ჭდე: კრასნოდარი

“ლოკომოტივმა” “კრასნოდარს” სძლია და გალიდერდა – კვერკველია შეუცვლელად თამაშობს

Posted on by კახა ყიფიანი

დღეს რუსეთის პრემიერ ლიგის მე-14 ტურის შეხვედრები გაიმართა.

ერთ-ერთ მატჩში მოსკოვის “ლოკომოტივი” “კრასნოდარს” დაუპრისიპირდა და მეტოქე ანგარიშით, 2:0 დაამარცხა. გოლები 25-ე და 85-ე წუთებზე შესაბამისად, ალექსეი მირანჩუკმა და მანუელ ფერნანდესმა გაიტანეს. საგულისხმოა, რომ ქართველმა მოთამაშემ, სოლომონ კვერკველიამ ძირითად შემადგენლობაში დაიწყო ასპარეზობა და შეუცვლელად ითამაშა.

ამ გამარჯვების შემდეგ “ლოკოს” 29 ქულა დაუგროვდა და ცხრილში გალიდერდა. თორნიკე ოქრიაშვილის (რომელსაც ამჟამად ტრავმა აწუხებს) “კრასნოდარი” კი 21 ქულით მეხუთე პოზიციაზეა.

თორნიკე ოქრიაშვილი: “შეკრების პირველი კვირა ძალიან რთული იყო”

Posted on by იაკობ კაპანაძე

რუსული “კრასნოდარის” ქართველმა ნახევარმცველმა, თორნიკე ოქრიაშვილმა Матч ТВ-ის ეთერში ზამთრის შეკრებაზე ისაუბრა, რომელსაც რუსული კლუბი არაბთა გაერთიანებული საამიროების ტერიტორიაზე გადის.

“ეს პირველი შემთხვევაა ჩემს კარიერაში, როდესაც შეკრებაზე ჩემს ოჯახთან ერთად ვარ,” – აღნიშნა აბუ დაბიში მყოფმა თორნიკე ოქრიაშვილმა.

“შეკრების პირველი კვირა განსაკუთრებულად რთული გამოდგა, დილით ორჯერ ვვარჯიშობდით, რაც საკმაოდ რთულია.

ვარჯიშის შემდეგ კი, ჩემს ნომერში შევდივარ, სადაც ჩემი მეუღლე და ვაჟი მელოდება. ეს ნამდვილად მამხნევებს და დამატებით ძალებსაც მაძლევს,” – დაამატა მან.

როგორ გამოეხმაურა ლევან მჭედლიძე ოქრიაშვილის გოლს? (ფოტო)

Posted on by კახა ყიფიანი

27 ნოემბერს, რუსეთის პრემიერ ლიგაში “კრასნოდარმა” საკუთარ მოედანზე “ზენიტი” მიიღო და მეტოქე ანგარიშით 2:1 დაამარცხა. “კრასნოდარის” სათადარიგოთა სკამზე იჯდა თორნიკე ოქრიაშვილი, რომელიც 63-ე წუთზე შემოვიდა და 95-ე წუთზე ძალიან ეფექტური გოლი გაიტანა. ქართველმა თავის გუნდს, ანგარიშით, 2:1 მოაგებინა.

ოქრიაშვილის ულამაზეს გოლს საქართველოს ნაკრებისა და “ემპოლის” შემტევი, ლევან მჭედლიძე ასე გამოეხმაურა.

აგენტი: “ოქრიაშვილმა ლუჩესკუზე შური იძია”

Posted on by იაკობ კაპანაძე

თორნიკე ოქრიაშვილის მიერ “ზენიტის” კარში გატანილ ბრწყინვალე გოლს ცნობილი რუსი საფეხბურთო აგენტი, ლეონიდ ისტრატიც გამოეხმაურა.

როგორც იცით, რუსული პრემიერ ლიგის მე-15 ტურის ცენტრალური მატჩის მთავარი გმირი თორნიკე ოქრიაშვილი გახდა, რომელმაც მირჩა ლუჩესკუს მიერ გაწვრთნილი “ზენიტის” კარი მაკრატელა დარტყმით აიღო და გუნდს გამარჯვებაც მოუტანა.

“ოქრიაშვილის შურისძიება! “შახტარში” ყოფნისას ლუჩესკუმ ის დაიწუნა” – ვკითხულობთ სოციალურ ქსელში გამოქვეყნებულ განცხადებაში.

რას წერენ რუსები თორნიკე ოქრიაშვილის გოლზე?

Posted on by კახა ყიფიანი

27 ნოემბერს, რუსეთის პრემიერ ლიგაში “კრასნოდარმა” საკუთარ მოედანზე “ზენიტი” მიიღო და მეტოქე ანგარიშით 2:1 დაამარცხა.

“კრასნოდარის” სათადარიგოთა სკამზე იჯდა თორნიკე ოქრიაშვილი, რომელიც 63-ე წუთზე შემოვიდა და 95-ე წუთზე ძალიან ეფექტური გოლი გაიტანა. ქართველმა მის გუნდს, ანგარიშით, 2:1 მოაგებინა.

შეხვედრის შემდეგ რუსმა გულშემატკივრებმა თორნიკეს მიმართ საქები სიტყვები არ დაიშურეს.

“ძალიან ბედნიერი ვარ! მადლობა, მადლობა ისმაილოვს, მადლობა ოქრიაშვილს, მადლობა გუნდს. დაუჯერებელი გამარჯვება!!!”

“ყოჩაღ, ხარებო! თორნიკე, სიტყვები არ მყოფნის!! საშინელი მსაჯობა! გამარჯვება!!!”

“ეს იყო სუპერგოლი! აი, რით უპასუხა ევროპას!”

“ვაშა! შავი ვოლგა თორნიკეს!”

“გოლის შემდეგ ვიფიქრე, რომ ეს იყო ტურის გოლი, ამაზე არც არავინ დაობს.”

“ოქრიაშვილო, თუ ამას კითხულობ, იცოდე, რომ შენი ფანი ვარ.”

“ოქრიაშვილმა სეზონის საუკეთესო გოლი გაიტანა. ამ შედევრზე კარგის შექმნა რთულია.”

“კრასნოდარმა” “ურალს” დამაჯერებლად სძლია – ოქრიაშვილს არ უთამაშია, ჭანტურიამ შეუცვლელად იასპარეზა

Posted on by კახა ყიფიანი

დღეს რუსეთის პრემიერ ლიგის მე-14 ტურის შეხვედრები გაიმართა.

ერთ-ერთ მატჩში “კრასნოდარმა” “ურალი” საკუთარ მოედანზე მიიღო. თამაში მასპინძელთა უპირატესობით წარიმართა. პირველ ტაიმში ანგარიში არ გახნსილა.

მეორე ნახევარში, 66-ე წუთზე გაზინსკიმ “კრასნოდარი” დააწინაურა. ზუსტად 5 წუთში სმოლოვმა ორამდე გაზარდა ანგარიში. ხოლო, 77-ე წუთზე ჟოაზინიომ მესამე გოლი გაიტანა და საბოლოო ანგარიში – 3:0 დააფიქსირა.

მასპინძელთა ქართველ ლეგიონერს, თორნიკე ოქრიაშვილს შეხვედრაში მონაწილეობა არ მიუღია. რაც შეეხება გიორგი ჭანტურაის, მან “ურალის” შემადგენლობაში შეუცვლელად ითამაშა.

ამ მატჩის შემდეგ “კრასნოდარი” 21 ქულით მე-6 ადგილზეა. ხოლო, ჭანტურიას კლუბს კი 10 ქულა აქვს და მე-13 პოზიციას იკავებს.

როგორ აღნიშნეს ოქრიაშვილმა და თანაგუნდელებმა “კრასნოდარის” გამარჯვება? (ფოტო)

Posted on by კახა ყიფიანი

დღეს რუსეთის პრემიერ ლიგის მეშვიდე ტურის მატჩში თორნიკე ოქრიაშვილის “კრასნოდარი” საკუთარ მოედანზე “როსტოვს”
დაუპირისპირდა. საქართველოს ნაკრების ფეხბურთელი მესამოცე წუთიდან ჩაერთო თამაშში. “კრასნოდარმა” “როსტოვს”, ანგარიშით, 2-1 მოუგო.

ოქრიაშვილმა და მისმა გუნდელებმა ასე აღნიშნეს წარმატება

შოთა არველაძეს “კრასნოდარში” ეპატიჟებიან

Posted on by იაკობ კაპანაძე

Матч ТВ-ის მიერ გავრცელებული ინფორმაციის თანახმად, “მაკაბის” ქართველ დამრიგებელს, შოთა არველაძეს რუსული “კრასნოდარის” ხელმძღვანელები დაუკავშირდნენ და მთავარი მწვრთნელის პოსტი შესთავაზეს.

შეგახსენებთ, რომ ამ დროისთვის ქართველი სპეციალისტი თელ-ავივის “მაკაბიში” მუშაობს, რომელიც ევროპა ლიგის ჯგუფურ ეტაპზე გამოდის. შოთის “კაისერისპორში”, “ქასიმფასასა” და “ტრაბზონსპორშიც” აქვს თავისი შესაძლებლობები გამოცდილი.

“კრასნოდარმა” კვირის დასაწყისში გუნდიდან ოლეგ კონონოვი დაითხოვა. მის ნაცვლად კი იგორ შამილოვი დაინიშნა, რომელიც დროებით შეასრულებს “კრასნოდარის” თავკაცის მოვალეობებს.

აქვე გეტყვით იმასაც, რომ რუსულმა კლუბმა ახლახან საქართველოს ეროვნული ნაკრების ნახევარმცველი თორნიკე ოქრიაშვილიც დაიმატა.

ანანიძემ ისევ გაიტანა

Posted on by -

17 აპრილს, რუსეთის თასის ნახევარფინალში, “როსტოვმა” საკუთარ მოედანზე “ლუჩ ვლადივოსტოკი” მიიღო და მეტოქეს ანგარიშით 3:1 სძლია. აღსანიშნავია, რომ როსტოველთა გამარჯვებაში თავისი წვლილი ქართველმა ნახევარმცველმა ჯანო ანანიძემაც შეიტანა, რომელმაც მეტოქის კარი 27-ე წუთზე დალაშქრა.

ამ გამარჯვების შემდეგ, “როსტოვი” თასის ფინალში გავიდა, სადაც “კრასნოდარს” დაუპირისპირდება.

ჰალკმა “კრასნოდარს” საჯარიმო ძალიან შორი მანძილიდან გაუტანა

Posted on by -

12 აპრილს, რუსეთის ჩემპიონატში, “ზენიტმა” საკუთარ მოედანზე “კრასნოდარი” მიიღო და მეტოქე ანგარიშით 4:1 დაამარცხა. აღნიშნულ შეხვედრაში სამი გოლის გატანა მოახერხა ბრაზილიელმა ჰალკმა, აქედან ერთი კი ნამდვილად გამორჩეული იყო.