ჭდე: Arsene Wenger

ლონდონის “არსენალის” ყოფილი მთავარი მწვრთნელი არსენ ვენგერი ფეხბურთში ფინანსური ფეარ-პლეის სისტემის წინააღმდეგ გამოდის.

“მე კლუბების მენეჯმენტის გაკონტროლების მომხრე უფრო ვარ, ვიდრე – შემზღუდავი ღონისძიებების დაწესების. უნდა ხდებოდეს მენეჯმენტის ხარისხის შეფასება და ბიზნესის სწორად წარმართვის ხელშეწყობა. კლუბებში უფრო მეტი ინვესტიციის დაშვების მომხრე ვარ, რის შესაძლებლობასაც ფინანსური ფეარ-პლეი არ იძლევა. ევროპაში გაბატონებული კლუბები იმ დროს აყვავდნენ, როდესაც ფეარ-პლეი არ არსებობდა. ეს სისტემა განვითარებად კლუბებს ინვესტიციების გამოყენების საშუალებას არ აძლევს, რაც ნორმალური არ არის”, – ვენგერის სიტყვები L’Equipe-მა გამოაქვეყნა.

ლონდონის “არსენალსა” და არსენ ვენგერს შორის კონტრაქტი გახანგრძლივდა. მხარეებს შორის გაფორმებული ახალი შრომითი ხელშეკრულება 2019 წლის 30 ივნისამდე იქნება ძალაში.

“ჩვენი მიზანი ინგლისური და სხვა ევროპული ტურნირების მოგებაა. ეს არის ის, რაც ფანებს, კლუბის პერსონალს, ფეხბურთელებსა და მწვრთნელებს სურთ. არ მოვისვენებთ, სანამ ამას არ მივაღწევთ. არსენი სწორედ ის კაცია, რომელსაც ამ მიზნის მიღწევა შეუძლია. მას დიდი გამოცდილება აქვს და ჩვენგან მხარდაჭერას იმსახურებს”, – განაცხადა “არსენალის” მფლობელმა სტენ კრონკემ.

შეგახსენებთ, რომ არსენ ვენგერი “არსენალის” მთავარი მწვრთნელის პოსტზე 1996 წლიდან მუშაობს. გასულ სეზონში გუნდმა ინგლისის თასი მოიგო, პრემიერლიგაში კი მეხუთე პოზიცია დაიკავა.

საინტერესო ფაქტი მოხდა ინგლისის პრემიერლიგის 30-ე ტურში ლონდონის “არსენალსა” და “მანჩესტერ სიტის” შორის გამართულ მატჩში (2:2).

“არსენალის” ფეხბურთელები მოედანზე კაპიტნის რანგში ლორან კოსელნიმ გაიყვანა, რომელიც შესვენების შემდეგ შეცვალეს. გუნდის მთავარმა კაპიტანმა პერ მერტეზაკერმა ეს შეხვედრა გამოტოვა. ვიცეკაპიტნები პეტრ ჩეხი და სანტი კასორლა ტრავმის გამო ასევე ვერ მოხვდნენ განაცხადში. შესვენებაზე არსენ ვენგერს დაავიწყდა იმის თქმა, ვის უნდა გაეყვანა გუნდი მოედანზე კაპიტნის რანგში მეორე ტაიმში. კაპიტნის სამკლავური შესვენებაზე გასახდელში დარჩა, რაც ტურნირის რეგლამენტით აკრძალულია.

არსენ ვენგერს ამ შემთხვევის შესახებ კომენტარის გაკეთება სთხოვეს.

“საინტერესო შეკითხვაა. არ მახსოვს, ვინ იყო კაპიტანი მეორე ტაიმში”, – ციტირებს ვენგერის სიტყვებს “სქაი სპორტსი”.

ავტორიტეტული იტალიელი ჟურნალისტი ტანკრედი პალმერი სოციალურ ქსელში საინტერესო ინფორმაციას აქვეყნებს. პალმერის ცნობით, მიმდინარე სეზონის ბოლოს არსენ ვენგერი ლონდონის “არსენალის” მთავარი მწვრთნელის პოსტს დატოვებს.

იტალიელი ჟურნალისტი წერს, რომ ვენგერმა ამის შესახებ საკუთარ ფეხბურთელებს უკვე აცნობა.

შეგახსენებთ, რომ არსენ ვენგერსა და “არსენალს” შორის არსებულ მოქმედ შრომით ხელშეკრულებას ვადა 2017 წლის 30 ივნისამდე აქვს. ფრანგი სპეციალისტი ლონდონურ გუნდს 1996 წლიდან თავკაცობს.

ინგლისის პრემიერლიგის 27-ე ტურის ცენტრალური მატჩი “ენფილდზე” გაიმართა, სადაც “ლივერპულმა” ლონდონის “არსენალი” მიიღო და მეტოქე ანგარიშით 3:1 დაამარცხა. შეხვედრა “მეთოფეთა” მთავარმა მწვრთნელმა არსენ ვენგერმა შეაჯამა.

“პირველ ტაიმში სათამაშო რიტმის პრობლემები გვქოინდა. მარტივი გოლები გავუშვით, რასაც ასეთ მნიშვნელოვან მატჩში არ მოველოდი. მეტოქე გუნდის მეკარის მიერ თამაშში ბურთის შეტანის შემდეგ გოლის გაშვება ყოვლად მიუღებელია. მეორე ტაიმში თამაშში დავბრუნდით და კარგი ფეხბურთი ვაჩვენეთ, რასაც მატჩის პირველ ნახევარზე ვერ ვიტყოდი.

რაც შეეხება ზედა ოთხეულისთვის ბრძოლას, შანსი ჯერ კიდევ გვაქვს. ასე რომ, მომდევნო მატჩებზე გავაკეთოთ აქცენტი”, – განაცხადა ვენგერმა BT Sport.-ის ეთერში.

ავტორიტეტული ბრიტანული გამოცემა “მირორი” წერს, რომ ლონდონის “არსენალი” არსენ ვენგერის შემცვლელის კანდიდატურებს უკვე განიხილავს.

წყაროს თანახმად, “მეთოფეთა” მთავარი მწვრთნელის პოსტზე ფრანგი სპეციალისტის 21-წლიანი მუშაობა დასასრულს უახლოვდება.

ლონდონური კლუბის ხელმძღვანელობა ვენგერის შემცვლელად თომას ტუხელის (დორტმუნდის “ბორუსია”), მასიმილიანო ალეგრის (ტურინის “იუვენტუსი”), ლეონარდუ ჟარდიმისა (“მონაკო”) და როჯერ შმიდტის (ლევერკუზენის “ბაიერი”) კანდიდატურებს განიხილავს.

ინგლისის ფეხბურთის ასოციაციამ ლონდონის “არსენალის” მთავარი მწვრთნელი არსენ ვენგერი ოთხმატჩიანი დისკვალიფიკაციით დასაჯა.

ფრანგი სპეციალისტი “ბარნლის” წინააღმდეგ გამართულ მატჩში დისციპლინური გადაცდომისთვის დასაჯეს. კერძოდ, ვენგერმა მეოთხე არბიტრს უბიძგა და შეურაცხყოფა მიაყენა. დისკვალიფიკაციის გარდა ფრანგ მწვრთნელს ჯარიმის სახით 25 ათასი ფუნტ სტერლინგის გადახდაც მოუწევს.

ამრიგად, არსენ ვენგერი “არსენალს” ინგლისის ლიგის თასზე “საუთჰემპტონის” და პრემიერლიგაში “უოტფორდის”, “ჩელსისა” და “ჰალ სიტის” წინააღმდეგ გასამართი მატჩების მიმდინარეობისას ვერ უხელმძღვანელებს.