ჭდე: რივერ პლეიტი

როგორც არგენტინული გამოცემა „ოლე“ იტყობინება, ცნობილი ნახევარმცველი ლუჩო გონსალესი „რივერ პლეიტში“ დაბრუნდა. 34 წლის ფეხბურთელმა ბუენოს-აირესის კლუბთან 2-წლიანი კონტრაქტი გააფორმა.

„რივერ პლეიტის“ ღირსებას ნახევარმცველი 2002 წლიდან 2005 წლამდე იცავდა. ამის შემდეგ ლუჩო ევროპაში გაემგზავრა, სადაც „პორტუსა“ და „მარსელის“ შემადგენლობაში ითამაშა. ამ პერიოდში ის ექვსჯერ პორტუგალიის ჩემპიონი და ერთხელ საფრანგეთის ჩემპიონი გამხდარა. „პორტუდან“ წასვლის შემდეგ გონსალესი ყატარულ „ალ-რაიანში“ გამოდიოდა.

შეგახსენებთ, რომ ორი კვირის წინ „რივერს“ კიდევ ერთი ყოფილი ფეხბურთელი ხავიერ სავიოლა დაუბრუნდა.

არგენტინელმა თავდამსხმელმა ხავიერ სავიოლამ „რივერ პლეიტთან“ ვარჯიში დაიწყო.

ოფიციალურად კლუბის მოთამაშე ის პირველ ივლისს გახდება.

შეგახსენებთ, რომ სავიოლა მშობლიურ „რივერში“ იტალიური „ვერონიდან“ გადაბარგდა, რომლის შემადგენლობაში განვლილ სეზონში ითამაშა.

ცნობილმა არგენტინელმა ნაევარმცველმა პაბლო აიმარმა 15-წლიანი პაუზის შემდეგ „რივერ პლეიტის“ მაისურით პირველად ითამაშა. ფეხბურთელმა „როსარიო სენტრალთან“ მატჩის ბოლო თხუთმეტ წუთში მიიღო მონაწილეობა.

გამოცდილი შუახაზელი „რივერს“ მიმდინარე წლის იანავრში შეუერთდა, თუმცა ტრავმების გამო, სათამაშოდ მზად მხოლოდ ახლა აღმოჩნდა.

შეგახსენებთ, რომ აიმარი „რივერ პლეიტის“ აღზრდილია, თუმცა ამ გუნდში მხოლოდ 2000 წლამდე თამაშობდა, რის შემდეგაც ევროპაში გადაბარგდა.