ჭდე: უნაი ემერი

უცხოურ პრესაში გავრცელებულ ბოლოდროინდელ ინფორმაციას თუ დავეყრდნობით, “პარი სენ-ჟერმენის” ხელმძღვანელები ზამთრის სატრანსფერო ფანჯარაზე მათვარი მწვრთნელის შეცვლას აპირებენ.

შეგახსენებთ, რომ უნაი ემერი “პსჟ”-ს თავკაცის პოსტს გასულ სეზონში დაეუფლა, თუმცა მას ამ მოკლე პერიოდშიც ჰქონდა დიდი ჩავარდნები – “ბარსელონასთან” განცდილი მტკივნეული მარცხი (1:6) და ჩემპიონობის დათმობა “მონაკოსთვის”.

მიუხედავად ზემოთხსენებული ჩავარდნებისა, “სევილიას” ექს-თავკაცმა მაინც მოახერხა დაკავებული სავარძლის შენარჩუნება. თუმცა, ამ ყველაფერს უკვე გასახდელში არსებული პრობლემებიც დაემატა, რაც შესაძლოა, მოთმინების ფიალაში ჩავარდნილი ბოლო წვეთი იყო კლუბის ხელმძღვანელთათვის.

Yahoo Sport-ის ცნობით, ემერის შემცვლელად “პსჟ”-ს უფროსებს გუნდში “მანჩესტერ იუნაიტედის” თავკაცის, ჟოზე მოურინიოს მიყვანა სურთ.

საფრანგეთის ერთ-ერთი ყველაზე პოპულარული და ავტორიტეტული გამოცემა, L’equipe საკმაოდ საინტერესო ინფორმაციას ავრცელებს, რომლის მიხედვითაც, “პარი სენ-ჟერმენის” ხელმძღვანელებმა უნაი ემერის საკმაოდ სერიოზული ულტიმატუმი წაუყენეს.

წყაროს ცნობით, პარიზული გრანდის პრეზიდენტი 45 წლის სპეციალისტისგან ჩემპიონთა ლიგაზე წარმატების მიღწევას ითხოვს, რაშიც ეს უკანასკნელი გუნდის მინიმუმ ნახევარფინალში გასვლას მოისაზრებს. წინააღმდეგ შემთხვევაში კი ემერის გუნდის მთავარი მწვრთნელის პოსტის დატოვება მოუწევს.

შეგეახსენებთ, რომ გასულ სეზონში უნაი ემერის მიერ გაწვრთნილი გუნდი მსოფლიოს ყველაზე პრესტიჟული საკლუბო ტურნირიდან “ბარსელონამ” გამოაგდო ბრწყინვალე ქამბექის ხარჯზე (4:0, 1:6).

უნაი ემერის პოტენციურ ჩამნაცვლებლად, რომელსაც კონტრაქტი 2018 წლის ზაფხულში ეწურება, ჟორჟე ჟეზუშსა (“სპორტინგი”) და ანდრე ვილაშ-ბოაშს (“შანჰაი ტელეისი”) მოისაზრებენ.

“პარის სენ-ჟერმენის” მთავარმა მწვრთნელმა, უნაი ემერიმ პრესასთან საუბრისას აღნიშნა, რომ წარუმატებელი ასპარეზობის მიუხედავად, კლუბის პრეზიდენტი მაინც მის მხარეზე დგას.

შეგახსენებთ, რომ პარიზელები შაბათს, გასვლაზე, “გენგამთან” გამართულ შეხვედრაში დამარცხდნენ (2-1). ამით კი საშინაო ჩემპიონატში ფრანგ ჩემპიონთა მოუგებული სერია სამამდე გაიზარდა. შედეგად, “პსჟ” ამ დროისთვის სატურნირო ცხრილში მესამეა.

“ჩემპიონატი 38 მატჩს მოიცავს. ჩვენი მიზანი პირველზე გასვლაა. დარწმუნებული ვარ, რომ კლუბი პოზიციას შეიცვლის.

კლუბის პრეზიდენტთან მატჩის შემდეგ, გასახდელში ვისაუბრე და მან დამარწმუნა, რომ ჩვენს მხარესაა. მართალია, ჩვენი მისიის შესრულება საკმაოდ რთულია, მაგრამ ეს ფეხბურთია.”

“პარის სენ-ჟერმენის” ახალმა მთავარმა მწვრთნელმა, უნაი ემერიმ პრესასთან კლუბის სამომავლო გეგმებზე საუბრისას აღნიშნა, რომ პარიზელები მომავალ სეზონში ყველაფრის მოგებას აპირებენ.

“პარიზელთა მოლოდინები საკმაოდ მაღალია. ეს გამარჯვებულთა კლუბია. დიდი გამოწვევები მივიღე … ყველაფრის მოგება გვინდა.

ამ კლუბის ლიმიტი? არ არსებობს.

ჩემპიონთა ლიგა? რა თქმა უნდა, ეს მნიშვნელოვანი სამიზნეა, თუმცა სხვებიც არიან.

ჩვენი მიზანი პროგრესირებაა, გაძლიერება და გაზრდა. კლუბში ოპტიმისტური ატმოსფეროა. იმ გუნდით, რომელიც ახლა გვყავს, ვფიქრობ, ბევრს მივაღწევთ.”

“პარის სენ-ჟერმენმა” ზაფხულის სატრანსფერო ფანჯარაზე უკვე მოასწრო ჰატემ ბენ არფასა და გრეგორჟ კრიხოვიაკის შეძენა, ისევე როგორც ტომას მუნიესი, თუმცა ემერი ამით დაკმაყოფილებას არ აპირებს.

“ჩვენ კვლავ გვჭირდება ახალი ფეხბურთელები. ამ მომენტში ვცდილობთ შესაფერისი ვარიანტი მოვძებნოთ შეტევითი ხაზის მაქსიმალურად გასაძლიერებლად.”