“ნიცას” იტალიელი თავდამსხმელის, მარიო ბალოტელის, ტრანსფერი “მარსელში”, შესაძლოა, უახლოეს დღეებში ჩაიშალოს. როგორც ცნობილი ხდება, “ნიცა” ყველაფრის გაკეთებას აპირებს, რათა ბალოტელი კონკურენტ კლუბში არ გაუშვას.
ფრანგულ პრესაში გავრცელებული ბოლოდროინდელი ცნობების მიხედვით, ბალოტელიმ ნებართვის გარეშე გაიარა სამედიცინო შემოწმება “მარსელში”, რამაც მისი კლუბი ძალიან გააბრაზა.
მართალია, ტექნიკურად ბალოტელისა და “ნიცას” შორის არსებული კონტრაქტი უკვე ამოიწურა. თუმცა მხარეებს შორის სხვა შეთანხმებებიც არსებობს, რომლის თანახმადაც ბალოტელის ტრანსფერი ნებისმიერ კლუბს 10 მილიონი უნდა დაუჯდეს – მაშინ, როცა “მარსელი” მხოლოდ 7 მილიონ ევროს იხდის.
