ფეხბურთის დანიელი სპეციალისტი მიქაელ ლაუდრუპი შესაძლოა, “ბარსელონაში” დაბრუნდეს.
AFP-ის თანახმად, თუ კატალონიური კლუბის საპრეზიდენტო არჩევნებში ჟოან ლაპორტა გაიმარჯვებს, ლაუდრუპს სპორტული დირექტორის პოსტზე მიიწვევენ. შეგახსენებთ, რომ დანიელი ფეხბურთელის რანგში “ბარსელონას” ღირსებას 1989-დან 1994 წლამდე იცავდა.
მიქაელ ლაუდრუპმა რამდენიმე დღის წინათ დატოვა ყატარის “ლეხვიას” მთავარი მწვრთნელის პოსტი.
ესპანურ პრესაში იმასაც წერენ, რომ შესაძლოა, ლაუდრუპმა დანიის ნაკრები ჩაიბაროს.
მიკაელ ლაუდრუპი „სუონსი სიტის“ მთავარი მწვრთნელის პოსტიდან გათავისუფლებულია.
„ეს გადაწყვეტილება ყოველგვარი ხალისის გარეშე მივიღეთ, თუმცა კლუბისა და გულშემატკივრების ინტერესები დავაკმაყოფილეთ.
მიკაელს უკანასკნელი 18 თვის განმავლობაში გაწეული მუშაობისთვის მადლობას ვუხდით და ყოველივე საუკეთესოს ვუსურვებთ“, – განაცხადა „სუონსი სიტის“ პრეზიდენტმა ჰიუ ჯენკინსმა.
შეგახსენებთ, რომ უელსური კლუბი ევროპის ლიგაზე ასპარეზობს, სადაც მას მეთექვსმეტედფინალურ ეტაპზე მეტოქედ იტალიური „ნაპოლი“ ელის.
ინგლისის პრემიერლიგის სატურნირო ცხრილში „სუონსის“ მე-12 ადგილი აქვს დაკავებული. გუნდმა ჩემპიონატის 24 მატჩიდან 24 ქულა მოიპოვა (6 გამარჯვება, 6 ფრე, 12 მარცხი).
ბექა დოგრაშვილი
