ჭდე: ჯორჯო კიელინი

ტურინის “იუვენტუსის” ოფიციალური ვებ-გვერდი ადასტურებს ინფორმაციას, რომლი მიხედვითაც, “ბებერმა ქალბატონმა” ჯორჯო კიელინისთან არსებული კონტრაქტი გაახანგრძლივა.

როგორც იცით, 33 წლის იტალიელ ფეხბურთელსა და “იუვენტუსს” შორის მანამე არსებულ ხელშეკრულებას ვადა მიმდინარე სეზონის ბოლოს გადიოდა. კიელინის გადაბირების სურვილს კი რამდენიმე ევროპული გრანდი გამოთქვამდა.

საბოლოო ჯამში, მხარეებმა ახალი კონტრაქტი გააფორმეს, რომელსაც ვადა 2020 წლის ზაფხულში ამოეწურება. შეგახსენებთ, რომ კიელინი უკვე 12 წელზე მეტია, რაც “იუვეს” ღირსებას იცავს.

ტურინის “იუვენტუსის” ვეტერანმა მცველმა, ჯორჯო კიელინიმ ახალი სეზონის დაწყების წინ გუნდში არსებული მდგომარეობა შეაფასა.

“ბონუჩი? პირლომ და ვიდალმაც დატოვეს გუნდი, ისევე როგორც პოგბამ. რა თქმა უნდა, დროა საჭირო, რათა ახალმა ფეხბურთელებმა ადაპტაციის პერიოდი გაიარონ და მათი შეცვლა შეძლონ.

შესაძლოა, ჩვენმა თამაშმა რაღაც დაკარგა, სამაგაიეროდ, საუკეთესო შეტევის ხაზი გვყავს. არის იმის შანსიც, რომ პიანიჩმა ცოტა უკან ჩამოიწიოს.

“ტოტენჰემთან” წაგება? ვფიქრობ, ცივი შხაპი გვჭირდებოდა. წინ სუპერთასის მატჩია და სრულ მზადყოფნაში უნდა შევხვდეთ,” – აცხადებს კიელინი.

ტურინის “იუვენტუსის” მცველმა, ჯორჯო კიელინიმ ტურინის უნივერსიტეტის ეკონომიკისა და მენეჯმენტის სკოლა წარმატებით დაასრულა და ბიზნესის ადმინისტრირების სფეროში მაგისტრის ხარისხიც მიიღო.

იტალიელმა ფეხბურთელმა სადიპლომო ნაშრომის სახით, თემა სახელად “იუვენტუსის” საფეხბურთო კლუბის ბიზნეს-მოდელი” წარადგინა და პროფესორების, პიეტრო პაულო ბიანკონესა და ალბერტო გალატარის მოწონებაც დაიმსახურა.

კიელინიმ მაგისტრის ხარისხი დღეს, 6 აპრილს მიიღო.