28 ნოემბერს, საფრანგეთის ჩემპიონატში “რეიმსმა” საკუთარ მოედანზე “რენი” მიიღო.
მასპინძელთა ძირითად შემადგენლობაში იყო ჯაბა კანკავა, რომელიც მეორე ნახევარში მოედნიდან გააძევეს. ქართველმა ფეხბურთელმა ორი ყვითელი ბარათი მიიღო. პირველად ის მსაჯმა 35-ე წუთზე გააფრთხილა, მეორედ კი 65-ე წუთზე.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ რას აკეთებენ ჯაბა კანკავა და ტრაორე “რეიმსის” ვარჯიშის შემდეგ.
Fin d'entraînement et interminables échanges entre Jaba Kankava et Hamari Traoré. Qui lâchera le premier ?
Posted by Stade de Reims on Thursday, 26 November 2015
Youtube-ში, უეფას ოფიციალურმა არხმა ევრო 2016-ის შესარჩევ ეტაპზე გატანილი ათი საუკეთესო გოლის ამსახველი ვიდეო გამოაქვეყნა.
აღსანიშნავია, რომ ათეულში მოხვდა ჯაბა კანკავას გოლი, რომელიც მან გერმანიის ნაკრებს გაუტანა.
3 ოქტომბერს, საფრანგეთის ჩემპიონატში, “ლიონმა” საკუთარ მოედანზე “რეიმსი” მიიღო და მეტოქე ანგარიშით 1:0 დაამარცხა.
სტუმართა ძირითად შემადგენლობაში იყო ჯაბა კანკავა, რომელმაც ერთ-ერთ ეპიზოდში “ლიონის” ფეხბურთელებს ძალიან სახიფათო შეტევის დასრულების საშუალება არ მისცა.
ცნობილი სპორტული ტელეკომპანიის beIN Sports-ის ვებ-გვერდი საფრანგეთის ჩემპიონატის მერვე ტურის სიმბოლური ნაკრები შეადგინა.
აღსანიშნავია, რომ ტურის რჩეულებს შორის “რეიმსის” ნახევარმცველი ჯაბა კანკავა მოხვდა. ქართველი ფეხბურთელის გარდა, სიმბოლურ გუნდში ანხელ დი მარია და ჰატემ ბენ არფა შეიყვანეს.
25 სექტემბერს, საფრანგეთის ჩემპიონატში, ჯაბა კანკავას “რეიმსმა” საკუთარ მოედანზე “ლილი” მიიღო და მეტოქე ანგარიშით 1:0 დაამარცხა.
ქართველი ნახევარმცველი გამორჩეული იყო და მატჩის საუეკთესო ფეხბურთელადაც დაასახელეს.
კანკავას თამაშით კმაყოფილები იყვნენ ფრანგი გულშემატკივრებიც, რომლებიც სოციალურ ქსელებში 29 წლის ფეხბურთელს აქებენ.
“კანკავა – მონსტრი!!!”
“სუპერ კანკავა!!!”
“ცუდია, რომ კანკავა საფრანგეთის ჩემპიონატში აქამდე არ გადმოვიდა. ნამდვილი პიტბულია.”
“იმედი მაქვს, კანკავა ასეთ დონეზე გააგრძელებს თამაშს, რადგან დღეს ის ძალიან ძლიერი იყო.”
“ბრავო, ტრაორეს, კანკავასა და პლასიდს, რომლებმაც შესანიშანვი მატჩი ჩაატარეს.”
“პლასიდმა, კანკავამ და ტრაორემ კარგი მატჩი ჩაატარეს, მაგრამ ჩვენ მთელ გუნდს უნდა მივულოცოთ. ბრავო!”
“ოქროს ბურთი კანკავას”
#Kankava ballon d’or #SDRLOSC @beinsports_FR
— SKsia (@SimonKsia) September 25, 2015
25 სექტემბერს, საფრანგეთის ჩემპიონატის მე-8 ტურში, ჯაბა კანკავას “რეიმსმა” საკუთარ მოედანზე “ლილი” მიიღო და მეტოქე ანგარიშით 1:0 დაამარცხა.
ქართველმა ნახევარმცველმა მატჩი სრულად ჩაატარა და რაც ყველაზე სასიხარულოა, ის მატჩის საუკეთესო ფეხბურთელი გახდა. ვებ-გვერდმა Whoscored.com-მა ჯაბა კანკავას თამაში 8.34 ქულით შეაფასა, რაც ორივე გუნდში საუკეთესო მაჩვენებელია.
იმაში, რომ “რეიმსმა” გოლი არ გაუშვა, დიდი წვლილი საქართველოს ნაკრების კაპიტანსაც მიუძღვის. ასევე, ჯაბამ 31-ე წუთზე ყვითელი ბარათი მიიღო.
25 სექტემბერს, საფრანგეთის ჩემპიონატში, ჯაბა კანკავას “რეიმსმა” საკუთარ მოედანზე “ლილი” მიიღო.
მატჩის 31-ე წუთზე შეხვედრის მთავარმა არბიტრმა ჯაბა კანკავა გააფრთხილა. აღსანიშნავია, რომ მიმდინარე სეზონში, საფრანგეთის ჩემპიონატში, საქართველოს ნაკრების კაპიტანმა ყვითელი ბარათი მეოთხედ მიიღო.
25 სექტემბერს, საფრანგეთის ჩემპიონატში, “რეიმსმა” საკუთარ მოედანზე “ლილი” მიიღო.
პირველი ტაიმის ბოლოს, “ლილის” ფეხბურთელებმა ძალიან სწრაფი კონტრ შეტევა განახორციელეს, თუმცა ამ ეპიზოდში ჯაბა კანკავამ ბრწიყნვალედ ითამაშა და მეტოქე გუნდის ფეხბურთელებს შეტევის ზუსტად დასრულების საშუალება არ მისცა.
როგორც იცით, 15 ივლისს, “ფენერბახჩესა” და “დნიპროს” შორის ამხანაგური მატჩი გაიმართა, რომელიც უკრაინელთა გამარჯვებით 0:1 დასრულდა. შეხვედრის 24-ე წუთზე, ჯაბა კანკავასა და ლუიშ ნანის შორის მცირე დაპირისპირება მოხდა.
NTV SPOR-ის ცნობით, პირველი ტაიმის შემდეგ, “ფენერბახჩეს” მთავარი მწვრთნელი ვიტორ ფერეირა ნანის გაესაუბრა. პორტუგალიელმა სპეციალისტმა გუნდის ახალ წევრს ჰკითხა, თუ რატომ იყო ასე გაბრაზებული, ნანიმ კი მას ასეთი პასუხი გასცა: “მეტოქის (კანკავას) უპასუხისმგებლო საქციელს ჩემი საფეხბურთო კარიერის დასრულება შეეძლო. მსაჯი ახლოს იყო, მაგრამ შესაბამისი რეაქცია არ გამოუვლენია. არ მინდა, რომ სეზონის დაწყების წინ ტრავმა მივიღო, შემდეგ კი მთელი წელი ვეღარ ვითამაშო. ამიტომ მქონდა ასეთი რეაქცია.”
ბოლოს, ფერეირამ ნანის უთხრა: “უფრო ყურადღებით იყავი, არ მინდა, რომ გუნდი რომელიმე მატჩში მოედანზე ათი კაცით დარჩეს.”
15 ივლისს, “ფენერბახჩესა” და “დნიპროს” შორის ამხანაგური მატჩი გაიმართა, რომელიც უკრაინელთა გამარჯვებით 0:1 დასრულდა.
შეხვედრის 24-ე წუთზე, ჯაბა კანკავასა და ლუიშ ნანის შორის მცირე დაპირისპირება მოხდა.
შესაძლოა, უკრაინული “დნიპროს” ნახევარმცველმა ჯაბა კანკავამ კარიერა საფრანგეთის ჩემპიონატში მოთამაშე “რეიმსში” განაგრძოს.
ფრანგულ პრესაში გავრცელებული ინფორმაციით, “რეიმსი” ქართველი ფეხბურთელით სერიოზულადაა დაინტერესებული. თუ კლუბები შეთანხმებას მიაღწევენ, “დნიპროს” თავკაცი მირონ მარკევიჩი მზადაა, კანკავა გაუშვას.
მოგეხსენებათ, კანკავამ გასული სეზონი ძალიან მაღალ დონეზე ჩაატარა და “დნიპროს” ევროპის ლიგის ფინალში გასვლაში დიდი როლი ითამაშა. აღსანიშნავია, რომ სულ ცოტა ხნის წინ, “დნიპროს” მთავარმა მწვრთნელმა მირონ მარკევიჩმა ანატოლი ტიმოშუკზე უარი სწორედ იმიტომ თქვა, რომ გუნდში ჯაბა კანკავა ჰყავდა.
“რეიმსმა” გასულ სეზონში საფრანგეთის ლიგა 1-ში მე-15 ადგილი დაიკავა.
