„ინტერის“ მცველის ჟოაო მირანდას აზრით, პსჟ-ს მცველი ტიაგო სილვა ბრაზილიის ნაკრებში გამოძახებას იმსახურებს. აქამდე ბრაზილიელთა თავკაც დუნგას უთქვამს, რომ სილვას ქვეყნის მთავარ გუნდში არამხოლოდ სპორტული მიზეზით არ იძახებს.
„ვფიქრობ, ტიაგო სილვა ჩინებული მცველია, რომელიც ბრაზილიის ნაკრებში დაბრუნებას იმსახურებს, თუმცა გადაწყვეტილებას მწვრთნელი იუღებს, რასაც პატივი უნდა ვცეთ. ნაკრებში მეც არ მიძახებდნენ, რის შემდეგ დასკვნები გამოვიტანე.
დავიდ ლუისი? ის ევროპის ერთ-ერთი საუკეთესო მცველია. ნორმალურია, როდესაც შეცდომების გამო გაკრიიკებენ. მასთან, ტიაგო სილვასთან ან მარკინიოსთან თამაშის პრობლემა არ მაქვს“, – ციტირებს მირანდას „GloboEsporte“.
