რომელმა ხუთმა კლუბმა გამოთქვა კვარაცხელიას დამატების სურვილი ბოლო 3 თვეში

საქართველოს ეროვნული ნაკრებისა და ყაზანის “რუბინის” გარემარბ ხვიჩა კვარაცხელიას აგენტმა მამუკა ჯუღელმა ქართველი ფეხბურთელის კარიერის პერსპექტივებზე ისაუბრა.

“ლეონიდ სლუცკისთან და “რუბინის” სპორტულ დირექტორთან საუბრისას მითხრეს, რომ კვარაცხელიას ევროპაში სათამაშოდ წასასვლელად კიდევ ერთიდან ორ წლამდე პერიოდი სჭირდება.

ბოლო სამი თვის განმავლობაში ხვიჩას თაობაზე ხუთმა კლუბმა მომმართა: “ტორინო”, “სასუოლო”, “ზალცბურგი”, “გენტი” და “უდინეზე”.

“რუბინმა” ცოტა ხნის წინ შეკრა კარგი გუნდი. ახლა ყაზანელები კვარაცხელიას გასაყიდად მზად არ არიან და მისი გაყიდვა რომც უნდოდეთ, მე წინააღმდეგი ვიქნებოდი. მან ჯერ კიდევ უნდა ითამაშოს რუსეთის ჩემპიონატში. ალექსეი მირანჩუკი ჭკვიანი ბიჭია. მან აქ ჩემპიონატი და თასი მოიგო და მხოლოდ ამის შემდეგ წავიდა “ატალანტაში”.

მინდა, რომ ხვიჩამ ხუთ წელიწადში მადრიდის “რეალში” ითამაშოს. მე ამის მჯერა. მჯერა, რომ ითამაშებს “რეალში” ან “ბაიერნში”. ბავარიელებს მისი დამატება ისედაც უნდოდათ, ხვიჩა მიუნხენში იყო, ჰასან სალიჰამიჯიჩს შეხვდა, იქაურობა დაათვალიერებინეს. გარკვეული საუბრები იყო, მაგრამ არ აიყვანეს. მაშინ ხვიჩა 17 წლის იყო. თქვეს, კიდევ ექვსი თვე შევხედავთო და საბოლოოდ, ასე ჩაიშალა. მე არამხოლოდ ვიმედოვნებ, არამედ ვიცი, რომ კვარაცხელია ასეთ კლუბში ითამაშებს. არ ვამბობ, რომ მაინცდამაინც “რეალში” გადავა. ეს შეიძლება იყოს “ბარსელონა”, “რეალი”, “ბაიერნი”, “იუვენტუსი”, “ინტერი”, “მილანი”. მჯერა, რომ მსგავს გუნდში ითამაშებს. ასეთ კლუბში გადასვლა ახლავე რომ შეეძლოს, დღესვე გავუშვებდით. მისი “ჯენოაში” და “უდინეზეში” კი არა, “ჩელსიში”, “ინტერში”, “ბაიერნში”, “რეალში” და მსგავსი დონის კლუბებში გაყიდვა გვინდა. ღმერთს ვთხოვ, რომ ტრავმა არ მიიღო და ასეთ გუნდში აუცილებლად მოხვდება”, – აღნიშნა მამუკა ჯუღელმა.

სვენ-გორან ერიქსონი: “ფერგიუსონი მოკვლით მემუქრებოდა, თუ რუნის მუნდიალზე წავიყვანდი”

ინგლისის ნაკრების ყოფილმა მთავარმა მწვრთნელმა სვენ-გორან ერიქსონმა გამოცემა “თაიმსს” საინტერესო ინტერვიუ მისცა, რომლის ერთ-ერთი მონაკვეთი “მანჩესტერ იუნაიტედის” ექსთავკაც ალექს ფერგიუსონთან მომხდარ ინციდენტს დაეთმო.

შვედმა სპეციალისტმა ინტერვიუში 2006 წელს მომხდარი ამბავი გაიხსენა. ამ პერიოდში “წითელი ეშმაკების” აწ უკვე ყოფილმა თავდამსხმელმა უეინ რუნიმ ტრავმა მიიღო და გამოჯანმრთელების პროცესი საკმაოდ გაეწელა. ინგლისელმა ფეხბურთელმა მსოფლიოს ჩემპიონატამდე ტრავმის მოშუშება ვერ მოასწრო, თუმცა უშუალოდ ტურნირის მიმდინარეობისას გამოჯამრთელებისა და თამაშის საშუალება ჰქონდა. ამის მიუხედავად, “მანჩესტერ იუნაიტედის” მთავარ მწვრთნელ ალექს ფერგიუსონს მუნდიალზე რუნის გაშვება არ სურდა, რასაც ერიქსონთან დაძაბული სატელეფონო საუბარი მოჰყვა.

შვედი სპეციალისტი იხსენებს:

“ალექსი უცნაური კაცი იყო. ასეთი ჩვევა ჰქონდა: დამირეკავდა დილის შვიდ საათზე ან უფრო ადრე და ყოველგვარი მისალმების გარეშე იწყებდა ყვირილით საუბარს. როდესაც ასეთი გაღიზიანებული იყო ხოლმე, მასთან კომუნიკაცია შეუძლებელი ხდებოდა.

მან ის დილაც ჩხუბით დაიწყო. ყვიროდა, რომ მომკლავდა, თუ რუნის მსოფლიოს ჩემპიონატზე წავიყვანდი.

მე მას ვკითხე: “რა ხდება ალექს, რაშია საქმე?” თუმცა, ის მე არ მისმენდა და განაგრძობდა ყვირილსა და მუქარას. საბოლოო ჯამში, ვუთხარი: “რუნის მსოფლიოს ჩემპიონატზე მაინც წავიყვან. კარგი შვებულება, ჩაო” და ტელეფონი გავუთიშე”.

უეინ რუნიმ 2006 წლის მსოფლიოს ჩემპიონატზე მართლაც ითამაშა, თუმცა “სამი ლომი” ტურნირს მეოთხედფინალურ ეტაპზე პორტუგალიის ნაკრებთან პენალტების სერიაში მარცხის შემდეგ გამოეთიშა.

ანანიძე: “ბეილი ჩემზე ძლიერია, მაგრამ ჩემზე ხშირად ტრავმიანობს, აღნაგობა არაფერ შუაშია”

საქართველოს ნაკრებისა და მოსკოვის “სპარტაკის” ნახევარმცველმა ჯანო ანანიძემ რუსული კლუბის ოფიციალური ვებგვერდისთვის მიცემულ ინტერვიუში უარყო მოსაზრება, თითქოს მისი ხშირი ტრავმიანობა ფიზიკურ მონაცემებთან არის დაკავშირებული.

“სპარტაკის” ლიდერობა მსურს, თუმცა მესმის, რომ ეს ან ახლა მოხდება ან არასდროს. ვგრძნობ, რომ შემიძლია ისე ვითამაშო, როგორც ამას ჩემგან გულშემატკივრები მოელიან. სამწუხაროდ, ხშირად ტრავმები მიშლიდა ხელს. ფაქტობრივად ათი წლიდან სამი მკურნალობაში მაქვს გატარებული. ხშირად ვკითხულობ, თითქოს ყველაფერი ჩემი აღნაგობის ბრალია, მაგრამ შეხედეთ მადრიდის “რეალის” ფეხბურთელ გარეტ ბეილს. ის ჩემზე სამჯერ მეტს იწონის და კუნთებიც სამჯერ დიდი აქვს, თუმცა ჩემზე ხშირად ტრავმიანობს. მან “რეალში” ყოფნის ექვსი წლიდან მხოლოდ წელიწადნახევარი ითამაშა.

ალბათ, უფროსების წინააღმდეგ თამაში საკმაოდ ადრეულ ასაკში დავიწყე. გარდა ამისა, თავიდან სატრენაჟორო დარბაზებს ხშირად არ ვსტუმრობდი. ახლა გაცილებით ხშირად ვვარჯიშობ. იმას არ ვამბობ, რომ რობოტის დონემდე უნდა მიხვიდე, როცა ბურთსაც ვეღარ გრძნობ, მაგრამ პროფილაქტიკა აუცილებელია, რათა კუნთები და სახსრები კარგ მდგომარეობაში იყოს.

დეკემბრამდე უნდა ვაჩვენო, რა შემიძლია: გოლების გატანა, საგოლე გადაცემები. თამაშის მიმდინარეობის წაყვანა. მთავარი მწვრთნელისგან ნდობას ვგრძნობ და ეს მეხმარება”, – აღნიშნა ანანიძემ.

ზღაპარი დასრულდა: რუსეთი მსოფლიოს ჩემპიონატს ხორვატიამ გამოთიშა! (ვიდეო)

მსოფლიოს ჩემპიონატის მეოთხედფინალში ერთმანეთს რუსეთი და ხორვატია დაუპირისპირდნენ.

შეხვედრაში ანგარიშის გახსნა ულამაზესი დარტყმით დენის ჩერიშევმა 31-ე წუთზე მოახერხა. თუმცა, ზუსტად რვა წუთში ანდრეი კრამარიჩმა გაათანაბრა. მეორე ნახევარში გოლი აღარ გასულა და დაინიშნა დამატებითი ტაიმები. ხორვატიამ ისევ გაუტანა, ამჯერად, 101-ე წუთზე. გოლის ავტორი ხორვატთა ფეხბურთელი, დომაგოი ვიდა გახდა. თუმცა, ამით ყველაფერი არ დასრულებულა – 115-ე წუთზე მარიო ფერნანდეშმა თავური დარტყმით გაათანაბრა.

ყველაფერი პენალტების სერიაში გადაწყდა, სადაც ხორვატებმა ანგარიშით, 4-3 მოიგეს და შემდეგ ეტაპზე გავიდნენ.

შეგახსენებთ, რომ ხორვატია 11 ივლისს, ოთხშაბათს ინგლისს დაუპირისპრიდება. მატჩი 22:00 საათზე დაიწყება.

რუსი მოდელი და გულშემატკივარი, რომელმაც აკინფეევის ფოტო სოციალურ ქსელში გამოაქვეყნა (ფოტოები)

მსოფლიოს ჩემპიონატზე რუსეთის ნაკრების ერთ-ერთი დასამახსოვრებელი გულშემატკივარი მოდელი, მარია ლიმანია. მან ესპანეთის ნაკრების თერთმეტმეტრიანების სერიაში დამარცხების შემდეგ, თავისი ქვეყნის გუნდის მეკარის, იგორ აკინფეევის ფოტოც გამოაქვეყნა სოციალურ ქსელში.

იხილეთ ფოტოები

 

კარიკატურა: დავიდ დე ხეასა და რუსეთის ნაკრების ურთიერთობა

მსოფლიოს ჩემპიონატის მერვეფინალში ესპანეთის ნაკრებმა რუსეთთან თერთმეტმეტრიანების სერიაში წააგო და ტურნირს გამოეთიშა. საგულისხმოა, რომ ჩემპიონატის მასპინძელთა ფეხბურთელმა, არტემ ძიუბამ დავიდ დე ხეას ჯერ თამაშიდან გაუტანა პენალტი, ხოლო შემდეგ იმავე მეკარემ ნახენებ სერიაში ოთხიდან ვერცერთი დარტყმა ვერ მოიგერია.

“ფურია როხას” კარის დარაჯის წარუმატებელ გამოსვლაზე ომარ მომანი კარიკატურას გვთავაზობს.

 

ესპანეთის ნაკრები რუსეთთან დამარცხდა და მსოფლიოს ჩემპიონატს გამოეთიშა! (ვიდეო)

დღეს, მოსკოვში მსოფლიოს ჩემპიონატის მორიგი მერვედფინალური მატჩი შედგა: რუსეთი ესპანეთს დაუპირისპირდა.

ანგარიში მეთორმეტე წუთზე სერგეი იგაშევიჩის ავტოგოლის შემდეგ გაიხსნა. თუმცა, 41-ეზე არტემ ძიუბამ თერთმეტემტრიანის ნიშნულიდან გაათანაბრა. ესპანელებმა მეორე ნახევარში წინ გასვლა ვერ მოახერხეს. დაინიშნა დამატებითი ტაიმები, რომელშიც გოლი არ გავიდა.

მეოთხეფინალისტის ვინაობა თერთმეტმეტრიანების სერიაში გადაწყდა. ესპანელებიდან პენალტები ვერ გამოიყენეს კოკემ და იაგო ასპასმა, ხოლო რუსებმა ოთხივე თერთმეტმეტრიანი გამოიყენეს. შესაბამისად, მეოთხედფინალში სწორედ ისინი გავიდნენ. რუსები ხორვატიასა და დანიას შორის გამარჯვებულს დაელოდებიან მეოთხედფინალში.

რუსეთი – ეგვიპტე: მატჩის საუკეთესო ფეხბურთელის ვინაობა ცნობილია

მსოფლიო ჩემპიონატის ჯგუფური ეტაპის მეორე ტურში რუსეთმა ეგვიპტეს ანგარიშით, 3-1 სძლია. ცნობილი გახდა იმ ფეხბურთელის ვინაობა, რომელიც მატჩის საუეკეთესო მოთამაშედ ოფიციალურად დასახელდა. ეს რუსთა ფეხბურთელი, დენის ჩერიშევია. 27 წლის სპორტსმენმა 74 წუთი ითამაშა. ის საკმაოდ აქტიური იყო და 59-ე წუთზე გოლიც შეაგდო.

საგულისხმოა, რომ “ვილიარეალის” ფეხბურთელი ბომბარდირთა დავაში კრიშტიანუ რონალდუსთან ერთად ლიდერობს. ორივე მათგანს 3-3 გოლი აქვთ გატანილი. დენისმა წინა ტურში. საუდის არაბეთთან ორჯერ შეარხია მეტოქის კარის ბადე და იქაც სწორედ იგი გახდა მატჩის საუკეთესო ფეხბურთელი.

 

რუსეთმა ეგვიპტე დაამარცხა და მერვედფინალში თამაშის უფლება თითქმის გაინაღდა (ვიდეო)

მსოფლიოს ჩემპიონატის ჯგუფური ეტაპის მეორე ტური რუსეთისა და ეგვიპტის ნაკრებებს შორის გამართული მატჩით გაიხსნა, რომელიც მასპინძელთა გამარჯვებით, ანგარიშით 3:1 დასრულდა.

აღსანიშნავია, რომ ეგვიპტელთა ლიდერი მოჰამედ სალაჰი მოედანს დაუბრუნდა. ის სასტარტო განაცხადში იყო და შეხვედრა სრულად ჩაამთავრა. რუსებმა თამაში აქტიურად დაიწყეს და საწყის წუთებში მეტოქეს რამდენჯერმე სახიფათოდ შეუტიეს, თუმცა გატანილ გოლამდე საქმე არ მისულა. სადებიუტო წუთების შემდეგ თამაში გათანაბრდა და ეგვიპტელებმაც შექმნეს მეტნაკლებად სახიფათო მომენტები. საბოლოო ჯამში, ტაიმი დაძაბულ ბრძოლაში წარიმართა, თუმცა უგოლოდ მიილია.

რუსები მეორე ტაიმის სტარტზე კურიოზული ავტოგოლით დაწინაურდნენ: ეგვიპტელთა მეკარემ ჩაწოდების შემდეგ ბურთი მუშტებით მოიგერია, რომან ზობნინმა საჯარიმო მოედანზე ჩააბრუნა, იქ კი აჰმედ ფათჰიმ იმდენად უხეიროდ მოიგერია, რომ ბურთი საკუთარ კარში ჩაიჭრა – 1:0. 59-ე წუთზე მასპინძლებმა უპირატესობა გაზარდეს: მარიო ფერნანდესმა დენის ჩერიშევს საჯარიმოში უპასა, ამ უკანასკნელმა კი ერთი შეხებით გადაგზავნა ბურთი მეტოქის კარში. მეორე გაშვებულმა გოლმა ეგვიპტელები ფსიქოლოგიურად გატეხა და ზუსტად სამ წუთში ანგარიში გამანადგურებელი გახდა: არტიომ ძიუბამ მეტოქის საჯარიმოს მისადგომებთან ბურთი მკერდით ჩამოიღო, ცენტრალურ მცველებს უმარტივესად გაუმკლავდა და ეგვიპტელთა კარის ბადე მესამედ შეარხია. 73-ე წუთზე აფრიკელებს მცირეოდები იმედი დაუბრუნდათ: თამაშის წესის დარღვევისთვის დანიშნული პენალტი მოჰამედ სალაჰმა ზუსტად შეასრულა და ერთი ბურთი გაქვითა – 3:1.

დარჩენილ დროში ეგვიპტის ნაკრებმა მეტის გაკეთება ვეღარ შეძლო. რუსებმა ანგარიშით 3:1 იმარჯვეს და ტურნირის მერვედფინალში თამაშის უფლება თითქმის გაინაღდეს.

მსოფლიოს ჩემპიონატი
A ჯგუფი (II ტური)
რუსეთი — ეგვიპტე 3:1 (0:0)
გოლები: ფათჰი 47′ (ა.გ.), ჩერიშევი 59′, ძიუბა 62′ — სალაჰი 73′.

მოურინიო: “რუსეთის ნაკრებს ოპტიმისტურად ფიქრის მიზეზი უბრალოდ არ აქვს”

მსოფლიოს 2018 წლის საფეხბურთო ჩემპიონატის გახსნით მატჩში რუსეთმა საუდის არაბეთი გაანადგურა (5-0). ამ მატჩზე კომენტარი ჟოზე მოურინიომაც გააკეთა, რომლის თქმითაც, ეს შედეგი უმნიშვნელოა და რუსეთის ნაკრები მაინც განწირულია.

“ნამდვილად სამართლიანი შედეგია. მატჩის წინ რუსეთის პესიმისტურ განწყობაზე ვსაუბრობდით და ამ თამაშის მოგების შემდეგ მათ ოპტიმისტურად ფიქრის მიზეზი უბრალოდ არ აქვთ.

შეუძლიათ ბედნიერები იყვნენ, დიდებული გამარჯვება იყო, ბევრი გოლი გაიტანეს, რაც შესაძლოა, მნიშვნელოვანი გამოდგეს. მაგრამ ისიც უნდა გაითვალისწინოთ, რომ საუდის არაბეთი იმედგაცრუებული იყო.

ეგვიპტეს საუდის არაბეთზე კარგი გუნდი ჰყავს, ურუგვაი კი ეგვიპტეზე უფრო ძლიერია,” – განაცხადა პორტუგალიელმა სპეციალისტმა.

ბოლოს, ჟოზემ გოლოვინზეც თქვა ორიოდ სიტყვა:”ფანტასტიკურად ითამაშა, სწორედ ის ქმნიდა რუსეთის ორგანიზებულ სქემას.”

ფერნანდო იეროს პირველი განცხადება ესპანეთის მთავარ მწვრთნელად დანიშვნის შემდეგ

ხულენ ლოპეტეგის განთავისუფლების შემდეგ, ესპანეთის ნაკრების მთავარი მწვრთნელის პოსტზე ფერნანდო იერო დაინიშნა. ორ დღეში “ფურია როხა” მსოფლიოს ჩემპიონატზე პორტუგალიასთან პირველ შეხვედრას ჩაატარებს.

იერომ აღნიშნულ თანამდებობაზე დანიშვნის შემდეგ კომენტარი გააკეთა.

“შესანიშნავი გამოწვევა მივიღე. ყველა ხვდება, რა გარემოებაში იმყოფება ესპანეთის ნაკრები. ხოლო, მე მამაცურად დავთანხმდი ამ შემოთავაზებას. შესაბამისად, სხვა გზა აღარ არსებობს და ამ ვითარებაში უნდა ვიბრძოლოთ წარმატებისთვის. გვყავს ფეხბურთელები, რომლებიც ორი წლის მანძილზე ემზადებოდნენ მსოფლიოს ჩემპიონატისთვის. ხოლო, მე სპორტული დირექტორი ვიყავი. შესაბამისად, კარგად ვაცნობიერებ იმ მოტივაციას, რაც ამ ბიჭებს გააჩნიათ. ჩვენ არ შეგვიძლია ორ დღეში შევცვალოთ ის სამუშაო სტილი, რომელიც გასული ორი წლის მანძილზე გვქონდა. არაფრის შეცვალ არ შეგვიძლია ორ დღეში.”

 “ვუთხარი ფეხბურთელებს, რომ მათ ყველას კარგად ვიცნობ. ძალიან მშვიდად ვარ და არანაირი მიზეზი არ არსებობს იმისთვის, რომ მიზანი შევცვალოთ. აქ ერთადერთი რამისთვის ვართ და ეს ყველამ კარგად იცის. შემადგენლობა მოტივირებულია. ჩვენ გვაქვს შესანიშნავი შესაძლებლობა, შესაბამისად, ფოკუზირებულნი ვართ მხოლოდ ტიტულის მოგებაზე. ლოპეტეგისა და იმ სამუშაოს მიმართ, რაც მან გააკეთა, დიდი პატივისცემა გამაჩნია. თავის თავგადასავალში ყველაფერს საუკეთესოს ვუსურვებ,” – ამბობს იერო.

ჟოზე მოურინიო ავსტრიისა და რუსეთის ნაკრებების მატჩს დაესწრო (ფოტო)

“მანჩესტერ იუნაიტედის” პორტუგალიელი მთავარი მწვრთნელი, ჟოზე მოურინიო, გუშინ ავსტრიისა და რუსეთის საფეხბურთო ნაკრებებს შორის გამართულ ამხანაგურ მატჩს დაესწრო.

იმის შესახებ, თუ რა მიზნით მივიდა ჟოზე მოურინიო მატჩზე, ჯერჯერობით უცნობია, მას არანაირი განმარტება არ გაუკეთებია.

როგორც ბრიტანული გამოცემები იუწყებიან, მოურინიო მარკო არნაუტოვიჩის თამაშს აკვირდებოდა, რომელიც ამჟამად “ვესტ ჰემ იუნაიტედის” მაისურით გამოდის.

რაც შეეხება უშუალოდ მატჩს, რუსებმა ავსტრიელებისთვის დიდი ბრძოლის გამართვა ვერ შეძლეს. ერთადერთი გოლი შეხვედრის 28-ე წუთზე შოპფმა გაიტანა სწორედ არნაუტოვიჩის საგოლე გადაცემის დახმარებით.