ჭდე: პაულინიო

კატალონიის “ბარსელონას” ბრაზილიელმა ახალწვეულმა, პაულინიომ აღნიშნა, რომ თავისი და კლუბის მთავარი მიზანი სეზონის წარმატებულად დასრულება და ტრიპლეტის მოგებაა.

“2017 წელი ძალიან მნიშვნელოვანი აღმოჩნდა ისევე როგორც ჩემი კარიერისთვის, ასევე პირადი ცხოვრებისთვის. “ბარსელონაში” გადასვლასთან ერთად ბავშვიც შემეძინა, ტრავმაც წარმატებით მოვიშუშე და ყველაფერი წესრიგშია.

რას ველი 2018 წლისგან? ტრიპლეტი მინდა! ვიცი, რომ სამივე ტიტულის მოგება ძალიან რთული იქნება, მაგრამ მინდა ყველაფერი გავაკეთო ამ მიზნის მისაღწევად.თუ ტრიპლეტი არა, მინიმუმ ორი ტიტული მაინც უნდა მოვიგოთ,” – აცხადებს პაულინიო El Mundo Deportivo-სთან საუბრისას.

კატალონიის “ბარსელონას” ახალწვეულმა, 29 წლის პაულინიომ “ბარსელონას” მაისურით სადებიუტო მატჩის ჩატარების შემდეგ პრესასთან შთაბეჭდილებებსა და სამომავლო მიზნებზე ისაუბრა.

“ჩემი დებიუტით კმაყოფილი ვარ, მიხარია, რომ რამდენიმე წუთით შევძელი მოედანზე გასვლა. ბევრი უნდა ვიმუშავო, რათა გუნდში ადგილი დავიმკვიდრო და ჩემს ახალ თანაგუნდელებსაც უკეთ გავუგო.

“ალავესი” კონტრ-შეტევებზე თამაშობდა და დაცვაშიც საკმაოდ ორგანიზებულები იყვნენ. ჩემი გუნდი კი მშვიდად და თავდაჯერებულად მოქმედებდა, ეს შედეგი დავიმსახურეთ,” – აცხადებს პაულინიო.

შეგახსენებთ, რომ აქამდე პაულინიო “გუანჟოუ ევერგრანდის” ღირსებას იცავდა.

ლონდონის “ტოტენჰემის” ყოფილი ნახევარმცველი, პაულინიო “ბარსელონას” მხრიდან ინტერესის არსებობას ადასტურებს და აღიარებს, რომ საკმაოდ რთული გადაწყვეტილების წინაშე დგას.

“დიახ, ისინი ჩემს აგენტს დაუკავშირდნენ და კონკრეტული წინადადებაც არსებობს. მოლაპარაკებები ამჟამადაც მიმდინარეობს, მაგრამ უნდა ვაღიარო, რომ ახლა აქ ძალიან ბედნიერი ვარ.

მართლაც რომ რთულ სიტუაციაში ვარ, გადაწყვეტილების მიღება ძალიან გამიჭირდება,” – განაცხადა პაულინიომ პრესასთან საუბრისას.

შეგახსენებთ, რომ ბრაზილიელი ფეხბურთელი ამჟამად ჩინური “გუანჯოუ ევერგრანდის” ღირსებას იცავს.