ჭდე: შტუტგარტი

მსოფლიო ჩემპიონს, კევინ გროსკროიცს გერმანიის მეორე დივიზიონში მოთამაშე “შტუტგარტმა” კონტრაქტი გაუწყვიტა.

გერმანიის ნაკრების ფეხბურთელი “კიოლნთან” მოპოვებული გამარჯვების ქალაქში, მეგობრებთან ერთად აღნიშვნისას ორმხრივ დაპირისპირებაში მოჰყვა, რის შედეგადაც საკმაოდ მძიმე დაზიანებები მიიღო.

ის უმალვე გადაიყვანეს საავადმყოფოში.

გროსკროიცის მსგავსმა ქმედებამ კი კლუბის ხელმძღვანელების განრისხება გამოიწვია. როგორც გერმანული კლუბის უფროსები აცხადებენ, ის სამაგალითო უნდა ყოფილიყო ახალგაზრდებისთვის და მსგავსი ქმედება არ ეპატიება.

ამიტომაც, გერმანული გუნდისა და გერმანელი ფეხბურთელის გზები სამუდამოდ გაიყო.

მიმდინარე სეზონი “შტუტგარტისთვის” მართლაც რომ საშინელი გამოდგა. შეიძლება ითქვას, რომ უარესი ვერც მოხდებოდა ( რა თქმა უნდა საფეხბურთო თვალსაზრისით).

აღნიშნულ ქალაქში 3 გუნდი ბინადრობს – “შტუტგარტი”, “შტუტგარტ II” და “შტუტგარტ კიკერსი” – რომელთაგან სამივე დაქვეითდა თავისი დივიზიონებიდან.

“შტუტგარტის” მთავარი გუნდი, რომელმაც 2007 წელს გერმანიის საუკეთესო გუნდის სტატუსი მოიპოვა, 39 წლის მანძილზე პირველად გავარდა ბუნდესლიგიდან, თანაც ჩემპიონატის ბოლო ტურში.

გერმანიის რიგით მესამე დივიზიონში მყოფი “შტუტგარტ II” კი მთელი სეზონის მანძილზე მიიწევდა გავარდნისაკენ, რასაც ვერ ვიტყვით “შტუტგარტ კიკერსზე”, რომლებიც ბოლო ტურში გავარდნენ.