ლონდონის „არსენალის“ ხელმძღვანელობა ზაფხულის სატრანსფერი ფანჯრის დროს თავდამსხმელ ნიკლას ბენდტნერის თავისუფალი აგენტის სტატუსით გაშვებაზე ფიქრობს. ამის გამო დანიის ნაკრების ფეხბურთელის აგენტმა თავისი კლიენტისათვის ახალი კლუბის ძებნა დაიწყო.
გავრცელებული ინფორმაციით, თავად ფეხბურთელს წასვლა მხოლოდ იქ სურს, სადაც მას სეზონში მინიმუმ ხუთ მილიონ ევროს გადაუხდიან.
შეგახსენებთ, რომ „მეთოფეთა“ რიგებში ბენდტნერი 2005 წლიდან ირიცხება. ამ პერიოდში მან იჯარით „ბირმინგემ სიტიში“, „სანდერლენდსა“ და ტურინის „იუვენტუსშიც“ ითამაშა.
ალექსანდრე მატევოსოვი
