დღეს ჩემპიონთა ლიგის ნახევარფინალურ შეხვედრაში “ლივერპულმა” საკუთარ მოედანზე “რომა” მიიღო და მეტოქე ანგარიშით, 5-2 გაანადგურა. ამ გამარჯვების შემდეგ, მერსესაიდელთა კაპიტანმა, ჯორდან ჰენდერსონმა ჟურნალისტებთან ისაუბრა.
“იმედგაცრუებულნი ვართ, რომ ორი გოლი გავუშვით. ვგრძნობით, მატჩს ვაკონტროლებდით. თუმცა, რა თქმა უნდა, კარგია, ამავე დროს, შეხვედრა რომ მოვიგეთ. იტალიაში სამბურთიანი უპირატესობით ჩავალთ. ბოლო ოცი წუთის მანძილზე ჩვენი ფეხბურთი არ გვითამაშია. მათმა გოლებმა მცირე ნერვიულობა გამოიწვია. თუმცა, თავდაჯერებულობა უნდა შევინარჩუნოთ,” – ამბობს კაპიტანი.
