სოციალურ ქსელში გავრცელდა ვიდეო, თუ როგორ ცდილობს დიეგო კოშტა ფორმის შენარჩუნებას.
როგორც იცით ესპანეთის ნაკრების ფეხბურთელი მადრიდის “ატლეტიკოში” სატრანსფერო ფანჯრის დასრულების შემდეგ გადმოვიდა, ამიტომაც მას ზამთრის სატრანსფერო ფანჯრის დაწყებამდე თამაშის უფლება არ აქვს.
აღნიშნულდან გამომდინარე დიეგო კოშტა ფორმის შესანარჩუნებლად გუნდთან ერთად ვარჯიშის გარდა, სხვა მეთოდსაც მიმართავს. INSTAGRAM-ში გავრცელდა ვიდეო, თუ როგორ ირჯება ესპანელი ბოქსის დარბაზში.
“ატლეტიკოს” დამარცხების შემდეგ, “რეალის” ნახევარმცველმა, ტონი კროოსმა ჟურნალისტებთან ისაუბრა.
“შესანიშნავი ანგარიში დავაფიქსირეთ. ეს იმაზე უკეთესია, რასაც მატჩამდე მოველოდით. თუმცა, არ უნდა დაგვავიწყდეს, რომ ეს პირველი დაპირისპირება იყო. ჯერ არაფერი დასრულებულა. ძალიან კარგი საღამო გამოვიდა. ტაქტიკურადაც სწორად ვითამაშეთ და ასევე, ნახევარდაცვაში დმატებითი ფეხბურთელი გვყავდა. ჩვეულებრივ, სამი ნახევარცმველით ვთამაშობთ ხოლმე, თუმცა დღეს მოედანზე ოთხნი ვიყავით. სწორედ ეს დაგვეხმარა იმაში, რომ თამაში გვეკონტროლებინა.”
“ძალიან ბედნიერები ვართ, რომ კრიშტიანუ რონალდუ ჩვენი თანაგუნდელია. შენ შეგიძლია დაიცვა თავი, იყო კარგი ნახევარდაცვაში, თუმცა, ასევე, გჭირდება, გუნდმა გოლები გაიტანოს. ამ მოვალეობის დიდ ნაწილს სწორედ პორტუგალიელი ასრულებს. ამას ყოველთვის აკეთებს!” – განაცხადა გერმანელმა.
„ბაიერნის“ თავდამსმხელმა რობერტ ლევონდოვსკიმ ჩემპიონთა ლიგის ფინალის მიღმა დარჩენის შესახებ ისაუბრა. ფეხბურთელის აზრით, მისმა გუნდმა ტურნირის გადამწყვეტ მატჩში თამაში დაიმსახურა.
„ძალიან გულდაწყვეტილნი ვართ. ფინალში თამაში დავიმსახურეთ, თუმცა ეს ფეხბურთია“, – ციტირებს პოლონელს ესპანური AS-ი.
„ატლეტიკოს“ ნახევარმცველი ანტუან გრიზმანი კლუბის გულშემატკივართა მიერ მარტის საუეკთესო ფეხბურთელად დასახელდა, იუწყება მადრიდელთა პრესსამსახური.
წინა თვეში ფრანგმა პრიმერა დივიზონის ოთხ მატჩში ოთხი გოლი გაიტანა., გრიზმანმა თავი „რეალ სოსიედადთან“ (3:0), „ვალენსიასთან“ (3:1), „დეპორტივოსთან“ (3:0) და ხიხონის „სპორტინგთან“ (1:2) მატჩებში გამოიჩინა.
პრიმერას მიმდინარე სეზონში გრიზმანის ანაგრიშზე ჯამში 33 მატჩი და 20 გოლია.
მოგეხსენებათ, მადრიდის „ატლეტიკოს“ მცველმა ფილიპე ლუისმა ლიონელ მესის წინააღმდეგ უხეშობისთვის სამმატჩიანი დისკვალიფიკაცია მიიღო.
ამის გამო მადრიდული კლუბის ხელმძღვანელობამ აპელაცია შეიტანა, რომელიც „ლა ლიგას“ კომიტეტმა ნაწილობრივ დააკმაყოფილა. კომიტეტის გადაწყვეტილებით, ფეხბურთელის დისკვალიფიკაცია სამი მატჩიდან ერთ მატჩამდე შემცირდა, რადგან ხსენებულ ეპიზოდში მისი მხრიდან თამაშის წესის განგებ დარღვევა არ ჩანს.
ჟოზე მოურინიოს ლონდონის „ჩელსის“ მთავარი მწვრთნელის პოსტიდან გათავისუფლების შემთხვევაში, „არისტოკრატთა“ თავკაცობის კანდიდატთა შორის, შესაძლოა, მადრიდის „ატლეტიკოს“ დამრიგებელი დიეგო სიმეონე იყოს. თუმცა, საამისოდ ლონდონელებს არგენტინული ფეხბურთის ფედერაციასთან ბრძოლა მოუწევს, რადგან 45 წლის სპეციალისტი ასევე ნაკრების შესაძლო თავკაცად განიხილება, რის შესახებაც „დეილი ექსპრესი“ იტყობინება.
შაბათს პრემიერლიგის მე-12 ტურში „ჩელსიმ“ მიმდინარე ჩემპიონატში მეშვიდედ წააგო. ამჟამად მოურინიოს გუნდი 11 ქულით ცხრილში მე-16 ადგილს იკავებს.
მადრიდის „ატლეტიკოს“ თავდამსხმელი ანტუან გრიზმანი, რომლითაც ევროპის წამყვანი კლუბები ინტერესდებიან, თავისი ამჟამინდელი კლუბის ვარსკვლავად თავს არ თვლის.
„მწვრნელის მსგავსად, თანაგუნდელებს ჩემი სჯერად. ვიცი, რომ ისინი ჩემგან გოლებსა და შედეგიან გადაცემებს ელიან. ვცდილობ, მათი მოლოდინი ყოველ შეხვედრაში გავამართლო. თუმცა, „ატლეტიკოს“ ვარსკვლავი არ ვარ, ვარსკვლავი – მთელი გუნდია.
აქ იმისთვის ვარ, რომ ყოველდღე ვიმუშავო, პროგრესს მივაღწიო და ჩემი ადგილი მოვძებნო. იმედია, გუნდს უფრო მეტს მივცემ“, – განაცხადა ფრანგმა.
მადრიდის „ატლეტიკოს“ ნახევარმცველი რაულ გარსია კარიერას ბილბაოს „ატლეტიკში“ გააგრძელებს.
ბასკები მადრიდელებს 29 წლის მოთამაშის ტრანსფერის შესახებ უკვე შეუთანხმდნენ.
დღეს გარსია სამედიცინო შემოწმებას გაივლის, რის შემდეგაც კონტრაქტის ოფიციალურად გააფორმებს.
შეგახსენებთ, რომ „ატლეტიკოს“ ღირსებას გარსია რვა წლის განმავლობაში იცავდა.
“პსჟ”-ს ნახევარმცველი ყოფილ გუნდში არ დაბრუნდება.
ცოტა ხნის წინ, გავრცელდა ჭორები, რომ მადრიდის “ატლეტიკოს” ტიაგო მოტა სჭირდებოდა, მაგრამ დღეს Marca-მ აღნიშნული ინფორმაცია უარყო.
ამდენად, იტალიელი ჰავბექი ახალ სეზონს ლორან ბლანის მეთვაყურეობის ქვეშ დაიწყებს.
შეგახსენებთ, რომ ტიაგო მოტა “ატლეტიკოში” 2007-2008 წლებში ასპარეზობდა.
დიეგო გოდინი “ეტიჰადზე” გადასვლით დაინტერესებული არაა.
Marca-ს ინფორმაციით, “მანჩესტერ სიტი” “ატლეტიკო მადრიდს” 40 მილიონ ევროს სთავაზობს და თავად ფეხბურთელს წელიწადში 6.5 მილიონ ევროს.
ასეთი ვარიანტით 29 წლის მცველი დაინტერესებული არაა – მეტიც, დიეგო კლუბის გამოცვლას არ აპირებს.
ადრე გოდინისადმი ინტერესი “ჩელსიმ” და “მილანმა” გამოამჟღავნეს.
მადრიდელებმა “პორტუს” კოლუმბიელი ფორვარდი გაიფორმეს.
როგორც “ატლეტიკოს” ოფიციალური საიტი იტყობინება, 28 წლის შემტევი 35 მილიონის სანაცვლოდ ახალ კლუბშია.
მარტინესმა “ლეიბებთან” ოთხწლიან ხელშეკრულებას მოაწერა ხელი.
პორტუგალიის ჩემპიონატში, მარტინესმა 89 მატჩში 67 გოლი გაიტანა.
არგენტინელი შემტევი, ლუსიანო ვიეტო კარიერას თანამემამულე, დიეგო სიმეონესთან გააგრძელებს.
“ატლეტიკოს” თვითერის ოფიციალურმა გვერდმა 21 წლის ფეხბურთელის გაფორმება დაადასტურა. გავრცელებული ინფორმაციით, ტრანსფერი 20 მილიონი დაჯდა.
დიეგო სიმეონე ლუსიანო ვიეტოს “რასინგში” მუშაობის დროსაც იცნობდა.
შეგახსენებთ, რომ “ლეიბებმა” უკვე გაუშვეს მარიო მანჯუკიჩი და არდა თურანი. გუნდი სულ მალე ჯექსონ მარტინესის გაფორმებასაც დაადასტურებს.
