გთავაზობთ ლონდონის “ჩელსის” მთავარი მწვრთნელის, ჟოზე მოურინიოს 10 ყველაზე დასამახსოვრებელ გამონათქვამს.
10. კლაუდიო რანიერიზე
2008 წლის ზაფხულში, “იუვენტუსის” მთავარმა მწვრთნელმა, კლაუდიო რანიერიმ “ინტერის” თავკაცი ჟოზე მოურინიო თავისი სამწვრთნელო მეთოდების გამო გააკრიტიკა. პორტუგალიელმა კი ასე უპასუხა:
“იტალიურ ენას, რამდენიმე თვის მანძილზე, დღეში ხუთი საათის განმავლობაში ვსწავლობდი. ამას იმიტომ ვაკეთებდი, რომ ფეხბურთელებთან, გულშემატკივრებთან და ჟურნალისტებთან კომუნიკაცია უკეთ დამემყარებინა. რაც შეეხება რანიერის, ის ინგლისში ხუთი წლის მანძილზე იმყოფებოდა და “დილა მშვიდობისა” და “საღამო მშვიდობისას” თქმა კვლავაც უჭირს.”
9. “მანჩესტერ იუნაიტედზე”
მას შემდეგ, რაც მოურინიოს გაწვრთინლმა “პორტომ” ჩემპიონთა ლიგაზე “მანჩესტერ იუნაიტედი” დაამარცხა, პორტუგალიელმა შემდეგი რამ განაცხადა:
“როცა ისეთი გუნდი გჯობნის, რომელიც შენი ფინანსების მხოლოდ 10 პროცენტს ხარჯავს, ნამდვილად დამწუხრებული უნდა იყო.”
8. ჯადოქარი
მოურინიოსათვის “რეალში” ჩატარებული სადებიუტო მატჩი წარუმატებელი გამოდგა, რადგან გუნდმა “მალიორკასთან” ფრედ, 0:0 ითამაშა. თამაშის შემდეგ, მოურინიომ თავი იმით გაიმართლა, რომ ის ჯადოქარი არ იყო.
“შემომხედეთ, მე ჰარი პოტერი არ ვარ – მწვრთნელი ვარ. ის ჯადოქარია, მაგრამ სინამდვილეში ჯადოქრები არ არსებობენ, ფეხბურთი კი რეალობაა.”
7. ფრენკ რაიკაარდზე
2005 წელს, ჩემპიონთა ლიგაზე ერთმანეთს “ბარსელონა” და “ჩელსი” დაუპირისპირდნენ. ერთ-ერთი მატჩის წინ, მოურინიომ კატალონიელთა მწვრთნელზე ისაუბრა:
“ჩემს სამწვრთნელო კარიერას ფრენკ რაიკაარდისას ვერ შევადარებ, რადგან მას ტიტულები საერთოდ არ აქვს, მე კი უამრავი ტიტული მაქვს.”
6. პიეტრო ლო მონაკოზე
2008 წელს, “ინტერთან” გამართული მატჩის შემდეგ, “კატანიას” პრეზიდენტმა, პიეტრო ლო მონაკომ განაცხადა, რომ მას მოურინიოსათვის სახეში ხელის გარტყმა სურდა. მოურინიომ კი მას ასე უპასუხა:
“არ ვიცი, ვინ არის ლო მონაკო. გამიგია მონაკოს გრანპრი და თვითონ მონაკო, თუმცა პიეტრო ლო მონაკოს შესახებ არაფერი მსმენია.”
5. ჯორჯ კლუნიზე
როგორც ყველასათვისაა ცნობილი, მოურინიოს თავისი დამახასიათებელი თვისებები გააჩნია. პორტუგალიელის აზრით, თუ მისი პერსონაჟის შესახებ ფილმს გადაიღებენ, მისი როლი ჯორჯ კლუნიმ უნდა შეასრულოს.
“თუ ჩემზე ფილმის გადაღებას დააპირებენ, ჩემი როლი ჯორჯ კლუნიმ უნდა შეასრულოს. ის ბრწყინვალე მსახიობია.”
4. საბნებზე
2007 წელს, “ჩელსის” ბევრი ტრავმირებული ფეხბურთელი ყავდა, კლუბი კი ახალი მოთამაშეების შეძენას იმიტომ ვერ ახერხებდა, რომ სატრანსფერო ფანჯარა ძალიან მოკლე იყო.
“სატრანსფერო ფანჯარა ისეთი მოკლეა, რომ ის მოკლე საბანს გავს, რომელიც ბოლომდე ვერ გფარავს. ამ დროს, ფეხების გათბობას ვერ ახერხებ.”
3. არსენ ვენგერზე
2005 წელს, “არსენალთან” გამართული მატჩის შემდეგ, მოურინიომ განაცხადა:
“ვფიქრობ, არსენ ვენგერი ერთ-ერთი ყველაზე სქესობრივად გარყვნილი ადამიანია. მას სხვა ადამიანებისთვის ცქერა უყვარს. არსებობენ ადამიანები, რომლებიც მეზობლებს ტელესკოპებით აკვირდებიან. სწორედ ასეთია ვენგერიც. ის “ჩელსის” შესახებ გამუდმებით საუბრობს.”
2. ფრინველის გრიპზე
2005/06 წლების სეზონში, მოურინიოს ჟურნალისტებმა ფრინველის გრიპზეც ჰკითხეს, პორტუგალიელმა კი ასე უპასუხა:
“ფრინველის გრიპზე მართლაც ბევრს ვნერვიულობ, შესაძლოა, ფეხბურთზე უფრო ნაკლებად ვფიქრობ.”
1. თავის თავზე
“გთხოვთ, ნუ მიწოდებთ ქედმაღალს. თუმცა, მე ჩემპიონთა ლიგა მოვიგე და განსაკუთრებული ადამიანი ვარ.”
დიტო ჭიჭინაძე
