„მანჩესტერ სიტის“ ნახევარმცველის სამირ ნასრის თქმით, ინგლისურ კლუბში მისი მომავალი დიდი კითხვის ნიშნის ქვეშ არის.
„ჯერ არ ვიცი, დავრჩები თუ არა „მანჩესტერ სიტიში“. თუ კლუბს აღარ ვაინტერესებ, წავალ“.
გარდა ამისა, ფრანგმა „რომასთან“ უეფა-ს ჩემპიონთა ლიგის ჯგუფური ეტაპის ბოლო ტურის მნიშვნელოვან მატჩზეც ისაუბრა:
„ჩვენი ფეხბურთი უნდა ვითამაშოთ, რომაელების დამარცხება მხოლოდ ასე შეიძლება. ჩვენი გუნდი „რომაზე“ ძლიერია. თუ ჩემპიონთა ლიგას დავემშვიდობებით, ეს, პირველ რიგში, ფეხბურთელების ბრალი იქნება და არა მწვრთნელის“, – განაცხადა სამირმა.
ინგლისის ჩემპიონატის მიმდინარე სეზონის გათამაშებაში 27 წლის მოთამაშემ ათი მატჩი ჩაატარა, რომელშიც 2 საგოლე გადაცემა მიითვალა.
