შოთა არველაძე უზბეკეთის საუკეთესო უცხოელი მწვრთნელი გახდა (ვიდეო)

გუშინ უზბეკეთის პროფესიული ფეხბურთის ლიგის ფედერაციამ ყოველწლიურ დაჯილდoებაზე საუკეთესო უცხოელ მწვრთნელად “ფახთაქორის” ქართველი დამრიგებელი შოთა არველაძე დაასახელა.

ამ ყოველივეს შოთა არველაძე საკუთარ Facebook გვერდზე გამოეხმაურა: “დღეს, უზბეკეთის პროფესიულმა ფეხბურთის ლიგამ და ფეხბურთის ფედერაციამ, წლის საუკეთესო უცხოელ მწვრთნელად დამასახელა. მადლობა ყველას, პირველ რიგში კლუბს და ფეხბურთელებს, ასევე მათ ვინც საუკეთესოდ დამასახელა და ვინც ამ პრიზის მოგებაში დამეხმარა”, – წერს შოთა არველაძე.

შეგახსენებთ, რომ არველაძემ “ფახთაქორი” ისეთ დროს ჩაიბარა, როდესაც გუნდი მძიმე მდგომარეობაში იყო და მე-13 ადგილს იკავებდა შიდა ჩემპიონატში, საბოლოოდ კი გუნდმა გათამაშება მე-3 პოზიციაზე დაასრულა და მომავალ სეზონში აზიის ჩემპიონთა ლიგაზე იასპარეზებს.

ლუიშ ფიგუმ შოთა არველაძე საქველმოქმედო მატჩში მონაწილეობის მისაღებად დაპატიჟა (ფოტო)

პორტუგალიელმა ლეგენდამ, ლუიშ ფიგუმ ყოფილი ქართველი ფეხბურთელი და ტაშკენტის “ფახთაქორის” მწვრთნელი, შოთა არველაძე საქველმოქმედო მატჩში მონაწილეობის მისაღებად დაპატიჟა. ამის შესახებ ინფორმაციას თავად არველაძის ფეისბუქის ოფიციალური გვერდიდან ვიგებთ.

ფიგუმ “ალკმაარისა” და “აიაქსის” ყოფილი თავდამსხმელს წერილი გაუგზავნა, სადაც წერია, რომ 2017 წლის 14 ივნისს, ბულგარეთის დედაქალაქ სოფიაში საქველმოქმედო მატჩი შედგება. ერთმანეთს ლუიშ ფიგუსა და დიმიტარ ბერბატოვის გუნდები დაუპირისპირდებიან.

აქვე გეტყვით, რომ მატჩის უმთავრესი მიზანი ბავშვების განათლებისა და ნიჭის განვითარების დაფინანსება იქნება. ზოგადად, ლუიშ ფიგუს ფონდი 2003 წლიდან ეხმარება ისეთ პროგრამებს, რომელბიც განათლებას, სოციალურ ინტეგრაციას, ჯანმრთელობას და სპორტს ეხებიან.

შეხვედრაში ისეთი მოთამაშეები მიირებენ მონაწილეობას, როგორებიც არიან: გაისკა მენდიეტა, დუაიტ იორკი, რიო ფერდინანდი, როი კინი, მაქსველი, იარი ლიტმანენი, დავიდ ტრეზეგე, კრისტიან კარემბიუ, ფრანჩესკო ტოლდო და სხვები.

 

შოთა არველაძის “მაქაბის” “ზენიტმა” სძლია

დღეს ევროპის ლიგის ჯგუფური ეტაპის მეხუთე ტურის შეხვედრები იმართება.

ერთ-ერთ მატჩში, რუსულმა “ზენიტმა” საკუთარ მოედნაზე თელ-ავივის “მაქაბის” უმასპინძლა. შეგახსენებთ, რომ ამ უკანასკნელს შოთა არველაძე წვრთნის. მატჩი მასპინძლების უპირატესობით წარიმართა და, საბოლოოდ, მათივე გამარჯვებით, ანგარიშთ 2:0 დასრულდა.

5 ტურის შემდეგ არველაძის კლუბს 4 ქულა აქვს და მესამე ადგილზეა.

შოთა არველაძეს “კრასნოდარში” ეპატიჟებიან

Матч ТВ-ის მიერ გავრცელებული ინფორმაციის თანახმად, “მაკაბის” ქართველ დამრიგებელს, შოთა არველაძეს რუსული “კრასნოდარის” ხელმძღვანელები დაუკავშირდნენ და მთავარი მწვრთნელის პოსტი შესთავაზეს.

შეგახსენებთ, რომ ამ დროისთვის ქართველი სპეციალისტი თელ-ავივის “მაკაბიში” მუშაობს, რომელიც ევროპა ლიგის ჯგუფურ ეტაპზე გამოდის. შოთის “კაისერისპორში”, “ქასიმფასასა” და “ტრაბზონსპორშიც” აქვს თავისი შესაძლებლობები გამოცდილი.

“კრასნოდარმა” კვირის დასაწყისში გუნდიდან ოლეგ კონონოვი დაითხოვა. მის ნაცვლად კი იგორ შამილოვი დაინიშნა, რომელიც დროებით შეასრულებს “კრასნოდარის” თავკაცის მოვალეობებს.

აქვე გეტყვით იმასაც, რომ რუსულმა კლუბმა ახლახან საქართველოს ეროვნული ნაკრების ნახევარმცველი თორნიკე ოქრიაშვილიც დაიმატა.

ოფიციალურად: არველაძემ და „ტრაბზონმა“ კონტრაქტი გაწყვიტეს

42 წლის ქართველი სპეციალისტი შოთა არველაძე „ტრაბზონსპორის“ მწვრთნელი აღარაა. როგორც თურქული კლუბის ოფიციალურმა ვებსაიტმა ერთი საათის წინ დაწერა, მხარეებმა კონტრაქტი ურთიერთშეთანხმების საფუძველზე გაწყვიტეს. გავრცელებულ განცხადებაში კლუბმა არველაძეს გაწეული სამუშაოსთვის მადლობა გადაუხადა. შემდეგი ტურის შეხვედრაში „ტრაბზონსპორს“ ახალგაზრუდლი გუნდის თავკაცი უხელმძღვანელებს.

შეგახსენებთ, რომ არველაძე თურქული კლუბის თავკაცად მიმდინარე წლის სამ ივლისს დაინიშნა. თურქეთის სუპერლიგის 11 ტურის შემდეგ ტრაბზონელები 14 ქულით მე-11 ადგილზე იმყოფებიან.

შოთა არველაძის “ტრაბზონსპორი” მარკო მარინს იმატებს

ლონდონის “ჩელსის” შემტევი ნახევარმცველი მარკო მარინი ამიერიდან “ტრაბზონსპორის” ღირსებას დაიცავს. გავრცელებული ინფორმაციით, მარინი თურქულ კლუბში იჯარის წესით იასპარეზებს. გერმანიის ნაკრების ყოფილი ფეხბურთელი ტრაბზონში რამდენიმე საათში ჩაფრინდება, სადაც სამედიცინო შემოწმებას გაივლის.

აღსანიშნავია, რომ მარკო მარინისათვის, “ჩელსიში” გადასვლის შემდეგ, “ტრაბზონსპორი” მეოთხე კლუბი იქნება, რომელშიც გაანათხოვრებენ. აქამდე, ის “სევილიაში”, “ფიორენტინასა” და “ანდერლეხტში” იყო განათხოვრებული.

sbnation-ის ცნობით, თურქულმა კლუბმა მარინის იჯარაში 2.5 მილიონი ევრო გადაიხადა.

არველაძე ჩაშლილი ტრანსფერის შესახებ: „ფეხბურთელი მჭირდება და არა მოკრივე“

რამდენიმე დღის წინ შოთა არველაძის „ტრაბზონსპორში“ მოსკოვის „დინამოს“ გამოცდილი მცველის კრისტოფერ სამბას შესაძლო ტრანსფერის შესახებ მოგახსენეთ.

მოთამაშე თურქეთში ჩავიდა, სადაც სამედიცინო შემოწმების უნდა გაევლო, თუმცა, როგორც აღმოჩნდა, ფეხბურთელს ზედმეტი წონა ჰქონია, რის გამოც ის არველაძის გუნდს ვერ შეუერთდა.

„ჩვენთან არა სამბა, არამედ მაიკ ტაისონი ჩავიდა. გუნდში ფეხბურთელი მჭირდება და არა მძიმე წონის მქონე მოკრივე“, – განაცხადა ქართველმა სპეციალისტმა.

უეფამ შოთა არველაძე თურქეთის საუკეთესო ლეგიონერთა ათეულში შეიყვანა

“ტრაბზონსფორმა” ათკაციანი “რაბოტნიჩკის” ბარიერი ვერ დაძლია (ვიდეო)

უეფას ევროპის ლიგის მესამე საკვალიფიკაციო ეტაპის განმეორებით მატჩში შოთა არველაძის “ტრაბზონსფორმა” მაკედონიური “რაბოტნიჩკის” ბარიერი ვერ დაძლია. წყვილის პირველი შეხვედრა ბალკანელთა გამარჯვებით, ანგარიშით 1:0 დასრულდა. არველაძემ იმ მატჩის შემდეგ თქვა, შინ მოვიგებთ და მომდევნო ეტაპზე თამაშის უფლებას ჩვენ მოვიპოვებთო, თუმცა ასე არ მოხდა.

მართალია, უგოლოდ დასრულებული პირველი ტაიმის შემდეგ თურქი ქომაგები ცოტა შეფიქრიანდნენ, თუმცა 55-ე წუთზე მასპინძელთა 21 წლის ნახევარმცველმა ოქაი იოქუშლუმ დაახლოებით ისეთი გოლი გაიტანა, 2007 წელს შოთა არველაძემ შოტლანდიის ნაკრებს რომ შეუგდო. ორი მატჩის ჯამში წონასწორობა აღდგა. თურქები კიდევ უფრო გააქტიურდნენ, ამას ისიც დაემატა, რომ სტუმართა მცველ დუშკო ტრაიჩევსკის 65-ე წუთზე მეორე ყვითელი ბარათი უჩვენეს და მოედნიდან გააძევეს. “რაბოტნიჩკი” მთელი ძალით თავს იცავდა და როგორც იტყვიან, გაძლებაზე იყო, “ტრაბზონსფორმა” კი რამდენიმე რეალური მომენტი შექმნა, თუმცა ხან მაკედონიელთა მეკარე დანიელ ბოჟინოვსკი თამაშობდა ბრწყინვალედ, ხანაც თურქი ფეხბურთელები სცოდავდნენ ბოლო მომენტში. შეხვედრის ძირითადი დრო “ტრაბზონსფორის” გამარჯვებით, ანგარიშით 1:0 დასრულდა, რის შემდეგაც დამატებითი ტაიმები დაინიშნა. მართალია, უპირატესობას მასპინძლები ფლობდნენ, თუმცა შეცვლაზე შესული კირე მარკოსკი 112-ე წუთზე თავის მეურვეს დაუსხლტა, თავური დარტყმით ანგარიში გაათანაბრა და ორი მატჩის ჯამში სტუმრებს უპირატესობა მოუპოვა. დარჩენილ დროში თურქებს ერთი გოლიც არ ჰყოფნიდათ, თუმც ვერც იმ ერთი გოლის გატანა ვერ მოახერხეს და ევროსარბიელს გამოეთიშნენ.

ვის შეხვდება ევროპის ლიგის საკვალიფიკაციო ეტაპის პლეი-ოფში “რაბოტნიჩკი”, ეს დღეს გასამართ წილისყრაზე გახდება ცნობილი.

ევროპის ლიგა
მესამე საკვალიფიკაციო ეტაპი
მეორე მატჩი:
“ტრაბზონსფორი” — “რაბოტნიჩკი” 1:1 (0:0) (ორი მატჩის ჯამში 1:2)

გოლები: იოქუშლუ 55′ — მარკოსკი 110′.
გაფრთხილებები: კონსტანტი 64′, დენის ილმაზი 78′, მბია 80′, კარდოსო 112′ — ტრაიჩევსკი 44′, ალტიპარმაკოვსკი 64′, ილიოსკი 65′, პეტროვიჩი 86′.
გაძევება: ტრაიჩევსკი 65′ (“რაბოტნიჩკი”).

შოთა არველაძისა და გიორგი დევდარიანის რეაქცია “ტრაბზონსპორის” გოლზე (ვიდეო)

6 აგვისტოს, ევროპის ლიგის მესამე საკვალიფიკაციო ეტაპზე, შოთა არველაძის “ტრაბზონსპორი” “რაბოტნიჩკის” დაუპირისპირდა.

მატჩის ძირითად დროში, თურქულმა გუნდმა მეტოქე ანგარიშით 1:0 დაამარცხა. გოლი 55-ე წუთზე იოკუსლუმ გაიტანა, რამაც შოთა არველაძე და მისი ასისტენტი გიორგი დევდარიანი ძალიან გაახარა.

საბოლოოდ, დამატებით ტაიმებში სტუმრებმა ერთი გოლის გატანა მოახერხეს, “ტრაბზონსპორი” კი ევროპის ლიგას დაემშვიდობა.

არველაძის „ტრაბზონსპორი“ პრემიერლიგის ყოფილ მცველს იმატებს

მოსკოვის „დინამოს“ მცველი კრისტოფერ სამბა უახლოეს დროში „ტრაბზნოსპორთან“ კონტრაქტს გააფორმებს.

გამოცდილი ფეხბურთელი დღეს თურქული კლუბის გენერალურ მენეჯერთან სერჰატ ალტინჩისთან ერთად ტრაბზონში ჩავიდა, რათა ახალ კლუბთან კონტრაქტი გააფორმოს.

არაოფიციალური ინფორმაციით, ახალ კლუბში 31 წლის მცველის ხელფასი წელიწადში 2,5 მილიონ ევროს შეადგენს. 2014/15 წლების სეზონში სამბამ რუსეთის პრემეირლიგის 24 მატჩში 4 გოლი გაიტანა.

სათქმელია, რომ სამბას ინგლისის პრემიერლიგაში თამაშის დიდი გამოცდილება აქვს – 2006 წლიდან 2012 წლის ჩათვლის ის „ბლექბერნ როვერსის“ შემადგენლობაში გამოდიოდა.

უეფამ შოთა არველაძე თურქეთის საუკეთესო ლეგიონერთა ათეულში შეიყვანა

უეფამ შოთა არველაძე თურქეთის საუკეთესო ლეგიონერთა ათეულში შეიყვანა

თურქეთის სუპერლიგაში რობინ ვან პერსის, ლუკას პოდოლსკისა და სამუელ ეტოოს გადასვლის შემდეგ უეფას ოფიციალური ვებგვერდის კორესპონდენტებმა გადაწყვიტეს, ადგილობრივი ჩემპიონატის ყველა დროის საუკეთესო ლეგიონერების ათეული შეედგინათ. ამ სიაში “ტრაბზონსფორის” ყოფილი თავდამსხმელი და ამჟამად გუნდის მთავარი მწვრთნელი შოთა არველაძეც მოხვდა, რომლის შესახებაც წერია:

“შავიზღვისპირულ კლუბში გადმოსვლამდე მასზე ცოტა რამ თუ იყო ცნობილი, თუმცა მალევე გამოავლინა ნიჭი და გოლების გატანაც დაიწყო. 1995 წელს მოიგო თურქეთის თასი, 1995/96 წლების სეზონში კი 25 გატანილი გოლით ჩემპიონატის ისტორიაში მეორე უცხოელი ბომბარდირი გახდა”.

შოთა არველაძის გარდა თურქეთის ჩემპიონატის ყველა დროის საუკეთესო ლეგიონერთა სიაში მოხვდნენ: გეორგე ჰაჯი (“გალათასარაი”/რუმინეთი, 1996–2001); ალექსი (“ფენერბაჰჩე”/ბრაზილია, 2004–12); გეორგე პოპესკუ (“გალათასარაი”/რუმინეთი, 1997–2001); დიეგო ლუგანო (“ფენერბაჰჩე”/ურუგვაი, 2006–11); დიდიე დროგბა (“გალათასარაი”/კოტ დივუარი, 2012–14); ტომაშ სივოკი (“ბეშიქთაში”/ჩეხეთი, 2008–15); პიერ ვან ჰოიდონკი (“ფენერბაჰჩე”/ჰოლანდია, 2003–05); მარიო ჟარდელი (“გალათასარაი”/ბრაზილია, 2000-01); კლაუდიო ტაფარელი (“გალათასარაი”/ბრაზილია, 1998–2001).

 

„ტრაბზონსპორის“ ფანები: „შოთა, გვიყვარხარ“ (ვიდეო)

ევროპის ლიგის მესამე საკვალიფიკაციო ეტაპის პირველ მატჩში შოთა არველაძის „ტრაბზონსპორი“ მაკედონურ „რაბოტნიჩკისთან“ ანგარიშით 0:1 დამარცხდა. სახლში გუნდს განრისხებული ადგილობრივი ქომაგები დახვდნენ. ისინი უკმაყოფილონი იმითაც იყვნენ, რომ გუნდი მეკარე ონურ კივრაკმა დატოვა. ამის გაბო „ტრაბზონსპორის“ ფანები კლუბის ხელმძღვანელობის გადადგომას ითხოვდნენ, მეორე ნაწილმა კი ამ ისტორიაში მხარი შოთა არველაძეს დაუჭირა.

საბოლოოდ, ყველაფერი ქართველი სპეციალსიტის სასიკეთოდ დასრულდა – ქომაგები მას შემდეგი შეძახილით დახვდნენ: „შოთა, გვიყვარხარ“.

იხილეთ ვიდეო: