ჭდე: David Luiz

“პარი სენ-ჟერმენისა” და ბრაზილიის ნაკრების მცველმა დავიდ ლუისმა სამედიცინო გამოკვლევა სანკტ-პეტერბურგის “ზენიტში” ჩაიტარა.

შეგახსენებთ, რომ ბრაზილიელმა ფეხბურთელმა საფრანგეთის ჩემპიონატის 31-ე ტურში “მარსელის” წინააღმდეგ გამართულ მატჩში (3:2) ბარძაყი დაიშავა. 27 წლის მცველმა მკურნალობის კურსის გავლა რუსეთში გადაწყვიტა.

შეგახსენებთ, რომ დავიდ ლუისი “პარი სენ-ჟერმენში” ლონდონის “ჩელსიდან” გასულ ზაფხულს სარეკორდო 50 მილიონი ფუნტ სტერლინგის სანაცვლოდ გადავიდა.

 

 

საფრანგეთის თასის მეოთხედფინალში “პარი სენ-ჟერმენმა” “მონაკო” ანგარიშით 2:0 დაამარცხა და ტურნირის ნახევარფინალში თამაშის უფლება მოიპოვა. პარიზული გუნდი კვლავ აგრძელებს ასპარეზობას ჩემპიონთა ლიგასა და საფრანგეთის ლიგის თასზე, “პარი სენ-ჟერმენს” ქვეყნის ჩემპიონატის სატურნირო ცხრილში მეორე ადგილი უკავია და მხოლოდ ერთი ქულით ჩამორჩება ლიდერ “ლიონს”.

პარიზელთა მცველი დავიდ ლუისი აცხადებს, რომ გუნდის მიზანი ოთხივე ტურნირის მოგებაა.

“კარგია, რომ “პარი სენ-ჟერმენი” ოთხივე ტურნირზე აგრძელებს ასპარეზობას, თუმცა სეზონის შეჯამება მხოლოდ მისი დასრულების შემდეგ შეგვეძლება. ვეცდებით, რომ თითოეულ მატჩში მოვიპოვოთ გამარჯვება, რათა საბოლოო მიზანს მივაღწიოთ. რა არის “პარი სენ-ჟერმენის” ამოცანა? ოთხივე ტურნირის მოგება”, – ციტირებს დავიდ ლუისის სიტყუვებს Tmw.