“მანჩესტერ იუნაიტედისა” და ჰოლანდიის ნაკრების ექს-თავკაცმა, ლუი ვან გაალმა ნაკრებში დაბრუნების შესაძლებლობაზე ისაუბრა.
შეგახსენებთ, რომ დენი ბლინდს “ნარინჯისფერთა” მთავარი მწვრთნელის პოსტი ახლახან, ბულგარეთის ნაკრებთან განცდილი მარცხის შემდეგ დაატოვებინეს.
პრესაში გავრცელებული ინფორმაციის მიხედვით, ჰოლანდიის ფეხბურთის ფედერაციამ ვან გაალს ფეხბურთის დირექტორის პოსტი შესთავაზა.
“ფეხბურთის დირექტორის მმართველობა საკმაოდ მნიშვნელოვანი თანამდებობაა, მაგრამ მათ ჯერ ნაკრების თავკაცი უნდა იპოვონ.
დავბრუნდები თუ არა ჰოლანდიის ნაკრებში? ამ კითხვაზე პასუხს ფედერაციას გავცემ, თუ შემეკითხებიან,” – აცხადებს ჰოლანდიელი სპეციალისტი.
