“მანჩესტერ იუნაიტედის” პორტუგალიელი მთავარი მწვრთნელი, ჟოზე მოურინიო, გუშინ ავსტრიისა და რუსეთის საფეხბურთო ნაკრებებს შორის გამართულ ამხანაგურ მატჩს დაესწრო.
იმის შესახებ, თუ რა მიზნით მივიდა ჟოზე მოურინიო მატჩზე, ჯერჯერობით უცნობია, მას არანაირი განმარტება არ გაუკეთებია.
როგორც ბრიტანული გამოცემები იუწყებიან, მოურინიო მარკო არნაუტოვიჩის თამაშს აკვირდებოდა, რომელიც ამჟამად “ვესტ ჰემ იუნაიტედის” მაისურით გამოდის.
რაც შეეხება უშუალოდ მატჩს, რუსებმა ავსტრიელებისთვის დიდი ბრძოლის გამართვა ვერ შეძლეს. ერთადერთი გოლი შეხვედრის 28-ე წუთზე შოპფმა გაიტანა სწორედ არნაუტოვიჩის საგოლე გადაცემის დახმარებით.
На матче @TeamRussia против Австрии присутствует Жозе Моуринью pic.twitter.com/dyY3niyobg
— Сборная России (@TeamRussia) May 30, 2018
