Poland – Fanebi.Com – ფეხბურთი, კალათბურთი, რაგბი, სხვა

პოლონელები რუსებთან თამაშზე უარს აცხადებენ: “ამის უფლებას სინდისი არ გვაძლევს”

Posted on თებერვალი 26, 2022 by ბექა დოგრაშვილი

პოლონეთის ეროვნული გუნდი 2022 წლის მსოფლიოს ჩემპიონატის საკვალიფიკაციო ეტაპის საპლეიოფო რაუნდის ნახევარფინალში რუსეთის ნაკრებთან თამაშზე უარს აცხადებს.

“სიტყვები აღარ არის საჭირო, მოქმედების დროა! უკრაინის მიმართ რუსეთის ფედერაციის აგრესიის გამო პოლონეთის ნაკრები არ აპირებს პლეიოფში რუსეთთან თამაშს. ჩვენ შვედეთისა და ჩეხეთის (მეორე ნახევარფინალური წყვილი) ფეხბურთის ფედერაციებთან ვაწარმოებთ მოლაპარაკებას, რათა ფიფას ერთიანი განცხადება მივაწოდოთ”, – განაცხადა პოლონეთის ფეხბურთის ასოციაციის პრეზიდენტმა ჩეზარი კულეშამ.

ამ განცხადებას ერთობლივად შეუერთდნენ პოლონეთის ეროვნული ნაკრების ფეხბურთელები:

“ჩვენ, პოლონეთის ეროვნული ნაკრების ფეხბურთელებმა, პოლონეთის ფეხბურთის ასოციაციასთან ერთად, გადავწყვიტეთ, რომ უკრაინის წინააღმდეგ რუსეთის აგრესიის გამო რუსეთთან საპლეიოფო რაუნდის მატჩი არ ჩავატაროთ. ეს არ არის იოლი გადაწყვეტილება, მაგრამ ცხოვრებაში ფეხბურთზე მნიშვნელოვანი რაღაცეებიც არის. ჩვენ უკრაინელ ხალხსა და ეროვნული ნაკრებიდან ჩვენს მეგობარ ტომაშ კენძიორაზე ვფიქრობთ, რომელიც საკუთარ ოჯახთან ერთად ჯერ კიდევ კიევში იმყოფება”.

აღნიშნულ გადაწყვეტილებას გამოეხმაურა პოლონეთის ნაკრების ლიდერი რობერტ ლევანდოვსკიც:

“სწორი გადაწყვეტილებაა! ვერ წარმომიდგენია რუსეთის ნაკრებთან თამაში, როდესაც უკრაინაში შეიარაღებული გრესია გრძელდება. რუსი ფეხბურთელები და ფანები ამაზე პასუხისმგებელნი ვერ იქნებიან, მაგრამ ჩვენ ვერ ჩავდგებით ისეთ პოზიციაში, თითქოს არაფერი ხდება”.

პოლონეთის ნაკრების კიპერმა ვოიცეხ შჩესნიმ სოციალურ ქსელში დაწერა:

“24 მარტს, მსოფლიოს ჩემპიონატის საკვალიფიკაციო ეტაპის საპლეიოფო მატჩში რუსეთის ნაკრებთან უნდა გვეთამაშა. ამის წერისას გული კი მწყდება, მაგრამ თამაშის უფლებას სინდისი არ მაძლევს. საკუთარი ქვეყნის წარმომადგენლობა ყველაზე დიდი პატივია კარიერაში, მაგრამ ეს მაინც არჩევანია. უარს ვამბობ იმ ფეხბურთელებთან თამაშზე, რომლებიც წარმოადგენენ რუსეთის ღირებულებებსა და პრინციპებს. უარს ვამბობ, ვიდგე მოედანზე ჩემი ქვეყნის ფერებში და ვუსმენდე რუსეთის ჰიმნს. უარს ვამბობ სპორტულ ღონისძიებებში მონაწილეობაზე, რუსეთის ხელისუფლების ქმედებების კანონიერად გამართლების შემთხვევაშიც”.

ფიფაში ჯერჯერობით კომენტარი არ გაკეთებულა.

პოლონელებს რუსებთან მატჩის ჩატარება ნეიტრალურ მოედანზე სურთ

Posted on თებერვალი 22, 2022 by ბექა დოგრაშვილი

24 მარტს, მოსკოვში, მსოფლიოს 2022 წლის ჩემპიონატის საკვალიფიკაციო ეტაპის საპლეიოფო რაუნდის ნახევარფინალში რუსეთის ნაკრები პოლონეთის ეროვნულ გუნდს უმასპინძლებს.

რუსეთისა და უკრაინის სახელმწიფოებს შორის ურთიერთობა უკიდურესად დაიძაბა. გუშინ რუსეთის პრეზიდენტმა ვლადიმირ პუტინმა ოკუპირებული დონეცკისა და ლუგანსკის ე.წ დამოუკიდებლობა აღიარა, რასაც დასავლეთისგან მთელი რიგი სანქციები მოჰყვება.

შექმნილი მდგომარეობიდან გამომდინარე პოლონელებს რუსებთან შეხვედრის ნეიტრალურ მოედანზე ჩატარება სურთ და ამისთვის ევროპული ფეხბურთის მმართველ ორგანოში წერილის გაგზავნასაც აპირებენ. ამ ინფორმაციას პოლონეთის სპორტისა და ტურიზმის მინისტრი კამილ ბორტნიჩუკი ადასტურებს.

“ვეცდებით, რომ რუსეთის ნაკრებთან მატჩი ნეიტრალურ მოედანზე გავმართოთ. მე ვთვლი, რომ ასეთ სიტუაციაში პოლონელი სპორტსმენები რუსეთში არ უნდა გაემგზავრნონ”, – თქვა ბორტნიჩუკმა.

მედიაში გავრცელდა ინფორმაცია, რომლის თანახმადაც, შესაძლოა, უეფას ჩემპიონთა ლიგის მიმდინარე გათამაშების ფინალური მატჩი სანქტ-პეტერბურგში აღარ ჩატარდეს, თუმცა ევროპული ფეხბურთის მმართველ ორგანოში განაცხადეს, რომ ამ ეტაპზე ტურნირის გადამწყვეტი შეხვედრის მასპინძელი ქალაქის შეცვლა არ განიხილება.

შევჩენკო ახალ მიწვევებს უკვე იღებს

Posted on იანვარი 16, 2022იანვარი 16, 2022 by ბექა დოგრაშვილი

იტალიური “ჯენოადან” ახლახან გათავისუფლებული ანდრეი შევჩენკო, როგორც ჩანს, უმუშევარი დიდხანს არ დარჩება.

45 წლის უკრაინელ სპეციალისტს პოლონეთის ეროვნული ნაკრების მთავარი მწვრთნელის პოსტს სთავაზობენ. იტალიელი ჟურნალისტი ნიკოლო სკირა იუწყება, რომ შევჩენკოსა და პოლონეთის ფეხბურთის კავშირს შორის მოლაპარაკების პროცესი უკვე დაწყებულია.

შეგახსენებთ, რომ პოლონეთის ნაკრების თავკაცის პოსტი ვაკანტური დეკემბრის ბოლოდანაა, როდესაც პაულო სოუზამ აღნიშნული თანამდებობა დატოვა და ბრაზილიურ “ფლამენგოს” მიაშურა.

პოლონელები 24 მარტს მსოფლიოს 2022 წლის ჩემპიონატის საკვალიფიკაციო ეტაპის საპლეიოფო რაუნდის ნახევარფინალში რუსებს ეთამაშებიან.

შვეიცარია – პოლონეთი — ვინ გახდა მატჩის საუკეთესო ფეხბურთელი?

Posted on ივნისი 25, 2016 by ბექა დოგრაშვილი

2016 წლის ევროპის ჩემპიონატის პირველ მერვედფინალურ შეხვედრაში პოლონეთის ნაკრებმა შვეიცარია (1:1) პენალტების სერიაში დაამარცხა. მატჩის საუკეთესო ფეხბურთელად შვეიცარიელთა ლიდერი ჯერდან შაქირი დასახელდა, რომელმაც ტურნირის ერთ-ერთი საუკეთესო გოლი გაიტანა.

#SUI winger @XS_11official is the @carlsberg Man of the Match ????#EURO2016 pic.twitter.com/WDo3ejjKEW

— UEFA EURO 2016 (@UEFAEURO) 25 June 2016

ევრო-2016-ის კვალიფიკაცია: ჩვენი ჯგუფის მიმოხილვა (ვიდეო)

Posted on ოქტომბერი 9, 2015ოქტომბერი 9, 2015 by ბექა დოგრაშვილი

2016 წლის ევროპის ჩემპიონატის შესარჩევი ეტაპის D ჯგუფში მე-9 ტურის მატჩები გაიმართა.

ამ ციკლში მესამე გამარჯვეა მოიპოვა საქართველოს ნაკრებმა. კახა ცხადაძის გუნდმა “დინამო არენაზე” გიბრალტარის ნაკრები ანგარიშით 4:0 გაანადგურა. დუბლი შეასრულა მათე ვაწაძემ, პენლატი გაიტანა თორნიკე ოქრიაშვილმა, ერთი ბურთი კი ვაკო ყაზაიშვილის ანგარიშზეა. აღსანიშნავია, რომ ამ შეხვედრაში პირველი გოლი 30-ე წუთზე გავიდა. გიბრალტარის ნაკრებისთვის გოლი ასე გვიან ჯერ არცერთ გუნდს არ გაუტანია.

ევრო-2016 – კვალიფიკაცია. D ჯგუფი. მე-9 ტური
საქართველო — გიბრალტარი 4:0
გოლები: ვაწაძე 30′, 45′, ოქრიაშვილი 35′ (პენ), ყაზაიშვილი 87′.
გაფრთხილებები: ოქრიაშვილი 31′ — კაბრერა 15′.

სენსაციურად დამარცხდა გერმანიის ნაკრები. “ბუნდესთიმმა” დუბლინში ირლანდიის ნაკრებთან ისე წააგო, რომ გოლის გატანაც ვერ შეძლო, რაც პოლონეთთან გასული წლის 11 ოქტომბერს გამართული შეხვედრის (0:2) შემდეგ პირველად მოხდა. ირლანდიამ ანგარიშით 1:0 იმარჯვა, ეს ერთადერთი გოლი კი მატჩის 70-ე წუთზე შეინ ლონგმა გაიტანა.

ევრო-2016 – კვალიფიკაცია. D ჯგუფი. მე-9 ტური
ირლანდია — გერმანია 1:0
გოლი: ლონგი 70′.
გაფრთხილებები: ჰულაჰანი 89′ — ჰუმელსი 86′.

საინტერესოდ წარიმართა გლაზგოში შოტლანდიისა და პოლონეთის ნაკრებებს შორის გამართული შეხვედრა. სტუმრები მე-3 წუთზე რობერტ ლევანდოვსკიმ დააწინაურა. პირველი ტაიმის ბოლო წუთზე მეტ რიჩიმ შესანიშნავი დარტყმით წონასწორობა აღადგინა. 62-ე წუთზე კი სტივენ ფლეტჩერის ლამაზი და ზუსტი დარტყმის წყალობით მასპინძლები სულაც წინ გავიდნენ. პოლონელები მარცხისგან ისევ ლევანდოვსკიმ იხსნა, რომელმაც მე-4 კომპენსირებულ დროში წონასწორობა აღადგინა და საბოლოო შედეგი დააფიქსირა — 2:2.

ევრო-2016 – კვალიფიკაცია. D ჯგუფი. მე-9 ტური
შოტლანდია — პოლონეთი 2:2
გოლები: რიჩი 45′, ფლეტჩერი 62′ — ლევანდოვსკი 3′, 90+4′.
გაფრთხილებები: ბრაუნი 56′, ჰატონი 67′ — რიბუსი 22′, კრიხოვიაკი 83′.

გუნდი	თ	მ	ფ	წ	მიღ	გაშ	+/-	ქ
გერმანია	9	6	1	2	22	8	14	19
პოლონეთი	9	5	3	1	31	9	22	18
ირლანდია	9	5	3	1	18	5	13	18
შოტლანდია	9	3	3	3	16	12	4	12
საქართველო	9	3	0	6	9	14	-5	9
გიბრალტარი	9	0	0	9	2	50	-48	0

ჩვენს ჯგუფს ახალი ლიდერი ჰყავს (ვიდეო)

Posted on სექტემბერი 5, 2015სექტემბერი 5, 2015 by ბექა დოგრაშვილი

2016 წლის ევროპის ჩემპიონატის საკვალიფიკაციო ეტაპის D ჯგუფს ახალი ლიდერი ჰყავს. ფრანკფურტში გერმანიისა და პოლონეთის ნაკრებებს შორის გამართული მატჩი მასპინძლების გამარჯვებით, ანგარიშით 3:1 დასრულდა.

გერმანელთა მხრიდან დუბლი შეასრულა მარიო გიოტცემ, ერთი გოლი კი ტომას მიულერმა გაიტანა. საპასუხო ბურთი რობერტ ლევანდოვსკის ანგარიშზეა. ამრიგად, გერმანიის ნაკრებმა 16 ქულა მოაგროვა და ჯგუფს სათავეში ჩაუდგა, პოლონეთმა კი, რომელსაც აქტივში 14 ქულა აქვს, მეორე პოზიციაზე გადაინაცვლა.

გერმანია — პოლონეთი 3:1

გოლები: მიულერი 12′ (1:0); გიოტცე 19′ (2:0); ლევანდოვსკი 36′ (2:1); გიოტცე 82′ (3:1).
გაფრთხილებები: კროოსი 61′; შვაინშტაიგერი 79′ – რიბუსი 8′; გროსიცკი 66′.

ჯგუფის კიდევ ერთი შეხვედრა პორტუგალიის ქალაქ ფარუში გაიმართა, სადაც გიბრალტარის ნაკრები ირლანდიასთან ანგარიშით 0:4 დამარცხდა. დუბლი გაიფორმა რობი კინმა, თითო-თითო გოლი კი საირუს კრისტიმ და შეინ ლონგმა გაიტანეს. ირლანდიელები 12 ქულით ჯგუფში მესამე პოზიციაზე გადავიდნენ. უქულო გიბრალტარს ბოლო ადგილი უკავია.

გიბრალტარი — ირლანდია 0:4

გოლები: კრისტი 27′ (0:1); კინი 50′ (0:2), 52′ (0:3, პენ.); ლონგი 79′ (0:4).
გაფრთხილებები: კაშარო 9′; ბარნეტი 48′ – უოლტერსი 42′.

საქართველოსა და შოტლანდიის ნაკრებებს შორის თბილისში გამართულ შეხვედრაში 38-ე წუთზე ვაკო ყაზაიშვილის მიერ გატანილი გოლის წყალობით მასპინძლებმა 1:0 იმარჯვეს. ირლანდია 11 ქულით მეოთხე პოზიციაზე ჩამოქვეითდა, საქართველოს 6 ქულით მეხუთე ადგილი უკავია.

საქართველო — შოტლანდია 1:0

გოლი: ყაზაიშვილი 38′ (1:0).
გაფრთხილებები: კაშია 10′, ანანიძე 44′, ნავალოვსკი 78′.

გუნდი	თ	მ	ფ	წ	გატ	მიღ	+/-	ქ
გერმანია	7	5	1	1	19	5	14	16
პოლონეთი	7	4	2	1	21	6	15	14
ირლანდია	7	3	3	1	16	5	11	12
შოტლანდია	7	3	2	2	12	7	5	11
საქართველო	7	2	0	5	5	13	-8	6
გიბრალტარი	7	0	0	7	1	38	-37	0

კანკავას სინამდვილეში დისკვალიფიკაცია არ ჰქონია – საქართველოს ნაკრებმა უხეში შეცდომა დაუშვა?

Posted on ივნისი 22, 2015ივნისი 22, 2015 by Alix

დნეპროპეტროვსკის „დნიპროსა“ და საქართველოს ნაკრების ნახევარმცველმა ჯაბა კანკავამ პოლონეთთან ევროპის 2016 წლის ევროპის ჩემპიონატის საკვალიფიკაციო ეტაპის მატჩი შემთხვევით გამოტოვა. როგორც გაირკვა, კანკავას ხსენებული შეხვედრის წინ სამი ყვითელის ნაცვლად, ორი ყვითელი ბარათი ჰქონია, რაც იმას ნიშნავდა, რომ მას ხსენებულ მატჩში მონაწილეობის მიღება შეეძლო. ყოველ შემთხვევაში, ამის შესახებ პოლონეთის ფეხბურთის ფედერაციის პრეზიდენტმა ზბიგნევ ბონეკმა განახადა.

„მატჩამდე უეფა ყველა ქვეყანას იმ მოთამაშეთა სიას უგზავნის, რომელთაც დისკვალიფიკაცია აქვთ ან დისკვალიფიკაციამდე ერთი გაფრთხილება აკლიათ. თუ ფეხბურთელის გვარის ზემოთ ვარსკვლავია , ეს იმას ნიშნავს, რომ ის მხოლოდ დისკვალიფიკაციის ზღვარზეა. შესაძლოა, ქართველებმა ეს ინფორმაცია არასწორად გაიგეს“, – ციტირებს ბონეკს „footboom“-ი.

შეგახსენებთ, რომ 13 ივნისს პოლონეთის ნაკრებთან შეხვედრაში კახა ცხადაძის გუნდი ანგარიშით 0:4 დამარცხდა.

პოლონელთა სიხარულის ამსახველი ვიდეოკადრები

Posted on ივნისი 14, 2015ივნისი 14, 2015 by ბექა დოგრაშვილი

2016 წლის ევროპის ჩემპიონატის საკვალიფიკაციო ეტაპის მორიგ ტურში პოლონეთის ნაკრებმა საქართველოს ეროვნული გუნდი მიიღო და მეტოქე ანგარიშით 4:0 დაამარცხა.

გთავაზობთ პოლონელ ფეხბურთელთა სიხარულის ამსახველ ვიდეოკადრებს, რომელიც მატჩის შემდეგ არის გადაღებული.

კახა ცხადაძე: “ბოლო წუთები ჩვენთვის კატასტროფული გამოდგა”

Posted on ივნისი 13, 2015 by ბექა დოგრაშვილი

2016 წლის ევროპის ჩემპიონატის საკვალიფიკაციო ეტაპის მორიგ ტურში საქართველოს ეროვნული გუნდი ვარშავას ეწვია, სადაც პოლონეთის ნაკრებთან ანგარიშით 0:4 განადგურდა. მატჩის შემდეგ “ჯვაროსნების” მთავარი მწვრთნელი კახაბერ ცხადაძე აღშფოთებას ვერ მალავდა.

“მატჩი 90 წუთისა და და დამატებითი დროის განმავლობაში გრძელდება და არა 87-ე წუთამდე, როგორც ეს ჩვენს შემთხვევაში მოხდა. ბოლო წუთები ჩვენთვის კატასტროფული გამოდგა. ეს ფეხბურთია, ბოლომდე უნდა ითამაშო. პოლონელებთან გამართული მატჩიდან შესაბამისი დასკვნები უნდა გამოვიტანოთ და მუშაობა გავაგრძელოთ. მეორე ტაიმში გარკვეულ ცვლილებებს მივმართეთ, რომლის შედეგადაც საგოლე მომენტები შევქმენით.

რაც შეეხება პოლონეთის ნაკრებს, ადამ ნავალკას ვუთხარი, რომ მისი გუნდი ნამდვილი მანქანაა, რომელიც დაიქოქა და კიდევ უფრო შორს წავა. ფანტასტიური გუნდია, რომლის თითოეულმა წევრმა იცის, რა უნდა გააკეთოს”, – განაცხადა ცხადაძემ მატჩისშემდგომ პრესკონფერენციაზე.

პოლონეთის წლის ფეხბურთელად ლევანდოვსკი დასახელდა

Posted on თებერვალი 9, 2015 by ბექა დოგრაშვილი

პოლონეთის წლის საუკეთესო ფეხბურთელად მიუნხენის “ბაიერნის” თავდამსხმელი რობერტ ლევანდოვსკი დასახელდა. მან ეს ჯილდო ზედიზედ მეოთხედ მიიღო.

“ეს ჩემთვის დიდი პატივია, ამით ვამაყობ! მადლობა ყველას”, – განუცხადა ლევანდოვსკიმ “ბაიერნის” ოფიციალური ვებგვერდის კორესპონდენტს.

რობერტ ლევანდოვსკიმ გერმანიის ბუნდესლიგის მიმდინარე გათამაშებაში 18 მატჩი ჩაატარა და შვიდი გოლი გაიტანა.

როგორ აღნიშნეს პოლონელებმა საქართველოს ნაკრების დამარცხება — მატჩისშემდგომი კადრები

Posted on ნოემბერი 19, 2014 by ბექა დოგრაშვილი

როგორც მოგეხსენებათ, ევროპის 2016 წლის ჩემპიონატის საკვალიფიკაციო ეტაპზე პოლონეთის ნაკრებმა საქართველოს ეროვნული გუნდი ანგარიშით 4:0 დაამარცხა. ინტერნეტსივრცეში გაჩნდა პოლონელი ფეხბურთელების მატჩისშემდგომი რეაქციის ამსახველი ვიდეო, რომელსაც აქვე გთავაზობთ.

საქართველო vs პოლონეთი: მატჩს იტალიელები განსჯიან

Posted on ნოემბერი 12, 2014ნოემბერი 13, 2014 by ბექა დოგრაშვილი

ევროპის 2016 წლის საკვალიფიკაციო ეტაპზე საქართველოს ეროვნული გუნდი მორიგ მატჩს პარასკევს პოლონეთის ნაკრების წინააღმდეგ გამართავს. მეტოქე თბილისში ხუთშაბათს ჩამოფრინდება. ხვალვე გაიმართება მატჩიწინა ოფიციალური პრესკონფერენციები და ვარჯიშები.

შეხვედრას პაოლო ტალიავენტოს ხელმძღვანელობით იტალიელ მსაჯთა ბრიგადა მოემსახურება. სწორედ ეს არბიტრი სჯიდა 2011 წელს საქართველოსა და ხორვატიის ეროვნულ გუნდთა შორის გამართულ შეხვედრას (1:0).

საქართველოსა და პოლონეთის ეროვნულ ნაკრებთა დაპირისპირება 14 ნოემბერს, 21:00 საათზე, “დინამო არენაზე” გაიმართება.