ჭდე: ლუის ენრიკე

კატალონიური “ბარსელონას” მთავარმა მწვრთნელმა, ლუის ენრიკემ გუშინ ბოლო მატჩი ჩაატარა “ლურჯ-ბროწეულისფერთა” თავკაცის როლში და ბოლო ტიტულიც მოიგო – დაამარცხა რა “ალავესი” (3:1) სამეფო თასის ფინალურ მატჩში.

“ბედნიერი ვარ, რადგანაც ამ ტიტულის მოგებაც მოვახერხე და “ბარსას” გულშემატკივრები გავაბედნიერე, ჩემთვის კი ეს ყველაზე მნიშვნელოვანია.

კლუბიდან წასვლის გადაწყვეტილება თავად მივიღე, ასე ჩემთვისაც უკეთესია, ფეხბურთელებისთვისაც და კლუბისთვისაც. ასე მათ უფრო მეტი მოტივაცია მიეცემათ.

9 ტიტული 13-დან, ბრწყინვალე შედეგია,” – აცხადებს ლუის ენრიკე.

ბოლო დროს ლუის ენრიკესა და ჟურნალისტებს შორის არსებული ურთიერთობა კრიტიკულ ნიშნულს უახლოვდება.

“ესპანიოლთან” მატჩამდე გამართული პრესკონფერენცია “ბარსელონას” მთავარმა მწვრთნელმა პროტესტის ნიშნად დატოვა, რისი მიზეზი ერთ-ერთი ჟურნალისტის მიერ დასმული კითხვა იყო.

“ლუჩოს” L’Equipe-ს მიერ გამოქვეყნებული საუკეთსო მწვრთნელთა რეიტინგის შესახებ დაუსვეს კითხვა, რომელშიც მან მე-13 ადგილი დაიკავა.

მას შემდეგ, რაც ლუის ენრიკემ ირონიულად თქვა: “მიყვარს მეცამეტე ადგილი”, ჟურნალისტებს კი შემდეგი სიტყვებით მიმართა: “ბევრი დრო არ დარჩა”, სახე ყალბი ღიმილით დაიმშვენა და ოთახიდან გავიდა.

კატალონიური “ბარსელონას” მთავარმა მწვრთნელმა, ლუის ენრიკემ კლუბიდან წასვლის შესახებ გაკეთებული განცხადების შემდეგ, პრესასთან ისაუბრა.

“დიახ, მომდევნო სეზონში “ბარსელონას” მწვრთნელი აღარ ვიქნები. ჩემთვის ამ გადაწყვეტილების მიღება ძალიან რთული იყო. ამაზე ბევრი ვიფიქრე და მჯერა, რომ სწორ ნაბიჯს ვდგამ.

სეზონის დაწყებამდე, კლუბის ხელმძღვანელებს გავესაუბრე და ვუთხარი, რომ იყო რაღაც შანსი, მათთან კონტრაქტი არ გამეხანგრძლივებინა. მათ კი მითხრეს, რომ ეს საჩქარო არ იყო.

მიზეზი? ამ პროფესიით მუშაობა დიდ სირთულეებთანაა დაკავშირებული, დასვენებისთვის ძალიან ცოტა დრო მრჩებოდა,” – აცხადებს ესპანელი სპეციალისტი.