“ატლეტიკოს” მცველი მირანდა მოლაპარაკებებს ინგლისურ და ესპანურ გუნდებთან აწარმოებს.
“რამდენიმე საინტერესო წინადადება მივიღე და მოლაპარაკებებსაც ვაწარმოებ. საუბარია პრემიერლიგის და პრიმერას გუნდებზე.
ჩემი აგენტი ევროპაში იმყოფება და მოლაპარაკებებს სწორედ ის წარმართავს” – განაცხადა მირანდამ.
შეგახსენებთ, რომ გავრცელებული ინფორმაციით 29 წლის ფეხბურთელის მიმართ ინტერესს “მანჩესტერ იუნაიტედი” და “ბარსელონა” იჩენდნენ.
“ატლეტიკოს” ხელმძღვანელობა აცხადებს, რომ წარმატებული სეზონის შემდეგ კლუბს წამყავნი მოთამაშეების დიდი ჯგუფი არ დატოვებს.
მართალია, დიეგო კოშტას “ჩელსიში” გადასვლა ფაქტობრივად გადაწყვეტილია, მაგრამ მადრიდელები სხვა წამყვანი მოთამაშეების შენარჩუნებას აპირებენ.
“კოკე “ატლეტიკოს” მოთამაშეა და ის ჩვენთან რჩება. ჩვენ ისეთი კლუბი არ ვართ, რომელსაც არსებობისთვის ფეხბურთელისთვის გაყიდვა სჭირდება. “ატლეტიკო” სტაბილური სტრუქტურაა. კოკეს დარჩენა ფაქტობრივად გადაწყვეტილია.
ანალოგიური სიტუაციაა გოდინთან და მირანდასთან მიმართებაში. ასეთი სტაბილური მცველების პოვნა ძალიან რთულია. ვფიქრობ, ისინიც დარჩებიან” – განაცხადა “ატლეტიკოს” პრეზიდენტმა ენრიკე სესერომ.
როგორც ესპანური ტაბლოიდი AS იუწყება “მანჩესტერ იუნაიტედმა” მადრიდის “ატლეტიკოსთან” ბრაზილიელი მცველის ჟოაო მირანდას ტრანსფერი პრაქტიკულად შეათანხმა. როგორც გაზეთი წერს მცველს არ სურს მომდევნო სეზონში ლა ლიგაში თამაში.
გუნდები თითქმის შეთანხმდნენ, ამას ადასტურებს ის ფაქტიც, რომ ბრაზილიელი მანჩესტერში შვილებისთვის სკოლას უვკე ეძებს. “იუნაიტედი” მზად არის 29 წლის მცველისთვის 30 მილიონი ევრო გადაიხადოს.
წყარო: მანჩესტერ იუნაიტედის ქართული ფან-კლუბი – http://redarmy.ge/
მადრიდის „ატლეტიკოს“ მცველი მირანდა უახლოეს პერიოდში ესპანეთის მოქალაქე გახდება.
„ასის“ ცნობით, 29 წლის ბრაზილიელი ფეხბურთელის „გაესპანელების“ პროცესი უკვე დაიწყო. ამ გადაწყვეტილების მთავარი მოტივი ის გახლავთ, რომ „ატლეტიკოს“ მირანდას „გაესპანელებით“ ერთი დამატებითი თავისუფალი ადგილი გაუჩნდება იმ ფეხბურთელისთვის, რომელიც ევროკავშირის ქვეყნის მოქალაქე არ გახლავთ. თუმცა, მირანდა ესპანეთის ნაკრებში ვერ ითამაშებს, რადგან მას ბრაზილიის ნაკრებში ოთხი მატჩი უკვე აქვს ჩატარებული.
ესპანეთის პრიმერადივიზიონის მიმდინარე გათამაშებაში მირანდამ 31 მატჩი ჩაატარა, გაიტანა სამი გოლი და გააკეთა ერთი საგოლე გადაცემა.
ბექა დოგრაშვილი
