EC Qualification – Fanebi.Com – ფეხბურთი, კალათბურთი, რაგბი, სხვა

ევრო-2016-ის კვალიფიკაცია: ჩვენი ჯგუფის მიმოხილვა (ვიდეო)

Posted on ოქტომბერი 9, 2015ოქტომბერი 9, 2015 by ბექა დოგრაშვილი

2016 წლის ევროპის ჩემპიონატის შესარჩევი ეტაპის D ჯგუფში მე-9 ტურის მატჩები გაიმართა.

ამ ციკლში მესამე გამარჯვეა მოიპოვა საქართველოს ნაკრებმა. კახა ცხადაძის გუნდმა “დინამო არენაზე” გიბრალტარის ნაკრები ანგარიშით 4:0 გაანადგურა. დუბლი შეასრულა მათე ვაწაძემ, პენლატი გაიტანა თორნიკე ოქრიაშვილმა, ერთი ბურთი კი ვაკო ყაზაიშვილის ანგარიშზეა. აღსანიშნავია, რომ ამ შეხვედრაში პირველი გოლი 30-ე წუთზე გავიდა. გიბრალტარის ნაკრებისთვის გოლი ასე გვიან ჯერ არცერთ გუნდს არ გაუტანია.

ევრო-2016 – კვალიფიკაცია. D ჯგუფი. მე-9 ტური
საქართველო — გიბრალტარი 4:0
გოლები: ვაწაძე 30′, 45′, ოქრიაშვილი 35′ (პენ), ყაზაიშვილი 87′.
გაფრთხილებები: ოქრიაშვილი 31′ — კაბრერა 15′.

სენსაციურად დამარცხდა გერმანიის ნაკრები. “ბუნდესთიმმა” დუბლინში ირლანდიის ნაკრებთან ისე წააგო, რომ გოლის გატანაც ვერ შეძლო, რაც პოლონეთთან გასული წლის 11 ოქტომბერს გამართული შეხვედრის (0:2) შემდეგ პირველად მოხდა. ირლანდიამ ანგარიშით 1:0 იმარჯვა, ეს ერთადერთი გოლი კი მატჩის 70-ე წუთზე შეინ ლონგმა გაიტანა.

ევრო-2016 – კვალიფიკაცია. D ჯგუფი. მე-9 ტური
ირლანდია — გერმანია 1:0
გოლი: ლონგი 70′.
გაფრთხილებები: ჰულაჰანი 89′ — ჰუმელსი 86′.

საინტერესოდ წარიმართა გლაზგოში შოტლანდიისა და პოლონეთის ნაკრებებს შორის გამართული შეხვედრა. სტუმრები მე-3 წუთზე რობერტ ლევანდოვსკიმ დააწინაურა. პირველი ტაიმის ბოლო წუთზე მეტ რიჩიმ შესანიშნავი დარტყმით წონასწორობა აღადგინა. 62-ე წუთზე კი სტივენ ფლეტჩერის ლამაზი და ზუსტი დარტყმის წყალობით მასპინძლები სულაც წინ გავიდნენ. პოლონელები მარცხისგან ისევ ლევანდოვსკიმ იხსნა, რომელმაც მე-4 კომპენსირებულ დროში წონასწორობა აღადგინა და საბოლოო შედეგი დააფიქსირა — 2:2.

ევრო-2016 – კვალიფიკაცია. D ჯგუფი. მე-9 ტური
შოტლანდია — პოლონეთი 2:2
გოლები: რიჩი 45′, ფლეტჩერი 62′ — ლევანდოვსკი 3′, 90+4′.
გაფრთხილებები: ბრაუნი 56′, ჰატონი 67′ — რიბუსი 22′, კრიხოვიაკი 83′.

გუნდი	თ	მ	ფ	წ	მიღ	გაშ	+/-	ქ
გერმანია	9	6	1	2	22	8	14	19
პოლონეთი	9	5	3	1	31	9	22	18
ირლანდია	9	5	3	1	18	5	13	18
შოტლანდია	9	3	3	3	16	12	4	12
საქართველო	9	3	0	6	9	14	-5	9
გიბრალტარი	9	0	0	9	2	50	-48	0

სტადიონის ფუნქციადაკარგული უსაფრთხოების სამსახური (ფოტოები)

Posted on მარტი 30, 2015მარტი 30, 2015 by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპზე საქართველოსა და გერმანიის ნაკრებებს შორის გამართული მატჩი (0:2) არასაფეხბურთო მოვლენებითაც დაგვამახსოვრდება. კერძოდ, სტადიონის უსაფრთხოების სამსახურმა დაკისრებულ მოვალეობას თავი ღირსეულად ვერ გაართვა. ხუმრობა ხომ არ არის, ერთი მატჩის მიმდინარეობისას მოედანზე შვიდი (!) ქომაგის შეჭრა. აქედან სამი გულშემატკივარი მინდორზე ერთდროულად შევარდა. ზოგი ჯაბა კანკავას ბუცს ემთხვია, ზოგი გიორგი ლორიასკენ გაეშურა, ზოგი კი სულაც გერმანელებთან ჩასაკონად იყო მოედანზე გამოსული. შეიქმნა შთაბეჭდილება, რომ მოედანზე ნებისმიერ მსურველს შეეძლო “გასეირნება”.

ზედმეტი საუბარი არ სჭირდება იმას, რომ როდესაც ამ დონის შეხვედრას მასპინძლობ, უსაფრთხოების სამსახური მოწოდების სიმაღლეზე უნდა იყოს. არ დაგვავიწყდეს ისიც, რომ ეს ყველაფერი დღეს არ დაწყებულა. ჯერ კიდევ გერმანელთა წინასამატჩო ვარჯიშზე შევარდა მოედანზე ახალგაზრდა მამაკაცი ბასტიან შვაინშტაიგერთად შესახვედრად. სტადიონზე ყველას კარგად უნდა ჰქონდეს თავისი ფუნქცია გათვითცნობიერებული და პირველ რიგში, სწორედ უსაფრთხოების სამსახურის პერსონალს. ურიგო არ იქნებოდა მათთვის ამ მატჩამდე გარკვეული ტრენინგის ჩატარება იმის სასწავლად, რომ ისინი სტადიონზე მხოლოდ გამოსაჩენად არ დგანან. როგორც ჩანს, ესაჭიროებათ. უეჭველია, ამის გამო საქართველოს ფეხბურთის ფედერაცია გარკვეულ სანქციებს მიიღებს. მათთვის კი, ვისაც სტადიონზე უსაფრთოების უზრუნველყოფა ევალება, იმედია, ეს ჩავარდნა კარგ გაკვეთილად იქცევა.

გერმანიის ნაკრებმა თბილისიდან სამი ქულა წაიღო (ვიდეო)

Posted on მარტი 29, 2015 by ბექა დოგრაშვილი

ევროპის 2016 წლის ჩემპიონატის შესარჩევ ეტაპზე საქართველოსა და გერმანიის ეროვნულ გუნდთა შორის ბორის პაიჭაძის სახელობის “დინამო არენაზე” გამართული მატჩი “ბუნდესთიმის” გამარჯვებით, ანგარიშით 0:2 დასრულდა. სტუმრებმა ორივე გოლი შეხვედრის პირველ ნახევარში გაიტანეს: 39-ე წუთზე მარიო გიოტცეს მშვენიერი თამაშის შემდეგ გოლი მარკო როისმა გაიტანა, ზუსტად ხუთ წუთში კი საქართველოს ნაკრების კარის ბადე ტომას მიულერმა შეარხია. ორივე გოლი ცენტრალური ზონიდან მივიღეთ.

ამრიგად, გერმანიის ნაკრებმა თბილისიდან მნიშვნელოვანი სამი ქულა წაიღო.

ევროპის 2016 წლის ჩემპიონატის საკვალიფიკაციო ეტაპი
D ჯგუფი, V ტური
საქართველო — გერმანია 0:2 (0:2)

საქართველო: ლორია, ამისულაშვილი (დვალი 4′), კვერკველია, კაშია, ლობჟანიძე, მახარაძე (ყენია 63′), კანკავა, ნავალოვსკი, კობახიძე, ოქრიაშვილი (ჭანტურია 46′), მჭედლიძე.
მთავარი მწვრთნელი: კახა ცხადაძე.

გერმანია: ნოიერი, რუდი, ჰექტორი, ჰუმელსი, ბოატენგი, შვაინშტაიგერი, იოზილი, კროოსი, როისი, გიოტცე (პოდოლსკი 87′), მიულერი (შიურლე 86′).
მთავარი მწვრთნელი: იოახიმ ლიოვი.

გოლები: როისი 39′, მიულერი 44′.
გაფრთხილებები: მახარაძე 32′, კანკავა 74′, ჭანტურია 82′ — შვაინშტაიგერი 74′.

მთავარი მსაჯი: კლემან ტურპენი (საფრანგეთი).

იოახიმ ლიოვმა სათბილისო განაცხადი დაასახელა

Posted on მარტი 20, 2015მარტი 20, 2015 by ბექა დოგრაშვილი

გერმანიის ეროვნული გუნდის მთავარმა მწვრთნელმა იოახიმ ლიოვმა ავსტრალიისა და საქართველოს ნაკრებების წინააღმდეგ გასამართი მატჩებისთვის “ბუნდესთიმის” განაცხადში შემდეგი ფეხბურთელები შეიყვანა.

მეკარეები: მანუელ ნოიერი (“ბაიერნი”), რონ-რობერტ ცილერი (“ჰანოვერი”), რომან ვაიდენფელერი (“დორტმუნდი”);

მცველები: შკოდრან მუსტაფი (“ვალენსია”), იონას ჰექტორი (“კიოლნი”), ბენედიქტ ჰიოვედესი (“შალკე”), მატს ჰუმელსი (“დორტმუნდი”), ჰოლგერ ბადშტუბერი (“ბაიერნი”), სებასტიან რუდი (“ჰოფენჰაიმი”), ჟერომ ბოატენგი (“ბაიერნი”);

ნახევარმცველები: სამი ხედირა (“რეალი”), ბასტიან შვაინშტაიგერი (“ბაიერნი”), მესუთ იოზილი (“არსენალი”), ანდრე შიურლე (“ვოლფსბურგი”), მარკო როისი (“დორტმუნდი”), კარიმ ბელარაბი (“ლევერკუზენი”), ტონი კროოსი (“რეალი”), მარიო გიოტცე (“ბაიერნი”), კრისტოფ კრამერი (“მიუნხენგლადბახი”), ილკაი გიუნდოგანი (“დორტმუნდი”);

თავდამსხმელები: ლუკას პოდოლსკი (“ინტერი”), ტომას მიულერი (“ბაიერნი”), მაქს კრუზე (“მიუნხენგლადბახი”).

გერმანელები ავსტრალიელებს ამხანაგურად 25 მარტს გაეჯიბრებიან. რაც შეეხება საქართველოსა და გერმანიის ნაკრებებს შორის ევროპის 2016 წლის ჩემპიონატის შესარჩევ ეტაპზე გასამართ შეხვედრას, ის ბორის პაიჭაძის სახელობის “დინამო არენაზე”, 29 მარტს, 20:00 საათზე დაიწყება. მატჩზე დასასწრები ბილეთები “დინამო არენას” სალაროებში 23 მარტიდან, ყოველდღე 11:00-დან 18:00 საათამდე გაიყიდება. ბილეთის ფასი 10,15, 20 და 30 ლარია. აღსანიშნავია ისიც, რომ მატჩზე დასასწრები ბილეთების შეძენისას იმოქმედებს საგანგებო ლიმიტები. ერთ ფიზიკურ პირს მაქსიმუმ 15 ბილეთის შეძენა შეეძლება.

ქეცბაია: “ვეცდებით, ეს მატჩი კარგი შედეგით დავასრულოთ”

Posted on ოქტომბერი 9, 2014 by ბექა დოგრაშვილი

საქართველოს ეროვნული საფეხბურთო ნაკრები სეზონის მეორე ოფიციალური მატჩისთვის გლაზგოში ემზადება. გუნდს ტრავმის გამო “ემპოლის” ფორვარდი ლევან მჭედლიძე და “ვიტესის” მცველი გურამ კაშია გამოაკლდნენ.

საკადრო პრობლემების შესახებ “ჯვაროსნების” მთავარმა მწვრთნელმა თემურ ქეცბაიამ ისაუბრა.

“ცვლილებები ყოველთვის ხდება, ეს პირველი შემთხვევა არ არის, ჩვენ ამისთვის მზად ვიყავით. სამწუხაროა, რომ ფეხბურთელები ტრავმირებულები არიან და ტრავმის გამო ვერც სანაკრებო მატჩში იღებენ მონაწილეობას და ვერც კლუბებში თამაშობენ. ეს პირველი შემთხვევა არ არის, ფეხბურთში ნორმალური მოვლენაა. აქ მყოფი ბიჭები სერიოზულად ემზადებიან. ძნელი თამაში მოგვიწევს, ადვილი მატჩი არც არავისთან გვქონია და ვეცდებით, ყველაფერი გავაკეთოთ იმისთვის, რომ კარგი შედეგით დავამთავროთ ეს შეხვედრა”, – აღნიშნა ქეცბაიამ.

შეგახსენებთ, რომ შოტლანდიისა და საქართველოს ნაკრებებს შორის გასამართი მატჩი შაბათს, თბილისის დროით 20:00 საათზე დაიწყება და მას მიროსლავ ზელინკას ხელმძღვანელობით ჩეხ მსაჯთა ბრიგადა მოემსახურება. შეხვედრის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ.

შოტლანდიისა და საქართველოს ნაკრებებს შორის მატჩს ჩეხები განსჯიან

Posted on ოქტომბერი 9, 2014ოქტომბერი 9, 2014 by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპზე საქართველოს ნაკრები მორიგ შეხვედრას 11 ოქტომბერს, გლაზგოში გამართავს.

მატჩს მიროსლავ ზელინკას ხელმძღვანელობით ჩეხ მსაჯთა ბრიგადა მოემსახურება.

33 წლის ზელინკა ქართველებისთვის ფეხბედნიერი არბიტრია. სწორედ ის სჯიდა 19 წლამდე ფეხბურთელთა შორის ევროპის 2014 წლის ჩემპიონატის საკვალიფიკაციო ეტაპის დასკვნით ტურში საქართველოსა და ჰოლანდიის ნაკრებებს შორის თბილისში გამართულ მატჩს, რომელიც “ჯვაროსნების” გამარჯვებით, ანგარიშით 2:1 დასრულდა.

შოტლანდიისა და საქართველოს ნაკრებებს შორის გასამართი მატჩი შაბათს, თბილისის დროით 20:00 საათზე დაიწყება და მის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ.

Fanebi.Com-ის ჟურნალის მე-18 ნომერი გამოქვეყნდა

Posted on მაისი 11, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთვრამეტე ნომერი, რომელშიც წაიკითხავთ:

გვ. 2 — სპორტის სამინისტრომ ფეხბურთის განვითარების პროგრამა წარადგინა;
გვ. 3 — ჩემპიონთა ლიგის ფინალის მსაჯი – საინტერესო ფაქტები;
გვ. 4-6 — სუპერმენი მანჩესტერიდან;
გვ. 6 — კვირის ახალი ამბები;
გვ. 7-8 — კვირის კარიკატურები

შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal

ნომრის PDF ვერსია

11 მაისის ნომრის გაცნობა აქვე შეგიძლიათ

ჟურნალის მთავარი რედაქტორი: ბექა დოგრაშვილი

Fanebi.Com-ის ჟურნალის მე-17 ნომერი გამოქვეყნდა

Posted on მაისი 4, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეჩვიდმეტე ნომერი, რომელშიც წაიკითხავთ:

გვ. 2 — პიარკამპანია ბანანით — დანი ალვესის მოქმედება დაგეგმილი იყო
გვ. 3 — ცხოვრება ოთხ ფერში
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 7-8 — ლევან კობიაშვილი: „ჩემს თავს ქართულ ფეხბურთში ვხედავ“ (ინტერვიუ)

ნომრის PDF ვერსია

4 მაისის ნომრის გაცნობა აქვე შეგიძლიათ

ჟურნალის მთავარი რედაქტორი: ბექა დოგრაშვილი

Fanebi.Com-ის ჟურნალის მე-16 ნომერი გამოქვეყნდა

Posted on აპრილი 27, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთექვსმეტე ნომერი, რომელშიც წაიკითხავთ:

გვ. 2-3 — ტიტო ვილანოვა (1968 – 2014)
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ვინ იქნება „მანჩესტერის“ მწვრთნელი?

ნომრის PDF ვერსია

27 აპრილის ნომრის გაცნობა აქვე შეგიძლიათ

ჟურნალის მთავარი რედაქტორი: ბექა დოგრაშვილი

Fanebi.Com-ის ჟურნალის მე-15 ნომერი გამოქვეყნდა

Posted on აპრილი 20, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთხუთმეტე ნომერი, რომელშიც წაიკითხავთ:

გვ. 2 — ჯენიფერ ლოპესი: „ფეხბურთი გვაერთიანებს“ (ინტერვიუ);
გვ. 3 — მუნდიალის თასი მსოფლიოს უკლებლივ ყველა ნაკრებს;
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ბექა გოცირიძე: „უმაღლესი ლიგის რამდენიმე გუნდმა სავარჯიშოდაც კი არ მიმიღო“ (ინტერვიუ).

ნომრის PDF ვერსია

20 აპრილის ნომრის გაცნობა აქვე შეგიძლიათ.

ჟურნალის მთავარი რედაქტორი: ბექა დოგრაშვილი

Fanebi.Com-ის ჟურნალის მე-14 ნომერი გამოქვეყნდა

Posted on აპრილი 13, 2014აპრილი 13, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეთოთხმეტე ნომერი, რომელშიც წაიკითხავთ:

გვ. 2-3 — ჩავი ფეხბურთს მიღმა (ინტერვიუ);
გვ. 4-5 — კვირის ახალი ამბები;
გვ. 6-7 — კვირის კარიკატურები;
გვ. 8 — ფორმატის მორიგი ცვლილება?

ნომრის PDF ვერსია

13 აპრილის ნომრის გაცნობა აქვე შეგიძლიათ.

ჟურნალის რედაქტორი: ბექა დოგრაშვილი

Fanebi.Com-ის ჟურნალის მე-13 ნომერი გამოქვეყნდა

Posted on აპრილი 6, 2014აპრილი 6, 2014 by ბექა დოგრაშვილი

გამოვიდა Fanebi.com-ის ინტერნეტ-ჟურნალის მეცამეტე ნომერი, რომელშიც წაიკითხავთ:

გვ. 2-3 — რის გამო უკრძალავს ფიფა „ბარსელონას“ ტრანსფერების განხორციელებას?
გვ. 4-5 — კვირის კარიკატურები;
გვ. 6-7 — კვირის ახალი ამბები;
გვ. 8 — რიბერი: „დღეს მე ჩემი სახეც მომწონს“.

კვლავინდებურად შეგახსენებთ, რომ გაიხსნა ჟურნალ Fanebi.com-ის ფეისბუქის გვერდი: www.facebook.com/Fanebi.Journal

ნომრის PDF ვერსია

6 აპრილის ნომრის გაცნობა აქვე შეგიძლიათ.

ჟურნალის რედაქტორი: ბექა დოგრაშვილი