ჭდე: სუონსი სიტი

კლოპი: „სუონსისთან“ წაგება დავიმსახურეთ“

Posted on by Alix

„ლივერპულის“ მთავარმა მწვრთნელმა იურგენ კლოპმა „სუონსისთან“ ანგარიშით 1:3 წაგებული მატჩი შეაფასა.

„ასეთი შემადგენლობითაც კი, ნათელია, ისე კარგად არ ვთამაშობდით, როგორც შეგვეძლო. შევეცადეთ, შემადგენლობაში ახალი იდეები და მოთამაშეები ჩაგვერთო. გულდაწყვეტილი ვარ, რადგან ვიცი, რომ უკეთესად გამოსვლის შესაძლებლობა გვქონდა.

პირველი ორი გოლი ძალიან უბრალო იყო. წაგება დავიმსახურეთ, დიდწილად ეს შედეგი ჩვენმა თამაშმა განაპირობა.

მომავალში ამის პრობლემა არ უნდა გვქონდეს“, – ციტირებს კლოპს thisisanfield.com-ი.

პალოსკი „სუონსიში“ გადავიდა

Posted on by Alix

„კიევოს“ თავდამსხმელი ალბერტო პალოსკი „სუონსიში“ გადავიდა. 26 წლის ფორვარდმა უელსულ კლუბთან კონტრაქტი 2019 წლამდე გააფორმა.

იტალიელის დამატების ინიციატორი მისი თანამემამული ფრანჩესკო გვიდოლინი იყო, რომელიც ცოტა ხნის წინ „სუონსის“ თავკაცად დაინიშნა.

ტრანსფერის ფასმა 10,5 მილიონი ევრო შეადგინა. ერთ სეზონში ფეხბურთელის ხელფასი ორ მილიონ ევროს შეადგენს. ახალ კლუბში პალოსკი 9 ნომრით ითამაშებს.

სერია ა-ს მიმდინარე სეზონში „მილანის“ აღზრდილმა 21 მატჩში 8 გოლი გაიტანა.

ვან გაალი: „ჯერ კიდევ ლიდერებს შორის ვართ“

Posted on by Alix

„მანჩესტერ იუნაიტედის“ მთავარმა მწვრთნელმა ლუი ვან გაალმა „სუონსი სიტისთან“ ანგარიშით 2:1 მოგებული მატჩის შესახებ ისაუბრა.

„სუონსისთან“ სარისკო ტაქტიკა ავირჩიეთ, ნახევარდაცვაში მეტოქე მშვენივრად მოქმედებდა. ჩვენ სამი მცველით ვთამაშობდით, მაგრამ კარგი შეხვედრა ჩავატარეთ და ბევრი მომენტი შევქმენით. პირველი გოლის შემდეგ გაგვიადვილდა.

ფეხბურთელების გამო მიხარია, რადგან მათ დიდი წნეხის ქვეშ ითამაშეს, თუმცა მოგება მაინც შეძლეს. ჯერ კდიევ ლიდერებს შორის ვართ, სხვაობა არც თუ ისე დიდია. ეს ფეხბურთია, სეზონი გრძელდება.

ახლა ასევე კარგად „შეფილდთან“ უნდა ვითამაშოთ“, – განაცხადა ფეხბურთის ჰოლანდიელმა სპეციალისტმა.

“სუონსიმ” მთავარი მწვრთნელი გაათავისუფლა

Posted on by ბექა დოგრაშვილი

“სუონსი სიტიმ” კლუბის მთავარი მწვრთნელის პოსტიდან გარი მონკი გაათავისუფლა.

უელსური კლუბის პრესსამსახური ამ გადაწყვეტილებას ასე ხსნის: “გუნდის გარშემო არსებულ გაურკვევლობასთან დაკავშირებით მივიღეთ გადაწყვეტილება, რომელიც “სუონსისა” და კლუბის ფანების ინტერესებშია”.

გარი მონკი “სუონსი” სიტის” 2014 წლის თებერვლიდან თავკაცობდა. მისი ხელმძღვანელობით გუნდმა 77 მატჩი ჩაატარა, საიდანაც 28 გამარჯვებით, 17 ფრედ, 32 კი მარცხით დაასრულა.

ჯერჯერობით უცნობია, თუ ვინ შეცვლის გარი მონკს. პრესაში გავრცელებული ინფორმაციის თანახმად, “სუონსი” შესაძლოა, დევიდ მოიესმა ან ბრენდან როჯერსმა ჩაიბაროს.

ინგლისის პრემიერლიგის მიმდინარე გათამაშებაში “სუონსი” სიტის” 14 ქულით სატურნირო ცხრილის მე-15 პოზიცია უკავია. გუნდმა შარშანდელი სეზონი მერვე ადგილზე დაასრულა.

 

პრემიერლიგის აგვისტოს საუკეთესო ფეხბურთელი დასახელდა

Posted on by Alix

„სუონსი სიტის“ ნახევარმცველი ანდრე აიო ინგლისის პრემიერლიგის აგვისტოს საუკეთესო ფეხბურთელად დასახელდა.

გასულ თვეში 25 წლის განელმა ჩემპიონატის ოთხ მატჩში ითამაშა და სამი გოლი გაიტანა, მათ შორის მან „ჩელსისა“ და „მანჩესტერ იუნაიტედის“ დამწუხრება მოახერხა.

გარდა ამისა, ნახევარმცველმა ინგლისის ლიგის თასზე ერთი შეხვედრა ჩაატარა.

„სუონსიმ“ დაგროვილი ქულებით ახალი რეკორდი დაამყარა

Posted on by Alix

ინგლისის პრემიერლიგის 27-ე ტურის მატჩში „სუონსიმ“ გასვლაზე „ბარნლი“ დაამარცხა.

აქედან გამომდინარე, გარი მონკის გუნდმა ახალი საკლუბო რეკორდი დაამყარა. უელსურ კლუბს პრემიერლიგის 27 ტურში 40 ქულა აქამდე არასდროს დაუგროვებია.

ცნობისთვის, ინგლისის უმაღლეს ლიგაში „სუონსი“ მეოთხე მატჩს ატარებს.

იხილეთ პრემიერლიგის სრული სატურნირო ცხრილი

ვან გაალი: „მანჩესტერ იუნაიტედს“, უბრალოდ, გოლის გატანა დაავიწყდა“

Posted on by Alix

„მანჩესტერ იუნაიტედის“ მთავარმა მწვრთნელმა ლუი ვან გაალმა „სუონსისთან“ წაგებული მატჩი საინტერესოდ შეაფასა.

„მოედანზე ვდომინირებდით, მაგრამ მაინც დავმარცხდით. უბრალოდ, არ გაგვიმართლა. არაერთი მომენტი შევქმენით, თუმცა რეალიზაციის პრობლემები იყო. თამაშის გაუმჯობესაბა რთულია, როდესაც მეტოქე ანგარიშს სწრაფად ათანაბრებს. შემიძლია ვთქვა, რომ დღეს კაგრად ვითამაშეთ და, უბრალოდ, გოლის გატანა დაგვავიწყდა“, – განაცხადა ფეხბურთის ჰოლანდიელმა სპეციალისტმა.

 

პრემიერლიგის აგვისტოს თვის საუკეთესონი

Posted on by ბექა დოგრაშვილი

ინგლისის პრემიერლიგის აგვისტოს თვის საუკეთესო ფეხბურთელად ლონდონის “ჩელსის” ახალწვეული დიეგო კოსტა დასახელდა. თვის საუკეთესო მწვრთნელი “სუონსი სიტის” თავკაცი გარი მონკი გახდა.

აღსანიშნავია, რომ მადრიდის “ატლეტიკოდან” “ჩელსიში” გადასულმა დიეგო კოსტამ პრემიერლიგის საწყის სამ ტურში ოთხი გოლის გატანა შეძლო.

რაც შეეხება მონკს, ის უელსურ კლუბს მიმდინარე წლის თებერვლის თვიდან თავკაცობს. მისი ხელმძღვანელობით “სუონსიმ” აგვისტოს თვეში სამიდან სამი შეხვედრა დაასრულა გამარჯვებით, აქედან ერთი მატჩი “ოლდ ტრაფორდზე” მოიგო (2:1).

 

ოფიციალურად: მიჩუ „ნაპოლიში“ ითამაშებს

Posted on by ბექა დოგრაშვილი

უელსური „სუონსი სიტის“ თავდამსხმელი მიჩუ „ნაპოლიში“ ითამაშებს.

ტრანსფერის დეტალები ჯერჯერობით არ ხმაურდება. არაოფიციალური ინფორმაციის თანახმად, 28 წლის ესპანელი ფეხბურთელი ნეაპოლიტანურ კლუბში იჯარის წესით გადავიდა. იჯარის ღირებულება 1,75 მილიონ ევროს შეადგენს. ცნობილი ხდება ისიც, რომ მიჩუს ხელფასი დამოკიდებული იქნება იმაზე, თუ რამდენ მატჩს ჩაატარებს ის „ნაპოლიში“. საიჯარო პერიოდის დასრულების შემდეგ იტალიურ კლუბს 7,5 მილიონ ევროდ ესპანელი ფეხბურთელის გამოსყიდვის უფლება ექნება.

გასულ სეზონში მიჩუმ ტრავმის გამო ინგლისის პრემიერლიგის მხოლოდ 17 მატჩში ითამაშა, გაიტანა 2 გოლი.

 

ფაბიანსკი „სუონსიში“ გადავიდა

Posted on by Alix

ლონდონის „არსენალმა“ მეკარე ლუკაშ ფაბიანსკის „სუონსი სიტიში“ ტრანსფერი დაადასტურა.

პოლონელმა გოლკიპერმა უელსურ კლუბთან წინასწარი შეთანხმების გაფორმებაც კი მოასწრო, რის შესახებაც „მეთოფეთა“ ოფიციალური ვებსაიტი იტყობინება.

შეგახსენებთ, რომ „არსენალში“ ფაბიანსკი შვიდი წლის განმავლობაში ირიცხებოდა. აღნიშნულ პერიოდში „მეთოფეთა“ შემადგენლობაში მან 78 მატჩი ჩაატარა, აქედან 25 შეხვედრაში პოლონელმა კარი მშრალად შეინახა.

ალექსანდრე მატევოსოვი

„სუონსიმ“ ლაუდრუპი გაათავისუფლა

Posted on by ბექა დოგრაშვილი

მიკაელ ლაუდრუპი „სუონსი სიტის“ მთავარი მწვრთნელის პოსტიდან გათავისუფლებულია.

„ეს გადაწყვეტილება ყოველგვარი ხალისის გარეშე მივიღეთ, თუმცა კლუბისა და გულშემატკივრების ინტერესები დავაკმაყოფილეთ.

მიკაელს უკანასკნელი 18 თვის განმავლობაში გაწეული მუშაობისთვის მადლობას ვუხდით და ყოველივე საუკეთესოს ვუსურვებთ“, – განაცხადა „სუონსი სიტის“ პრეზიდენტმა ჰიუ ჯენკინსმა.

შეგახსენებთ, რომ უელსური კლუბი ევროპის ლიგაზე ასპარეზობს, სადაც მას მეთექვსმეტედფინალურ ეტაპზე მეტოქედ იტალიური „ნაპოლი“ ელის.

ინგლისის პრემიერლიგის სატურნირო ცხრილში „სუონსის“ მე-12 ადგილი აქვს დაკავებული. გუნდმა ჩემპიონატის 24 მატჩიდან 24 ქულა მოიპოვა (6 გამარჯვება, 6 ფრე, 12 მარცხი).

ბექა დოგრაშვილი