ფრანგული “პარი სენ-ჟერმენის” ყოფილმა მთავარმა მწვრთნელმა, ლორან ბლანმა ნეიმარის შესაძლო ტრანსფერზე გააკეთა კომენტარი, რომელიც ამჟამად ამერიკაში, “ბარსელონასთან” ერთად გადის შეკრებას.
“პარიზელებს უნდათ, რომ ევროპის საუკეთესო კლუბის სტატუსი მოიპოვონ, მათ წარმოუდგენლად დიდი ეკონომიკური პოტენციალი გააჩნიათ. ნეიმარის დონეზე მყოფი მოთამაშის წყალობით “პარი სენ-ჟერმენი” ევროპული გრანდების რიგებში თავისუფლად ჩაეწერება.
ჩემპიონთა ლიგის მოგება კი მასთან ერთად და მის გარეშეც დროს მოითხოვს. ეს ისეთი ტურნირი არაა, რომლის მოგებისთვისაც მილიონების ფლანგვაა საკმარისი. ფეხბურთის მექანიზმი ასე არ მუშაობს. მთავარი სტაბილურობაა,” – აცხადებს ლორან ბლანი.
