სანკტ-პეტერბურგის “ზენიტის” მთავარი მწვრთნელი, რობერტო მანჩინი კარიერის “პარი სენ-ჟერმენში” გაგრძელების შესაძლებლობაზე საუბრისას აღნიშნავს, რომ წინადადების მიღების შემთხვევაში, ბევრს არ დაფიქრდება.
“პარი სენ-ჟერმენი” საფრანგეთის საუკეთესო და ევროპის ერთ-ერთი ყველაზე გამორჩეული კლუბია. ფრანგებმა გასულ ზაფხულს ნეიმარისა და მბაპეს გადაბირება შეძლეს, რაც ძალიან ბევრს ნიშნავს. ამ გუნდს ჩემპიონთა ლიგის მოგების დიდებული შანსი აქვს.
“პსჟ”-ს ხელმძღვანელებთან კავშირი ნამდვილად არ მქონია. თუმცა, არ ვიცი რა მოხდება მომავალში.პარიზელებს შესანიშნავი მწვრთნელი და ფანტასტიკური ფეხბურთელები ჰყავს. ვფიქრობ, არცერთი სპეციალისტი არ იტყვის უარს იქ მუშაობაზე.
სიმართლე გითხრათ, შანსის არსებობის შემთხვევაში, პარიზში გადასვლაზე უარს არ ვიტყვი, ” – აცხადებს მანჩინი.
