ესპანური “დეპორტივოს” მთავარი მწვრთნელის პოსტს უახლოეს მომავალში კლარენს ზეედორფი დატოვებს. ამ ინფორმაციას კლუბის ოფიციალური ვებ-გვერდიც ადასტურებს.
42 წლის სპეციალისტსა და “დეპორტივოს” შორის არსებულ ხელშეკრულებას ვადა მიდმინარე წლის 30 ივნისს ეწურება, მხარეები კი ახალი კონტრაქტის გაფორმებას არ გეგმავენ.
როგორც იცით, ჰოლანდიელი ზეედორფი “ლა-კორუნიელებს” სათავეში თებერვლის თვეში ჩაუდგა, თუმცა გუნდის ლა ლიგაში დატოვება ვერ შეძლო – “დეპორტივომ” სეზონი 18-ე ადგილზე დაასრულა.
დღეს ლა ლიგა სანტანდერის 35-ე ტურის მატჩში ლა კორუნიის “დეპორტივომ” კატალონიის “ბარსელონა” მიიღო. ამ შეხვედრაში “ბლაგურნას” ჩემპიონობისთვის ერთი ქულაც ჰყოფნიდა.
ანგარიში მეშვიდე წუთზე ფილიპე კოუტინიომ ლამაზი დარტყმით გახსნა. 38-ე წუთზე ლიონელ მესიმ მეორეც შეუგდო მასპინძლებს, თუმცა ორ წუთში ლუკას პერესმა მინიმუმამდე შეამცირა სხვაობა. მეორე ნახევარში, 64-ე წუთზე ემრე ჩოლაკმა ანგარიში გაათანაბრა. მატჩის ბედი და ამ სეზონის ჩემპიონის ვინაობა ბოლო ათ წუთში გადაწყდა, როცა 82-ე და 85-ე წუთებზე მესიმ თავისი მეორე და მესამე გოლები შეაგდო და გუნდს ანგარიშით, 4-2 მოაგებინა.
საბოლოოდ, “ბარსამ” ლა ლიგა სანტანდერი მოიგო. ხოლო, “დეპორტივო” ოფიციალურად გავარდა სეგუნდა დივიზიონში.
იხილეთ ვიდეო
დღეს ლა ლიგა სანტანდერის მეოცე ტურის შეხვედრაში მადრიდის “რეალმა” ლა კორუნიის “დეპორტივო” მიიღო და მეტოქე ანგარიშით, 7-1 გაანადგურა.
მატჩის შემდეგ ჟურნალისტებს ზინედინ ზიდანი ესაუბრა.
“ჩემს ფეხბურთელებს ზუსტად ასეთი მატჩი სჭირდებოდათ. არ ვიცი, შეიცვალნენ თუ არა ისინი, გაუმჯობესდა თუ არა მათი კონდინციები, თუმცა შედეგი სახეზეა – მეტოქეს ბევრი გავუტანეთ და განსხვავება წინა მატჩებთან შედარებით, ამაში შეგვიძლია, დავინახოთ. “ვილიარეალის” წინააღმდეგაც შესანიშნავად ვითამაშეთ, მიუხედავად იმისა, რომ 0-1 დავმარცხდით.”
“სხვადასხვა ტაქტიკით ვთამაშობთ ხოლმე. დღეს ტრადიციული 4-3-3 გამოვიყენეთ, რამაც გაამართლა. თუმცა, მთავარი ჩვენი დამოკიდებულებაა დ არა ტაქტიკა. არ ვიცი, რამდენი ხანი გავიდა მას შემდგე, რაც “ბერნაბეუზე” ამდენი გოლი გავიტანეთ. ძალიან ბედნიერი ვარ,” – აცხადებს ზიზუ.
ესპანურ პრესაში გავრცელებული უახლესი ინფორმაციის მიხედვით, “დეპორტივო” ლონდონის “არსენალის” თავდამსხმელის, ლუკას პერესის დაბრუნებას გეგმავს.
As-ის ცნობით, ესპანური კლუბის პრეზიდენტი, ტინო ფერნანდესი ლუკას პერესს 10-წლიან კონტრაქტს სთავაზობს. ფეხბურთელის კარიერის დასრულების შემდეგ კი მას დირექტორის პოსტზეც ეპატიჟება.
ლუკას პერესი “არსენალში” 2016 წლის ზაფხულში გამოჩნდა, მას შემდეგ რაც “ესპანიოლის” რიგებში ერთ სეზონში გატანილი 17 გოლით მთელი საფეხბურთო სამყაროს ყურადღება მიიქცია, თუმცა მისი ლონდონური კარიერა არც ისე წარმატებული გამოდგა.
გუშინ ლა ლიგის 34-ე ტურში მადრიდის “რეალმა” სტუმრად “დეპორტივო” გაანადგურა (6-2). საგულისხმოა, რომ ამ მატჩი არ უთამაშიათ “რეალის” ლიდერებს, რონალდუს, ბენზემას, ბეილს, კროოსს, მოდრიჩს. ასევე, არ იყო კაპიტანი, ძირითადი მეკარე და ასე შემდეგ. მიუხედავად ამისა, ახალგაზრდა ბიჭებმა ლა კორუნიელების წინააღმდეგ შესანიშნავად აგორავეს ბურთი და მშვენიერი შედეგი დააფიქსირეს.
ტრავმის შემდეგ მოედანს დაუბრუნდა რაფაელ ვარანი, რომელიც გუშინ ძირითად შემადგენლობაში იყო. მან ჟურნალისტებთან ისაუბრა.
“ამ გუნდში ძლიან ბევრი ტალანტი თამაშობს. როცა ჩვენ ერთად გავდივართ მოედანზე, ძალიან ძლიერები ვხდებით. თუ ასე ეფექტურად თამაშს გავაგრძელებთ, ლა ლიგას აუცილებლად მოვიგებთ.”
“ჩვენს ხელთ ყველა ის იარაღია, რომლებიც ტიტულის მოგებაში დაგვეხმარება.”
“100 პროცენტით მზად არ ვიყავი, თუმცა შეხვედრის წინ მწვრთნელს ვუთხარი, რომ შეეძლო, ჩემზე ავანსები გაეცა. ბედნიერი ვარ, რომ მოედანს დავუბრუნდ!” – განაცხადა ფრანგმა მოთამაშემ.
შუა კვირაში, ჩემპიონთა ლიგაზე ჩადენილი გმირობის შემდეგ, ნეიმარი “დეპორტივო ლა კორუნასა” და “ბარსელონას” შორის გასამართ მატჩს დიდი ალბათობით გამოტოვებს.
კლუბის ოფიციალური ვებ-გვერდის მიერ დადასტურებული ინფორმაციის მიხედვით, ნეიმარმა, მსგავსად რაფინიასი, თამაშამდე ერთი დღით ადრე გამართული ვარჯიში გარკვეული პრობლემების გამო გააცდინა.
შეგახსენებთ, რომ ამ დროისთვის “ლურჯ-ბროწეულისფრები” სატურნირო ცხრილში პირველ პოზიციაზე იმყოფებიან და ერთი ქულით უსწრებენ “რეალს”, რომელსაც მარაგში “ვალენსიასთან” გასამართი მატჩი აქვს.
???? Neymar Jr, con molestias en el aductor de la pierna izquierda, y Rafinha, con gastroenteritis, no se entrenan con el grupo #FCBLive
— FC Barcelona (@FCBarcelona_es) March 11, 2017
ესპანური “სევილიას” ხელმძღვანელები კიდევ უფრო წინ მიიწევენ “დეპორტივო ლა კორუნას” ლიდერის, ლუკას პერესის გადაბირების საქმეში.
შეგახსენებთ, რომ 27 წლის პერესის მიმართ ინტერესი საკმაოდ ბევრმა კლუბმა გამოთქვა, მას შემდეგ, რაც ამ უკანასკნელმა ლა ლიგის 35 მატჩში 17 გოლის გატანა და 8 ასისტის გაკეთება შეძლო.
პერესის კონტრაქტში მის გამოსასყიდ თანხად 20 მილიონი ევროა მითითებული, თუმცა თუ “სევილია” ანტონიო კოტანსა და ხუან მუნიოსს “დეპორტივოში” გაუშვებს, მაშინ კლუბის ხელმძღვანელები 17 მილიონი ევროთიც დაკმაყოფილდებიან.
“დეპორტივო ლა კორუნამ” გუნდის მთავარი მწვრთნელის პოსტიდან ვიქტორ სანჩესი გაათავისუფლა.
მართალია, რომ გალისიურმა კლუბმა ლა ლიგაში ადგილის შენარჩუნება მოახერხა, მაგრამ ეს კლუბის ხელმძღვანელებმა საკმარისად არ მიიჩნიეს. ამასთანავე, მთელი სეზონის მანძილზე “დეპორმა” მხოლოდ 8-ჯერ იგემა გამარჯვების გემო ლა ლიგაში.
“დირექტორთა საბჭომ მიიღო გადაწყვეტილება, რომლის თანახმადაც “დეპორტივო” ვიქტორ სანჩეს დელ ამოსთან არსებულ კონტრაქტს გაწყვეტს.
კლუბი მწვრთნელს წარმატებებს უსურვებს კარიერაში და მადლობას უხდის იმ გაწეული შრომისთვის, რომლის წყალობითაც კლუბი ლა ლიგაში დარჩა.” – ვკითხულობთ ოფიციალურ გვერდზე.
Goal-ის მიერ მოპოვებული ინფორმაციის თანახმად, ლუკას პერესი მზად არის დატოვოს “დეპორტივო ლა კორუნა” და ასპარეზობა გაცილებით უფრო მაღალი დონის კლუბში განაგრძოს. მისი გადაბირებით კი ლონდონის “არსენალთან” ერთად ინგლისის ჩემპიონი, “ლესტერიც” არის დაინტერესებული.
27 წლის ფორვარდმა ლა ლიგის 35 მატჩში 17 გოლის გატანა შეძლო და “დეპორის” ნამდვილ ლიდერად ჩამოყალიბდა. აქიდან გამომდინარე გასაგებია ის ფაქტიც, რომ ესპანური გუნდის ხელმძღვანელები მაქსიმალურად ცდილობენ მის შენარჩუნებას.
თუმცა დიდია ალბათობა, რომ ინგლისურ გუნდებთან “დეპორის” ხელმძღვანელობამ ვერაფერი გააწყოს. როგორც იცით, “ლესტერი” ჩემპიონთა ლიგაზე გავიდა, ამიტომაც ისინი გაძლიერებას აპირებენ, მაშინ როცა “არსენალი” უელბეკის შემცვლელს ეძებს.
ხორვატიის ნაკრების ყოფილი მეკარე სტიპე პლეტიკოსა „დეპორტივოს“ მოთამაშე გახდა. მხარეებმა კონტრაქტი მიმდინარე სეზონის ბოლომდე გააფორმეს, თუმცა ავტომატურად თანამშრომლობის გაგრძელება მომავალი სეზონისთვისაც შეუძლიათ.
„ეს დიდი ისტორიის მქონე კლუბია, რომლის შემადგენლობაში კარგი ფეხბურთელები თამაშობენ. ჩემს მომავალში ეჭვი არ მეპარება. სათამაშო ტონუსში დასაბრუნებლად ბევრი დრო საჭირო არაა“, – ციტირებს პლეტიკოსას კლუბის ოფიციალური ვებსაიტი.
შეგახსენებთ, რომ 36 წლის მეკარე აქამდე თავისუფალი აგენტი იყო. ბოლოს ის „როსტოვის“ კარს იცავდა. სხვადასხვა პერიოდში სტიპე „ტოტენჰემში“, მოსკოვის „სპარტაკში“, დონეცკის „შახტარში“ და სპლიტის „ჰაიდუკში“ თამაშობდა. ხორვატიის ნაკრებში პლეტიკოსა 1999 წლიდან 2014 წლამდე თამაშობდა და ამ პერიოდში ქევეყნის მთავარი გუნდის შემადგენლობაში 114 მატჩი დაუგროვდა.
მადრიდის „რეალის“ კასტილიის ნახევარმცველი ხოსე როდრიგესი ოფიციალურად „გალათასარაის“ ფეხბურთელი გახდა.
20 წლის ნახევარმცველმა თურქულ კლუბთან 4-წლიანი კონტრაქტი გააფორმა, მისი ხელფასი კი 800 ათასი ევროდან 850 ათას ევრომდე გაიზრება.
„გალათასარაი“ „სამეფო კლუბს“ როდრიგესის ყოველ ოცდაათ მატჩში 250 ათას ევროს მაქსიმუმ ოთხჯერ გადაუხდის. აქედან გამომდინარე, მოთამაშის სატრანსფერო ფასმა, შესაძლოა, ერთ მილიონ ევროს მიაღწიოს. ამასთანავე, „რეალს“ 2018 წლამდე ფეხბურთელის ათ მილიონ ევროს გამოსყიდვის უფლება ექნება. იმ შემთხვევაში, თუ შუახაზელი 2018 წლამდე რომელიმე სხვა კლუბში გადავა, მადრიდელები ტრანსფერისგან 30%-ს მიიღებენ.
განვლილ სეზონშო როდრიგესმა იჯარით „დეპორტივოში“ ითამაშა, რომლის შემადგენლბოაში 27 მატჩში 2 გოლი გაიტანა.
“რეალის” ნახევარმცველმა, ლუკას სილვამ, მომდევნო სეზონი, შესაძლოა რიასორზე გაატაროს. ესპანური პრესის ცნობით “დეპორტივოს” ხელმძღვანელობას მადრიდელთა ბრაზილიელი ნახევარმცველის გადაბირება სურს.
აღნიშნული საკითხი “რეალის” შეკრების შემდეგ გაირკვევა, რომელზე მადრიდელებს ლუკასიც გაჰყვება. გავრცელებული ინფორმაციით, “რეალი” მოთამაშის განათხოვრებითაა დაინტერესებული.
პრიმერას გასულ სეზონში სილვამ მონაწილეობა 8 შეხვედრაში მიიღო.
