ჭდე: Robert Lewandowski

მიუნხენის “ბაიერნის” თავდამსხმელმა რობერტ ლევანდოვსკიმ იმის შესახებ ისაუბრა, თუ რომელ ინდივიდუალურ ჯილდოს თვლის ყველაზე ღირებულად.

“ბოლო პერიოდში ფიფას საუკეთესო ფეხბურთელის ჯილდოსა და “ოქროს ბურთზე” ვფიქრობდი. დავასკვენი, რომ ფიფას ჯილდო უფრო ღირებულია. “ოქროს ბურთის” გამოკითხვაში მხოლოდ ჟურნალისტები მონაწილეობენ, კრიტერიუმები კი არ არის მკაფიო.

ფიფას ჯილდოს გამოკითხვაში ხმას ჟურნალისტებთან ერთად პროფესიონალები აძლევენ: ნაკრებების კაპიტნები და მწვრთნელები. მათ ობიექტურად შეუძლიათ ჩვენი თამაშის შეფასება, ვინაიდან თითოეული მატჩის, თითოეული რეკორდისა და თითოეული ტრავმის ფასი იციან. შესაძლოა, “ოქროს ბურთი” უფრო პრესტიჟულია, თუმცა ფიფას ჯილდო ზედიზედ მეორედ მივიღე, რაც ნამდვილად მეამაყება”, – აღნიშნა ლევანდოვსკიმ.

შეგახსენებთ, რომ 2021 წელს 33 წლის პოლონელმა ფორვარდმა ფიფას საუკეთესო ფეხბურთელის ჯილდო ზედიზედ მეორედ მოიგო. გარდა ამისა, ის “ოქროს ბუცის” გამარჯვებულიც გახდა. “ოქროს ბურთი” მიჯრით მეორედ მიიღო “პარი სენ-ჟერმენის” თავდამსხმელმა ლიონელ მესიმ.

მიუნხენის “ბაიერნი” შესაძლოა, რობერტ ლევანდოვსკის შეელიოს.

ავტორიტეტული გერმანული გამოცემა “ბილდი” იუწყება, რომ თუ ბავარიული კლუბი პოლონელ თავდამსხმელთან კონტრაქტის გახანგრძლივების თაობაზე შეთანხმებას ვერ მიაღწევს, ფეხბურთელს გაყიდის.

რობერტ ლევანდოვსკისა და “ბაიერნს” შორის გაფორმებულ მოქმედ შრომით ხელშეკრულებას ვადა 2023 წლის ზაფხულამდე აქვს. მხარეები ახალი კონტრაქტის პირობებზე ჯერჯერობით ვერ თანხმდებიან.

თავად 33 წლის თავდამსხმელი ამბობს, რომ პროფესიონალურ დონეზე კიდევ ოთხი წლის განმავლობაში აპირებს თამაშს.

რობერტ ლევანდოვსკიმ მიმდინარე სეზონში “ბაიერნის” რიგებში 27 მატჩი ჩაატარა და 34 გოლი გაიტანა. ის ზედიზედ მეორედ გახდა ფიფას წლის საუკეთესო ფეხბურთელი.