ქართველებთან დაპირისპირების წინ, ბრანისლავ ივანოვიჩმა ჟურნალისტებთან ისაუბრა.
“თავიდანვე ვიცოდით, რომ რთული ჯგუფი შეგვხვდა. ჩვენ მომზადებულები ვართ ყველა ასპექტში. ხვალ მოსაგებად ვიბრძოლებთ, თუმცა ქართველებს კარგი გუნდი ყავთ და მარტივი დაპირისპირება არ გამოვა.”
“კარგ ფორმაში ვიმყოფებით. წინ რთული მატჩები გველის, თუმცა გუნდი შესანიშნავ ფორმაშია,” – განაცხადა სერბმა ფეხბურთელმა.
ლონდონის “ჩელსის” სერბი დამცველი, ბრანისლავ ივანოვიჩი, რომელიც ამა წლის 30 ივნისს თავისუფალი აგენტი გახდება, “ზენიტთან” მოლაპარაკებებს განაგრძობს.
როგორც ცნობილი ხდება, ლონდონელები მზად არიან, 32 წლის ფეხბურთელი რუსულ კლუბში უფასოდ გაუშვან. ტრანსფერი კვირის ბოლომდე უნდა გაოფიციალურდეს.
ცნობილი ხდება ისიც, რომ “ევერტონის”, “ლესტერისა” და “ვესტ ჰემის” სამიზნის გადაბირების შემთხვევაში, “ზენიტი” ივანოვიჩს 5 მილიონ ევროს გადაუხდის წელიწადში (“ჩელსიში” ის 90 000 ფუნტს იღებს კვირაში).
აქვე გეტყვით იმასაც, რომ რუსებს სერბთან 3,5-წლიანი კონტრაქტის გაფორმება სურთ.
ლონდონის “ჩელსის” 32 წლის მცველის, ბრანისლავ ივანოვიჩის გადაბირებით კატალონიური “ბარსელონას” ხელმძღვანელები არიან დაინტერესებულნი. აღნიშნულ ინფორმაციას Goal.Com ავრცელებს.
წყაროს ცნობით, აკტალონიური გრანდისათვის ზამთრის სატრანსფერო ფანჯარაზე მთავარ მიზანს მარჯვენა მცველის პოზიციის გამაგრება წარმოადგენს, რისთვისაც სერბი მცველის გადაბირება საკმარისი უნდა აღმოჩნდეს.
აქვე გეტყვით იმასაც, რომ “ბარსელონაში” გადასვლის შემთხვევაში, ივანოვიჩი “ლურჯ-ბროწეულისფერებს” ჩემპიონთა ლიგის მატჩებშიც დაეხმარება, რაც ტრანსფერის კიდევ ერთი დადებითი მხარეა.
რაც შეეხება ფეხბურთელსა და “სტემფორდ ბრიჯელებს” შორის არსებულ კონტრაქტს, ის 2017 წლის ზაფხულში იწურება.
ლონდონის “ჩელსის” სერბმა მცველმა, ბრანისლავ ივანოვიჩმა სერბეთისა და ავსტრიის ნაკრებებს შორის გასამართ დაპირისპირებამდე “სტოკ სიტისა” და ავსტრიის ნაკრების ლიდერზე, მარკო არნაუტოვიჩზე ისაუბრა.
“მარკო არნაუტოვიჩს უდიდეს პატივს ვცემ, რადგანაც ბოლო წლებში ის დიდებულ ფეხბურთლად ჩამოყალიბდი.” – განაცხადა “არისტოკრატმა” პრეს-კონფერენციაზე.
“სერბეთში მასზე ძალიან ბევრი საუბრობს თუნდაც იმ მიზეზის გამო, რომ მამამისი სერბია. ამას კი საფეხბურთო ელფერიც ემატება. მისი წინსვლა აშკარად შესამჩნევია მიუხედავად იმ გუნდის დონისა, რომელშიც ის თამაშობს.
მის წინააღმდეგ ყურადღებით უნდა ვითამაშოთ და თუ ამას მოვახერხებთ, მაშინ კარის მშრალად შენახვის კარგი შანსი გვექნება.”
შეგახსენებთ, რომ ორივე ზემოთხსენებული ფეხბურთელი 2018 წლის მსოფლიო ჩემპიონატის საკვალიფიკაციო ეტაპზე ჩვენი ნაკრების მეტოქეთა რიგებში ირიცხებიან.
როგორც იცით, ლონდონის “ჩელსის” ხელმძღვანელობა ბრანისლავ ივანოვიჩის გაშვებას აპირებს, მის ჩამნაცვლებლად კი მადრიდელთა ესპანელი მცველის, სერხიო რამოსის გადაბირება სურთ. ამ ინფორმაციას Corriere Dello Sport ავრცელებს.
აქვე გეტყვით იმასაც, რომ ბოლოს გავრცელებული ინფორამციის თანახმად, ბრანისლავ ივანოვიჩის გადაბირებით იტალიის ჩემპიონატის ბინადარი “რომა” არის დაინტერესებული.
აღსანიშნავია ისიც, რომ სერბი მცველის გაშვებისა და სერხიო რამოსის გადმობირების ვარიანტი ძალიან მოსწონს კლუბის მომავალ მწვრთნელს, ანტონიო კონტესაც, რომელიც “სტემფორდ ბრიჯზე” ევრო-2016-ის დასრულებისთანავე დაიდებს სახლს.
გთავაზობთ იმ ფეხბურთელთა TOP 10-ს, რომლებზეც სათმაშო პოზიციის შეცვლამ დადებითად იმოქმედა …
ბრანისლავ ივანოვიჩი
კლუბი: “ჩელსი”
წინა პოზიცია: ცენტრალური მცველი
ახლანდელი პოზიცია: მარჯვენა მცველი
როდესაც 2008 წელს “არისტოკრატთა” რიგებში ბრანისლავ ივანოვიჩი ჩაეწერა, ყველას ეგონა, რომ ის ლონდონელთა დაცვის ბურჯი გახდებოდა.
მისი დებიუტი 2008 წელს, კლუბში მოსვლიდან 8 თვის შემდგომ შედგა. თუმცა “ლოკომოტივის” ყოფილი მცველი არა დაცვის ცენტრში, არამედ მარჯვენა ფლანგზე მოგვევლინა.მას შემდეგ მან “ლურჯთა” რიგებში 348 მატჩი ჩაატარა და უმეტეს შემთხვევაში სწორედ ამ ფლანგს იცავდა.
ოუენ ჰარგრივზი
კლუბი: კარიერა დასრულებულია
წინა პოზიცია: ვინგერი
ახლანდელი პოზიცია: დაცვითი ტიპის ნახევარმცველი
მართალია, რომ ოუენის წარმოდგენა, როგორც შემტევი ფეხბურთელის ძალიან რთულია, თუმცა ფაქტია, რომ “ბაიერნში” ის სწორედ ამ პოზიციაზე თამაშობდა. მან გერმანული კლუბის მაისურით 200-ზე მეტი მატჩის ჩატარება შესძლო.
ხოლო მას შემდეგ, რაც ის ინგლისში გადაბარგდა (2007), მას დაცვითი ტიპის ნახევარმცველის სტატუსი მიენიჭა. მანჩესტერული შტაბის ამ გადაწყვეტილებას ამართლებს ის ფაქტიც, რომ მისი მთელი კარიერის მანძილზე ოუენმა მხოლოდ 13 გოლის გატანა მოახერხა.
დირკ კუიტი
კლუბი: ფეინოორდი
წინა პოზიცია: თავდამსხმელი
ახლანდელი პოზიცია: ვინგერი
ბევრს ნამდვილად არ გაუკვირდება, ის ფაქტი, რომ დირკ კუიტს თავდამსხმელის პოზიციაზეც შეეძლო თამაში. მართლაც, “ლივერპულმა” ის შეიძინა, როგორც თავდამსხმელი. “ფეინოორდის” 144 მატჩში მას 95 გოლი ჰქონდა გატანილი.
თუმცა ფერნანდო ტორესის ფაქტორმა მაინც თავისი გააკეთა – კუიტი სრულყოფილ ვინგერად ჩამოყალიბდა. ის დღესაც ამ პოზიციაზე თამაშობს და შედეგიც სახეზეა – 14 გოლი 22 მატჩში.
ვეს ბრაუნი
კლუბი: სანდერლენდი
წინა პოზიცია: მარჯვენა მცველი
ახლანდელი პოზიცია: ცენტრალური მცველი
ვეს ბრაუნი “მანჩესტერ იუნაიტედის” პირველი მარჯვენა მცველი იყო, როცა კლუბმა 2008/09 წლებში ჩემპიონთა ლიგა მოიგო. თუმცა შემდგომში განვითარებული მოვლენების გამო მას მარჯვენა ფლანგზე მოუწია გადანაცვლება. ის ახლაც იცავს “შავი კატების” მარჯვენა ფლანგს.
მუსა სისოკო
კლუბი: ნიუკასლი
წინა პოზიცია: დაცვითი ტიპის ნახევარმცველი
ახლანდელი პოზიცია: ვინგერი
როდესაც “ნიუკასლმა” მუსა სისოკო შეიძინა, ბევრს ეგონა რომ კლუბმა თავისი ახალი დევიდ ბატი იპოვა, ძლიერი მანქანა, რომელიც ბურთის ართმევაზე იქნებოდა ორიენტირებული. თუმცა მათი მოლოდინი არ გამართლდა – “ტულუზის” ექს-ფეხბურთელმა ვინგერის პოზიციაზე გადაინაცვლა და 122 მატჩის ჩატარებაც მოახერხა ინგლისელთა მაისურით ამ პოზიციაზე.
ბასტიან შვაიშტაიგერი
კლუბი: მანჩესტერ იუნაიტედი
წინა პოზიცია: შემტევი ნახევარმცველი/ ვინგერი
ახლანდელი პოზიცია: დაცვითი ტიპის ნახევარმცველი
ბასტიან შვაინშტაიგერის ისტორია ძალზედ წააგავს ოუენ ჰარგრივზის სიტუაციას, რომელიც “ბაიერნში” შემტევი ფეხბურთელის სტატუსს ატარებდა, თუმცა ინგლისში ჩამოქვეითდა. შემტევი ნახევარმცველის პოზიციაზე ბასტიანმა 200 მატჩი ჩაატარა, თუმცა მწვრთნელებმა გადაწყვიტეს, რომ ის უფრო ეფექტური დაცვაში იქნებოდა.
იან ვერტონგენი
კლუბი: ტოტენჰემი
წინა პოზიცია: დაცვითი ტიპის ნახევარმცველი
ახლანდელი პოზიცია: ცენტრალური მცველი
იან ვერტონგენმა ნელ-ნელა გავლო გზა დაცვითი ტიპის ნახევარმცველობიდან ცენტრალურ მცველობამდე – ბელგიაში ნახევარმცველად მოთამაშე ვერტონგენი, “აიაქსში” მარცხენა მცველად მოგვევლინა, ხოლო “მამლების” რიგებში მან ცენტრალური მცველობაც ისწავლა, თანაც საკმაოდ კარგად.
გარეთ ბეილი
კლუბი: რეალი
წინა პოზიცია: მარცხენა მცველი
ახლანდელი პოზიცია: ვინგერი/ფორვარდი
ყველაზე დრამატული გარდატეხა ამ მხრივ გარეთ ბეილმა განიცადა, რომელმაც კარიერა მცველის პოზიციაზე დაიწყო, თუმცა შეტევაში ყოველთვის მიურბოდა გული. “ტოტენჰემში” ის ვინგერად აღიარეს, ხოლო მას შემდეგ რაც ის გუნდის ლიდერად იქცა მის ფორვარდობასაც არ ერიდებოდნენ, ახლა კი ის “რეალში” ირიცხება, სადაც მშვენივრად თამაშობს შეტევაში.
ვან პერსი
კლუბი: ფენერბახჩე
წინა პოზიცია: ვინგერი
ახლანდელი პოზიცია: ფორვარდი
რთულია გაიაზრო, რომ რობინ ვან პერსი თავდამსხმელობის გარდა სხვა პოზიციაზეც შეეძლო თამაში. ის “ფეინოორდში” ყოფნისას ვინგერის როლს ასრულებდა, თანაც საკმაოდ კარგად – 21 გოლი 76 მატჩში. სწორედ ამ შედეგის წყალობით აღმოჩნდა ის “არსენალში”, სადაც მსოფლიო დონის შემტევად ჩამოყალიბდა.
ხავიერ მასკერანო
კლუბი: ბარსელონა
წინა პოზიცია: ცენტრალური ნახევარმცველი
ახლანდელი პოზიცია: ცენტრალური მცველი
ხავიერ მასკერანო “ლივერპულის” ნახევარდაცვის ერთ-ერთი ლიდერი იყო, თუმცა კატალონიურ გრანდში მისი ეს ფუნქცია დიდად არ მოსწონდათ, რის გამოც მას ხშირად უწევდა დაცვაში თამაში. მან ეს ფუნქცია იმდენად შეისისხლხორცა, რომ არგენტინის ნაკრებშიც არ ერიდება ამ პოზიციაზე თამაშს.
“ბარსელონას” თავდამსხმელმა ლუის სუარესმა კიდევ ერთხელ გაიხსენა ბრანისლავ ივანოვიჩისა და ჯორჯო კიელინისთვის კბენის ფაქტები. ურუგვაელი ფეხბურთელი ამბობს, რომ ეს მცველები მის პროვოცირებას ცდილობდნენ, რის გამოც მათ უკბინა კიდეც.
“არსებობენ ადამიანები, რომლებიც პრობლემების მოგვარებაში მეხმარებიან. ნაწილობრივ ჩემი ბრალია, თუმცა ნაწილობრივ მცველების ბრალიცაა, რომლებიც პროვოცირებას ცდილობდნენ. მაგალითად, კიელინი და ივანოვიჩი მუდმივად იმის ცდაში არიან, რომ თავდამსხმელი წყობიდან გამოიყვანონ. მათ ძალიან ადვილად შეუძლიათ მეტოქის გაღიზიანება, თუმცა ახლა უკვე სხვანაირად ვიქცევი. მე თავად ვახდენ მცველების პროვოცირებას. მანამდე მათთან ორთაბრძოლებში ვებმეოდი, ახლა უბრალოდ ვერიდები კონფლიქტურ სიტუაციებს”, – ციტირებს სუარესის სიტყვებს cope.es.
express.co.uk-ის ინფორმაციით, ლონდონის „ჩელსის“ მცველი ბრანისლავ ივანოვიჩი მიუნხენის „ბაიერნის“ ინტერესთა სფეროში მოხვდა. მიუნხენელთა მთავარ მწვრთნელს ხოსეპ გვარდიოლას სერბი მოთამაშის შეძენა ზაფხულის სატრანსფერო ფანჯრის დროს სურს.
ბავარიული კლუბის ხელმძღვანელობა აპირებს ისარგებლოს იმით, რომ „ჩელსისთან“ კონტრაქტი ბრანისლავს 2016 წლის ზაფხულამდე აკავშირებს. იმ შემთხვევაში, თუ ხელშეკრულება უახლოეს მომავალში არ გაგრძელდება, ლონდონელები მოთამაშის ზაფხულში გაშვებას დათანხმდებიან.
ბოლო დროს გავრცელებული ინფორმაციით, ივანოვიჩს შეძენა „პარი სენ-ჟერმენსაც“ სურს.
“ჩელსის” მარჯვენა მცველმა, ბრანისლავ ივანოვიჩმა “პსჟ”-სთან გამართულ შეხვედრაზე ისაუბრა.
შეგახსენებთ, რომ ჩემპიონთა ლიგის 1/8 ფინალურმა მატჩებმა გუშინ აიღო სტარტი, სადაც ჟოზე მოურინიოს გუნდი “პსჟ”-ს დაუზავდა, ანგარიშით 1-1. სტუმართა მხრიდან ერთადერთი გოლი სწორედ სერბმა უკანახაზელმა გაიტანა.
“ვფიქრობ, დადებითი შედეგი დავაფიქსირეთ. “ჩელსის” დაცვას რთული მატჩის ჩატარება მოუწია, რადგან მსოფლიოს ერთ-ერთ საუკეთესო შემტევებთან მოუხდათ შერკინება”.
“მოხარული ვარ, რადგან კურტუამ კარგი მატჩი ჩაატარა. მან რამდენიმე გენიალური ნახტომით გუნდი უიმედო სიტუაციაშიც კი გოლის გაშვებისგან გადაარჩინა. ჩეხი თუ კურტუა? – კარში საკუთარ საქმეს ორივე ფანტასტიკურად ასრულებს”.
“ყოველ სიტუაციაში გუნდი გაუმჯობესებას ცდილობს. ამჟამად ჩვენი მიზანი ჩემპიონთა ლიგაზე წინსვლაა,”-დაასრულა ბრანისლავ ივანოვიჩმა.
„ჩელსის“ მთავარმა მწვრთნელმა ჟოზე მოურინიომ „ლივერპულთან“ ინგლისის თასის განმეორებითი ნახევარფინალური მატჩის ოვერტაიმის ერთადერთი გოლი ვერ დაინახა. გთავაზობთ ამ საინტერესო ეპიზოდის ამსახველ ვიდეოს.
ინგლისის პრემიერლიგის 24-ე ტურის ცენტრალური და დასკვნითი მატჩი „ეტიჰად სთეიდიუმზე“ შედგა, სადაც „მანჩესტერ სიტიმ“ ლონდონის „ჩელსი“ მიიღო. საფეხბურთო ექსპერტთა დიდი ნაწილი ფავორიტად „ქალაქელებს“ მიიჩნევდა, მაგრამ შეხვედრა ლონდონელთა კარნახით წარიმართა და მათივე გამარჯვებით, ანგარიშით 1:0 დასრულდა. ეს ერთადერთო გოლი მატჩის 32-ე წუთზე ბრანისლავ ივანოვიჩმა ლამაზი დარტყმით გაიტანა. ამის შემდეგ „სიტი“ ანგარიშის გათანაბრებას ბევრს ეცადა, თუმცა უშედეგოდ. ნათლად გამოჩნდა, რომ ტრავმირებული სერხიო აგუეროს არყოფნა „ქალაქელებისთვის“ სერიოზული დანაკლისი გამოდგა. სამართლიანობა მოითხოვს აღინიშნოს, რომ დაცვაში არც „ჩელსი“ ჩამჯდარა და საერთოდაც, ერთი გატანილი გოლის მიუხედავად, მაყურებელმა ორივე გუნდისგან სწრაფი, დინამიური და თვალსასეირო თამაში იხილა.
ამრიგად, „ქალაქელები“ პრემიერლიგაში გასული წლის 10 ნოემბრის შემდეგ პირველად დამარცხდნენ და მათი 12-მატჩიანი წაუგებელი სერიაც შეწყდა. ამ გამარჯვებით „ჩელსიმ“ 53 ქულა დააგროვა და ახლა ამდენივე ქულის მფლობელ „მანჩესტერ სიტისთან“ მეორე-მესამე პოზიციებს იყოფს.
ინგლისის პრემიერლიგა
XIV ტური
„მანჩესტერ სიტი“—„ჩელსი“ 0:1 (0:1)
„მანჩესტერ სიტი“: ჰარტი, კომპანი, დემიკელისი, ზაბლეტა, კოლაროვი, ნასტასიჩი, დავიდ სილვა, იაია ტურე, ხესუს ნავასი, ნეგრედო (იოვეტიჩი 57′), ჯეკო.
მთავარი მწვრთნელი: მანუელ პელეგრინი.
„ჩელსი“: ჩეხი, ტერი, კეჰილი, ივანოვიჩი, დავიდ ლუისი, ასპილიკუეტა, ვილიანი (ობი მიკელი 90+2′), რამირესი, მატიჩი, აზარი (ბა 90+4′), ეტოო (ოსკარი 83′).
მთავარი მწვრთნელი: ჟოზე მოურინიო.
გოლი: ივანოვიჩი 32′.
გაფრთხილებები: დემიკელისი 37′, კოლაროვი 42′, ნასტასიჩი 87′ — ივანოვიჩი 33′, მატიჩი 40′, ვილიანი 90+2′.
მთავარი მსაჯი: მაიკ დინი.
ბექა დოგრაშვილი
ინგლისის პრემიერლიგის IX ტურის ცენტრალური მატჩი „სტემფორდ ბრიჯზე“ შედგა, სადაც ლონდონის „ჩელსიმ“ „მანჩესტერ სიტი“ მიიღო და მეტოქე ანგარიშით 2:1 დაამარცხა.
გამარჯვების გოლი ფერნანდო ტორესმა ბოლო წუთზე გაიტანა.
„ჩელსის“ მთავარი მწვრთნელი ჟოზე მოურინიო იმდენად გაახარა ამ გოლმა, რომ პორტუგალიელი სპეციალისტი ხალხის მასებს შეერია და გამარჯვება ლონდონური კლუბის ქომაგებთან ერთად აღნიშნა.
გთავაზობთ ფაქტის ამსახველ ვიდეომასალას.
