 1-4 დააფიქსირა.
ამ მარცხის შემდეგ “კოლხეთი” ნული ქულით ბოლო პოზიციაზეა. ხოლო, “საბურთალოს” ექვსი ქულა აქვს და ცხრილს ლიდერობს.
დღეს ეროვნული ლიგის პირველი ტურის მორიგი მატჩი შედგა. “დავით პეტრიაშვილი არენაზე” ერთმანეთს “ჩიხურა” და “კოლხეთი” დაუპირისპირდნენ.
შეხვედრა იმერელთა უპირატესობით წარიმართა. ანგარიში მეექვსე წუთზე გიახსნა. გიორგი გაბედავამ “ჩიხურას” დაწინაურება თერთმეტმეტრიანით მოახერხა. მეჩვიდმეტე წუთზე თეიმურაზ მარკოზაშვილმა მეორე გოლიც შუგდო მეგრელებს. პირველ ნახევარში კიდევ ერთი გოლი გავიდა: ირაკლი ბუღრიძის პასი გაბედავამ გამოიყენა და დუბლი შეასრულა.
ფოთელებმა ერთი გოლი 61-ე წუთზე გაქვითეს – ეს ლაშა გოგონიამ პენალტით შეძლო. მეორე ნახევარში, 69-ე წუთზე გაბედავამ ჰეთრიკი შეასრულა. ხოლო, ზუსტად ორ წუთში მან ბუღრიძეს უპასა, რომელმაც 5-1 გახადა ანგარიში. შეხვედრის მეორე დამატებით წუთზე, დემურ ჩიხლაძემ წერტილი დასვა – 6-1.
ამ გამარჯვების შემდეგ “საჩხერლები” სამი ქულით პირველზე არიან. ხოლო, “კოლხეთს” ნული ქულა აქვს და მეათე პოზიციას იკავებს.
დღეს ეროვნული ლიგის პლეი-ოფის განმეორებითი მატჩები იმართება.
მარტვილში, “მურთაზ ხურცლავაზე” ადგილობრივი “მერანი” ფოთის “კოლხეთს” დაუპირისპირდა. ანგარიში მე-16 წუთზე ვანო კურდღელაშვილმა გახსნა და მასპინძლები დააწინაურა. პირველ ტაიმშივე სცადა გათანაბრება კოლხეთმა რამდენიმე მომენტით, თუმცა – უშედეგოდ.
მეორ ნახევარში სტუმარი გუნდის მცდელობამ შედეგი გამოიღო: 53-ე წუთზე გიორგი ბუხაიძემ შეაგდო. ამას მოჰყვა მისივე დუბლი 90-ე წუთზე. ხოლო, ორ წუთში კურდღელაშვილმა შეასრულა დუბლი. საბოლოოდ, მატჩი ანგარიშით, 2-2 დასრულდა.
შეგახსენებთ, რომ ამ გუნდების პირველ თამაში ფოთში, ადგილობრივების გამარჯვებით, ანაგარიშით, 2-1 დამთავრდა: ორი მატჩის ჯამში 4-3 “კოლხების” სასრგებლოდ, რაც იმას ნიშნავს, რომ ეს გუნდი დარჩა ეროვნულ ლიგაში!
დღეს ეროვნული ლიგის პლეი-ოფის მატჩები შედგა.
“პარკი არენაზე” ფოთის “კოლხეთმა” მარტვილის “მერანი” მიიღო. გარდამავალი უპირატესობით მიმდინარე დაპირისპირებაში ანგარიში 36-ე წუთზე ალეკსანდრ დერებჩინსკიმ გახსნა. ზუსტად ხუთ წუთში დავით ბოლქვაძემ “კოლხები” ორბურთიანი სხვაობით გაიყვანა წინ. თუმცა, 43-ე წუთზე სერგეი ტრეტიაკმა ერთი გოლი გაქვითა.
საბოლოოდ, ფოთელებმა ანგარიშით, 2-1 იმარჯვეს. განმეორებითი მატჩი უკვე მარტვილში, “მურთაზ ხურცილავაზე” სამ დეკემბერს, 13:00 საათზე აიღებს სტარტს.
დღეს ეროვნული ლიგის დასკვნითი, 36-ე ტურის მატჩები იმართება.
ბათუმში, “რაგბი არენაზე” ადგილობრივმა “დინამომ” ფოთის “კოლხეთი” მიიღო. პირველ ნახევარში გოლი არ გავიდა. 51-ე წუთზე ვალერიან თევდორაძემ თერთმეტმეტრიანის ნიშნულიდან გაიტანა და მასპინძლები დააწინაურა. 12 წუთში გიორგი ბუხაიძემ ანგარიშის გათანაბრება მოახერხა. ხოლო, გამარჯვების გოლი ალეკსანდრ დერებჩინსკის ანგარიშზეა – მან 79-ე წუთზე გაუტანა ანატოლი ტიმოფეევს და მეგრულ გუნდს მოაგებინა.
ამ გამარჯვების შემდეგ “კოლხეთს” 26 ქულა დაუგროვდა, ხუთით გადაუსწრო ბოლო ადგილზე მყოფ “შუქურას” და ეროვნული ლიგიდან გავარდნას გადაურჩა. რაც შეეხება “დინამოს”, მან ჩემპიონატი 33 ქულითა და მერვე ადგილით დაასრულა. ეს ორი გუნდი პლეი-ოფში ადგილის შენარჩუნებისთვის ითამაშებენ.
დღეს ეროვნული ლიგის 34-ე ტურის შეხვედრები იმართება.
სამტრედიაში, “ეროსი მანჯგალაძეზე” ადგილობრივმა “სამტრედიამ” ფოთის “კოლხეთს” უმასპინძლა. მატჩი თავიდან ბოლომდე იმერელთა უპირატესობით წარიმართა. შეხვედრაში ანგარიში მეგრელთა მეკარის, კონსტანტინე სეფიაშვილის შეცდომის შემდეგ გაიხსნა. მე-19 წუთზე მას გუნდელმა პასი მისცა, რის შემდეგაც სეფიაშვილმა ბურთი დროულად ვერ მოიგერია და მას იგი საბანაძემ აართვა. “სამტრედიელთა” თავდამსხმელს ცარიელ კარში გოლის გატანა აღარ გასჭირვებია. მეორე გოლი 33-ე წუთზე მაიკლ ოლაიტიანმა შეაგდო.
მეორე ნახევარში, 48-ე წუთზე ოლაიტანმა დუბლი შეასრულა. ხოლო, მეოთხე გოლის ავტორი აღნიშნული მომენტიდან ზუსტად 11 წუთში ანტე გიი გახდა. მეხუთეჯერ და უკანასკნელად “კოლხების” კარი გიული მანჯგალაძემ აიღო. საბოლოოდ, ეს მატჩი ანგარიშით, 5-0 დასრულდა.
“კოლხეთის” განადგურების შემდეგ, “სამტრედია” მესამე პოზიციაზეა – მას 64 ქულა აქვს. ხოლო, რაც შეეხებათ მეგრელებს, ისინი 23 ქულით მეცხრე პოზიციაზე არიან.
დღეს ეროვნული ლიგის 32-ე ტურის შეხვედრები იმართება. თავისი მატჩი ჩაატარა თბილისის “ლოკომოტივმა”, რომელიც “მიხეილ მესხი 2”-ზე ფოთის “კოლხეთს” დაუხვდა.
დაპირისპირება მასპინძელთა უპირატესობით წარიმართა და ერთადერთი გატანილი გოლით დასრულდა. მისი ავტორი 63-ე წუთზე “რკინიგზელთა” ფეხბურთელი ნოდარ ქავთარაძე გახდა. საგულისხმოა, რომ 84-ე წუთზე თბილისელთა ფეხბურთელმა, დავით უბილავამ გიორგი ბუხაიძე წააქცია, რომელიც საჯარიმოში შეჭრას და, ფაქტობრივად, მეკარესთან პირისპირ გასვლას ცდილობდა. მთავარმა არბიტრმა, ყრუაშვილმა მას 86-ე წუთზე წითელი ბარათი უჩვენა და მოედნიდან გააძევა. ამას მოჰყვა სტანდარტული, რომლიდან ჩაწოდებული ბურთიც მეტოქემ გამოიტანა. თუმცა მეგრელებმა ის ისევ ჩააბრუნეს უკან, რასაც თავურით გოლი მოჰყვა. უკანასკნელი ჩაწოდების მომენტში ბურთს მოედნის საზღვრები დატოვებული ჰქონდა და გოლიც არ ჩაითვალა.
საბოლოოდ, “ლოკომ” ანგარიშით, 1-0 მოიგო. მას ახლა 52 ქულა აქვს და მეხუთე ადგილზეა. “კოლხეთი” 20 ქულით მეცხრე პოზიციაზეა.
