მსოფლიოს ჩემპიონატის დასრულების შემდეგ, ცნობილი გამოცემა, Goal.Com-ი ტურნირის სიმბოლურ გუნდს გვთავაზობს.
ჯორდან პიკფორდი (ინგლისი)
რაფაელ ვარანი (საფრანგეთი)
დომაგოი ვიდა (ხორვატია)
დიეგო გოდინი (ურუგვაი)
კევინ დე ბრუინი (ბელგია)
ლუკა მოდრიჩი (ხორვატია)
ნ’გოლო კანტე (საფრანგეთი)
ივან პერიშიჩი (ხორვტია)
კილიან მბაპე (საფრანგეთი)
ედენ აზარი (ბელგია)
ანტუან გრიზმანი (საფრანგეთი)
მსოფლიოს ჩემპიონატის დროს, რუსეთის იმ ქალაქებში, სადაც მატჩები იმართებოდა, პოლიციელთა განსაკუთრებით დიდი ნაკადი იყო მობილიზებული. სხვადასხვა მხრიდან ჩამოსულმა რუსმა სამართალდამცავებმა თავიანთი მოვალეობა კარგად კი შეასრულეს, თუმცა მათ, ჩემპიონატის დასრულების შემდეგ, მეტად არაკომფორტულ პირობებში მოუწიათ საცხოვრებელ ქალაქებში დაბრუნება.
გთავაზობთ ერთ-ერთი მატარებლის ამსახველ ფოტოებს
მსოფლიოს ჩემპიონატის ნახევარფინალში ერთმანეთს ხორვატია და ინგლისი დაუპირისპირდნენ. საკმაოდ დაძაბული შეხვედრის 90 წუთი ფრედ, 1-1 დასრულდა. გამარჯვების გოლის გატანა 109-ე წუთზე მარიო მანჯუკიჩმა შეძლო.
წაგებული გუნდის მწვრთნელმა, გარეთ საუთგეიტმა მატჩის შემდეგ ჟურნალისტებთან ისაუბრა.
“ახლა დიდ ტკვივილს ვგრძნობთ, ეს დამარცხების ტკივილია. მოველოდით ამ პოზიციაში ყოფნას? არ ვიცი, რეალურად, თუ ამას ვინმე ელოდა. მაგრამ როცა გაქვს ასეთი შესაძლებლობა, როცა ისე თამაშობ, როგორც ეს ჩვენ პირველ ნახევარში გავაკეთეთ, აუცილებლად უნდა გამოიყენო შანსი, წარმატებით უნდა დაასრულო მომენტები. გასახდელ ოთახში ახლა ძალიან მძიმე სიტუაციაა.
მაგრამ, ზუსტად გეტყვით, რომ ჩემი ფეხბურთელებით ამაყი ვარ. ფანების ახლანდელი რეაქციები ორი წლის წინანდელ რეაქციებთან შედარებით პოზიტიური იქნება. ზოგადად, ქვეყანა ამ ბიჭებით ამაყია,” – ამბობს საუთგეიტი.
მსოფლიოს ჩემპიონატის ნახევარფინალში ერთმანეთს ხორვატია და ინგლისი დაუპირისპირდნენ. საკმაოდ დაძაბული შეხვედრის 90 წუთი ფრედ, 1-1 დასრულდა. გამარჯვების გოლის გატანა 109-ე წუთზე მარიო მანჯუკიჩმა შეძლო.
საგულისხმოა, რომ Fifa-მ მატჩის საუკეთესო მოთამაშედ ხორვატთა ფეხბურთელი, ივან პერიშიჩი დაასახელა. 29 წლის შემტევმა ნახევარმცველმა ჯერ 68-ე წუთზე მოახერხა გოლის გატანა, ხოლო მანჯუკიჩს საგოლე გადაცემა გაუკეთა. ის, ზოგადად, მთელი თამაშის მანძილზე აქტიური იყო.
გეტყვით, რომ ხორვატია მსოფლიოს ჩემპიონატის ფინალში საფრანგეთს დაუპირისპირდება. ეს შეხვედრა 15 ივლისს, მოსკოვში, “ლუჟნიკებზე” გაიმართება.
მსოფლიოს ჩემპიონატის მეოთხედფინალში ბელგიამ ბრაზილიას ანგარიშით, 2-1 მოუგო და ნახევარფინალში გავიდა. ისტორიული გამარჯვების შემდეგ, “წითელი ეშმაკების” მთავარმა მწვრთნელმა, რობერტო მარტინესმა ჟურნალისტებთან ისაუბრა.
“ბრაზილიას ძალიან მაღალი კლასი აქვს და მათ წინააღმდეგ თამაში ურთულესია. თუმცა, ერთი წამითაც არ მიფიქრია, რომ ჩემი ფეხბურთელები დანებდებოდნენ. მათ ამ ღამით განსაკუთრებულ რამეს მიაღწიეს. იმედი მაქვს, ბელგიაში, აბსოლუტურად ყველა ადამიანი ძალიან ამაყია. ლამაზი მოგონება შევქმენით და ეს უნდა გვახსოვდეს. მაგრამ ახლა, მომდევნო თამაშისთვის უფრო მეტი ენერგია გვჭირდება, რათა დავარწმუნოთ ჩვენი თავები, რომ ისეთივე კარგები ვიქნებით ნახევარფინალში, როგორც ეს დღეს იყო,” – ამბობს მარტინესი.
შეგახსენებთ, რომ ბელგია საფრანგეთს ნახევარფინალურ შეხვედრაში ათ ივლისს დაუპირისპირდება. მატჩი 22:00 საათზე დაიწყება.
მსოფლიოს ჩემპიონატის მერვეფინალში ესპანეთის ნაკრებმა რუსეთთან თერთმეტმეტრიანების სერიაში წააგო და ტურნირს გამოეთიშა. საგულისხმოა, რომ ჩემპიონატის მასპინძელთა ფეხბურთელმა, არტემ ძიუბამ დავიდ დე ხეას ჯერ თამაშიდან გაუტანა პენალტი, ხოლო შემდეგ იმავე მეკარემ ნახენებ სერიაში ოთხიდან ვერცერთი დარტყმა ვერ მოიგერია.
“ფურია როხას” კარის დარაჯის წარუმატებელ გამოსვლაზე ომარ მომანი კარიკატურას გვთავაზობს.
მსფოლიოს ჩემპიონატის მერვედფინალში ბელგია იაპონიას დაუპირისპირდა და მეტოქე დაძაბულ ბრძოლაში ანგარიშით, 3-2 დაამარცხა.
საგულისხმოა, რომ შეხვედრის საუკეთესო მოთამაშედ ბელგიელთა კაპიტანი, ედენ აზარი დასახელდა. ის მთელი მატჩის მანძილზე ძალიან აქტიური იყო. მან 74-ე წუთზე ერთი საგოლე გადაცემაც მიითვალა, როცა მარუან ფელაინის თავით გაატანინა ანგარიშის გამათანაბრებელი (2:2) გოლი.
ბელგია მეოთხედფინალში ბრაზილიას დაუპირისპირდება. ეს მატჩი “ყაზან არენაზე” ექვს ივლისს, პარასკევს, 22:00 საათზე აიღებს სტარტს.
მსოფლიოს ჩემპიონატის მერვედფინალში ხორვატიამ დანიას სძლია და შემდეგ ეტაპზე გავიდა. 116-ე წუთზე, მაშინ, როცა ანგარიში 1-1 იყო, ლუკა მოდრიჩმა თერთმეტმეტრიანი ვერ გამოიყენა – მას კასპერ შმეიხელმა კუთხე გამოუცნო. ამის შემდეგ, მატჩი პენალტების სერიაში გადავიდა და ხორვატთა გამარჯვებით დასრულდა.
მეოთხედფინალისტი გუნდის კაპიტანმა ჟურნალისტებთან მცირე კომენტარი გააკეთა.
“ურთულესი მატჩი გამოვიდა. დიდი ბარიერის გადალახვა მოგვიწია, რომ მეტოქე დაგვემარცხებინა. ჩემთვის მტკივნეული იყო ტერთმეტმეტრიანის გამოუყენებლობა, რადგან მთელი დილა იმას ვსწავლობდი, როგორ გამეტანა შმეიხელისთვის პენალტი,” – ამბობს მოდრიჩი.
მსოფლიოს ჩემპიონატის მერვედფინალურ შეხვედრაში ხორვატია დანიას დაუპირისპირდა. ძირითადი დრო ანგარიშით, 1-1 დასრულდა. დამატებით ტაიმებშიც ანგარიში არ შეცვლილა. ხოლო, თერთმეტმეტრიანების სერიაში ხორვატიამ იმარჯვა და მეოთხედფინალში რუსეთს დაუპირისპრიდება.
მიუხედავად ხორვატების წარმატებისა, მატჩის საუკეთესო მოთამაშედ დანიელთა მეკარე, კასპერ შმეიხელი დასახელდა. მან დასამახსოვრებელი ასპარეზობის შემდეგ, 116-ე წუთზე ლუკა მოდრიჩს თერთმეტმეტრიანი აუღო. ხოლო, პენალტების სერიაში შმეიხელმა პივარიჩისა და ბადელის დარტყმების მოგერიება შეძლო, თუმცა ეს საკმარისი არ აღმოჩდნა.
რუსეთში მიმდინარე მსოფლიოს ჩემპიონატზე ბრაზილიის ნარების გამორჩეულ გულშემატკივართა რიცხვში 33 წლის ბრაზილიელი მოედლი, იზაბელ გულარიც შედის. იგი “სელესაოს” მატჩებსაც დაესწრო.
დღეს, მსოფლიოს ჩემპიონატის E ჯგუფში სერბეთი ბრაზილიას დაუპირისპირდა.
ლათინოამერიკელებისთვის ამ თამაშში არწაგება ჯგუფიდან გასვლის გარანტი იყო. “სელესაომ” აქტიურად დაიწყო და პირველივე ტაიმში გახსნა ანგარიში. გოლის გატანა 36-ე წუთზე პაულინიომ მოახერხა. მან მეკარეს თავზე გადაუგდო ბურთი. ტიტეს შეგირდებმა მეორე ნახევარშიც შეაგდეს: 68-ე წუთზე ნეიმარის მოწოდებული ბურთი ტიაგო სილვამ თავით კარში გაგზავნა. საბოლოოდ, “სელესაომ” სწორედ ამ ანგარიშით მოიგო.
გამარჯვების შემდეგ ბრაზილიამ შვიდი ქულა დააგროვა და პირველი ადგილი დაიკავა. ის მერვედფინალში მექსიკას დაუპირისპირდება.
დღეს მსოფლიოს ჩემპიონატის ჯგუფური ეტაპის მესამე ტურის შეხვედრაში სამხრეთ კორეა გერმანიას დაუპირისპირდა.
მთელი შეხვედრის მანძილზე ევროპელები უპირატესობას ფლობდნენ ბურთის ფლობის მხრივ, თუმცა ვერ ქმნიდნენ საგოლე მომენტებს. საბოლოოდ, მატჩის ბედი ორმა გატანილმა გოლმა გადაწყვიტა: ჯერ მეორე ნახევრის მეორე დამატებით წუთზე კიმ იანგ-გვონმა შეაგდო, ხოლო ოთხ წუთში ჰეუნგ-მინ სონმა შეაგდო. საბოლოოდ, 2-0 აზიელთა სასარგებლოდ. ეს საკმარისი აღმოჩნდა იმისთვის, რომ მსოფლიოს მოქმედი ჩემპიონი ჯგუფში ჩარჩენილიყო.
იოახიმ ლიოვის შეგირდებმა სამი ქულით ბოლო ადგილი დაიკავეს ჯგუფში. ხოლო, სამხრეთ კორეას ასევე სამი ქულა დაუგროვდა და მესამე ადგილზე გავიდა. მერვედფინალში ასპარეზობის უფლება შვედეთმა და მექსიკამ მოიპოვეს: პირველმა მეორეს ანგარიშით, 3:0 მოუგო.
