დღეს ყაზახეთის ჩემპიონატის მერვე ტურის მატჩები გაიმართა. ერთ-ერთ მათგანში “ტობოლმა” “კაისარი” მიიღო.
თამაში სტუმართა უპირატესობით წარიმართა და მათივე დამაჯერებელი გამარჯვებით, ანგარიშით, 3-0 დამთავრდა. “ტობოლის” შემადგენლობაში შეუცვლელად ითამაშა საქართველოს ნაკრების კაპიტანმა, ჯაბა კანკავამ. გეტყვით, რომ ქართველის გუნდი უკვე მესამე მატჩია ვერ იგებს, ასევე, ზედიზედ მეორედ მარცხდება.
“ტობოლი” 13 ქულით მეხუთე ადგილზეა, ხოლო “კაისარს” აქამდე სამად სამი ქულა ჰქონდა, შესაბამისად ახლა ექვსით – ბოლოა.
დღეს ყაზახეთის პრემიერ ლიგის მეცხრე ტურის შეხვედრები შედგა. ერთ-ერთ მათგანში “ასტანამ” “ტობოლი” მიიღო და მინიმალური ანგარიშით დაამარცხა.
სტუმართა ძირითად შემადგენლობაში იყო საქართველოს ნაკრების კაპიტანი, ჯაბა კანკავა. მან მთლიანი მატჩი, შეუცვლელად ითამაშა. მას ამ მხრივ ასპროცენტიანი შედეგი აქვს: ნათამაშები სრული შვიდი მატჩი.
ამის შემდეგ “ტობოლს” 13 ქულა აქვს და მესამე პოზიციაზეა. ის შმედეგ ტურში ყარაგანდის “შახტიორს” დაუპირისპირდება.
9 ოქტომბერს, 2018 წლის მსოფლიოს ჩემპიონატის შესარჩევი ეტაპის მესამე ტურის მატჩში საქართველოს ეროვნული ნაკრები სტუმრად უელსის გუნდს დაუპირისპირდება.
Fanebi.Com-ი გთავაზობთ შეხვედრის პრევიუს.
უელსი – საქართველო
სტადიონი: “კარდიფ სითი სთეიდიუმი”
დაწყების დრო: 20:00 საათი, 9 ოქტომბერი
შეხვედრის მთავარი არბიტრი: პაოლო სილვიო მაცოლენი
ჩვენმა ნაკრებმა საკვალიფიკაციო ეტაპზე უკვე ორი მატჩი ჩაატარა. პირველი მათგანი 5 სექტემბერს “დინამო არენაზე” გაიმართა და სტუმრების – ავსტრიელების გამარჯვებით, ანგარიშით, 2-1 დასრულდა. რაც შეეხება მეორე შეხვედრას, საქართველოს ეროვნულმა გუნდმა იგი 6 ოქტომბერს ადგილობრივ ნაკრებთან გამართა ირლანდიაში და ზედიზედ მეორე მარცხი იწვნია (0:1). ორი ტურის შემდეგ ქართველები 0 ქულით მეხუთე ადგილზე იმყოფებიან და, ბურთების უკეთესი შეფარდების წყალობით, მოლდოვას უსწრებენ.
ვლადიმერ ვაისის კოლექტივი თითქმის ოპტიმალური შემადგენლობით შეერკინება უელსურ ნაკრებს. ნაკრების კაპიტანმა, ჯაბა კანკავამ მართალია, ტრავმა მოიშუშა, თუმცა ის ვერ შეძლებს დახმარებას. ასევე, რამდენიმე ხანია დაზიანება აღენიშნებათ ლევან ყენიას, გიორგი აბურჯანიას და ნიკა კვეკვესკირს.
აღსნაიშნავია, რომ ირლანდიასთან გიორგი ლორიამ და სოლომონ კვერკველიამ მიიღეს მიკროტრავმები. მათ, მედიკოსთა რჩევით, ერთი დღე დაისვენეს და ნაკრებთან ერთად არ ივარჯიშეს. როგორც ლორია, ასევე კვერკველია მატჩისთვის სრულ მზადყოფნაში იქნებიან. ლაზარეთში კიდევ ერთი ფეხბურთელია – “ჩერნომორეცის” მცველი, დავით ხოჭოლავა, რომელიც ჯერჯერობით ვერ ახერხებს ვარჯიშს. მისი უელსთან გამოჩენა სათუოა.
ცალკე უნდა ვთქვათ მარჯვენა მცველზე, უჩა ლობჟანიძეზე, რომელიც ირლანდიასთან შეხვედრაში, ტრავმის ქონის გამო, ოთარ კაკაბაძემ ჩაანაცვლა. საგულისხმოა, რომ გამოცდილი მცველი ვარჯიშზე გამოჩნდა და შესაძლოა, მან ბრიტანელების წინააღმდეგ იასარეზოს.
სხვა მხრივ, ჩვენი ნაკრების მოთამაშეები სრულ მწყობრში არიან.
ორი სიტყვა მოწინააღმდეგეზეც ვთქვათ… ულესის ნაკრებმა 5 სექტემბერსა და 6 ოქტომბერს, შესაბამისად, ჯერ მოლდოვას მოუგო (4-0), შემდეგ კი ავსტრიასთან გაიყო ქულები (2-2). უელსელები 4 ქულით პირველ პოზიციაზე იმყოფებიან.
ბრიტანელებს სერიოზული დანაკლისი აქვთ იმ მხრივ, რომ მათ გუნდის ორი ლიდერი, აარონ რემზი და ჯო ალენი არ ჰყავთ. გარდა “არსენალის” სპორტსმენისა, ამ გუნდს 22 წლის ნახევარმცველი, ჯონი უილიამსი დააკლდება. სხვა ფეხბურთელები სრულ მზადყოფნაში არიან.
აქამდე ეს ორი ნაკრები ერთმანეთს სამჯერ შეხვდა:
საქართველო – უელსი 5:0 (16/11/94)
უელსი – საქართველო 0:1 (07/06/95)
უელსი – საქართველო 1-2 (20/08/08)
მწვრთნელების კომენტარები
ვლადიმერ ვაისი: “ალბათ, ეს იქნება ბოლო შანსი, რომ სასურველი მიზნისთვის ვიბრძოლოთ. ჩვენ გვაქვს ოცნება, რომლის ახდენაც ძალიან რეალურია. ვიმედოვნებ, არა მარტო უელსთან, არამედ სხვა დანარჩენ გუნდებთან, ყველა მატჩში შევძლებთ ქულების აღებას. გვაქვს პოტენციალი, რომელიც ბოლომდე უნდა გამოვავლინოთ: უნდა გამოვიყენოთ საგოლე მომენტები და დაცვაში უაზრო შეცდომები არ დავუშვათ. აუცილებელია ბალანსის პოვნა შეტევასა და დაცვას შორის. საქართველოსთვის წარმატების მიღწევა საკმაოდ რეალურია.”
კრის კოულმენი: “ყველა მხირვ მზად ვართ. რემზის ამბავს შეგუებულნი ვიყავით, თუმცა ახლა ჯო ალენიც დაგვიზიანდა. ექიმებმა მას გამოკვლევა ჩაუტარეს და გვირჩიეს, რომ გარისკვა არ ღირს. მიუხედავად დანაკლისებისა, თავს ძლიერად ვთვლით – ჩვენ ერთიანი, შეკრული გუნდი ვართ, რომელსაც ნებისმიერ მეტოქესთან შეუძლია ბრძოლა გამარჯვებისთვის.”
“არ აქვს მნიშვნელობა, ვის ვეთამაშებით. აუცილებელია მაქსიმალური კონცენტრაცია და 3 ქულისთვის ყველაფრის გაკეთება!
სავარაუდო შემადგენლობები:
უელსი
საქართველო
9 ოქტომბერს საქართველოს ეროვნული ნაკრები მსოფლიოს საკვალიფიკაციო ეტაპის მესამე შეხვედრას გამართავს. ჩვენები უელსელების წინააღმდეგ შეეცდებიან წარმატების მოპოვებას.
ქართველთა მთავარმა მწვრთნელმა, ვლადიმერ ვაისმა წინასამატჩო პრესკონფერენცია გამართა.
“ალბათ, ეს იქნება ბოლო შანსი, რომ სასურველი მიზნისთვის ვიბრძოლოთ. ჩვენ გვაქვს ოცნება, რომლის ახდენაც ძალიან რეალურია.”
“ვიმედოვნებ, არა მარტო უელსთან, არამედ სხვა დანარჩენ გუნდებთან, ყველა მატჩში შევძლებთ ქულების აღებას. გვაქვს პოტენციალი, რომელიც ბოლომდე უნდა გამოვავლინოთ: უნდა გამოვიყენოთ საგოლე მომენტები და დაცვაში უაზრო შეცდომები არ დავუშვათ. აუცილებელია ბალანსის პოვნა შეტევასა და დაცვას შორის.”
“საქართველოსთვის წარმატების მიღწევა საკმაოდ რეალურია,” – განუცხადა ჟურნალისტებს ვაისმა.
გუშინ რამდენიმე ქართველმა ლეგიონერმა თავიანთ გუნდებში იასპარეზა.
Fanebi.Com-ი გთავაზობთ ინფორმაციას 24 სექტემბერს გამორჩეული ქართველი ლეგიონერების მიერ ჩატარებული მატჩებზე.
რუსეთის პრემიერ ლიგის მერვე ტურში თორნიკე ოქრიაშვილის “კრასნოდარი” მოსკოვში ადგილობრივ “ცეესკას” დაუპირისპირდა. საბოლოოდ, მატჩი, ანგარიშით, 1-1 დასრულდა. საქართველოს ნაკრების ფეხბურთელს მოედანზე გამოსვლის საშუალება არ მისცემია. მან სათადარიგოდან ადევნა შეხვედრას თვალი. რაც შეეხება ჩვენებურის გუნდს, კრასნოდარელებს 12 ქულა აქვთ და მეექვსე პოზიციაზე იმყოფებიან.
საბერძნეთის სუპერ ლიგაში, მესამე ტურში, ორი წაგების შემდეგ, პირველი მატჩი მოიგო გიორგი ნავალოვსკის “ვერიამ”. თავიდანვე გეტყვით, რომ გიორგიმ 90 წუთი შეუცვლელად ითამაშა! მე-80 წუთზე ჩვენმა თანამემამულემ ყვითელი ბარათიც მიიღო. ნავალოვსკის გუნდს, სამი ტურის შემდეგ 3 ქულა აქვს და მეცხრე ადგილზეა.
უნგრეთის ჩემპიონატში მეთერთმეტე ტურის შეხვედრები ჩატარდა. მურთაზ დაუშვილის “დიოშდიორი” “დებრესენს” დაუპირისპირდა და საკუთარ მოედანზე, ორბურთიანი სხვაობით, 1-3 დამარცხდა. ქართველმა საყრდენმა შეუცვლელად ითამაშა და 59-ე წუთზე ყვითელი ბარათიც მიიღო. დაუშვილის გუნდს ამ წაგების შემდეგ 8 ქულა დაუგროვდა და ბოლო – მე-12 ადგილს იკავებს.
უკრაინის პრემერ ლიგის მეცხრე ტურში ქართველი მოთამაშეების გუნდები ერთმანეთს დაუპირისპირდნენ. კონკრეტულად, ჯაბა ლიპარტიას “ზორია” საკუთარ მოედანზე ალექსანდრე კობახიძის “ვორსკლას” შეერკინა. შეხვედრა ლიპარტიას კლუბის გამარჯვებით – 2-1 დასრულდა. არცერთს გოლი არ გაუტანია. კობახიძემ ძრითადიდან დაიწყო და 75-ე წუთზე შეცვალეს. ხოლო, ჯაბა მოედანზე ზუსტად 75-ეზე შევიდა და სათამაშოდ 15 წუთი მიეცა. “ზორიას” 9 ტურის შემდეგ 20 ქულა აქვს და მეორე ადგილზეა. სანდროს კლუბი კი 12 ქულით მეექვსე პოზიციას იკავებს.
24 სექტემბერს ავსტრიის ბუნდესლიგაში გიორგი ქვილითაიას “რაპიდმა” ითამაშა სტუმრად და “პოლტენს” დაუზავდა (1-1). ჩვენებური მოედანზე არ გამოსულა. ვენურ კლუბს 9 ტურის შემდეგ 16 ქულა აქვს და მესამე ადგილზეა.
ასევე, იხილეთ: “ხიმნასტიკში” ოთარ კაკაბაძის დებიუტი შედგა
საქართველოს ნაკრების კაპიტანმა, ჯაბა კანკავამ “დნიპრო” 2015 წლის ზაფხულში დატოვა და ფრანგულ “რეიმსში” გადავიდა. ეს გუნდი სეზონის ბოლოს უსახური ასპარეზობის გამო “ლიგა 2”-ში გადავიდა. ჯაბას გუნდის დატოვება სურს, რადგან საფრანგეთის ქვედა ლიგაში თამაში მას ხელს არ აძლევს.
როგორც გავლენიანი ფრანგული გამოცემა, Foot-sur7 იტყობინება, ქართველი ესპანური “მალაგას” ინტერესთა სფეროში მოექცა. პირენეელები “რეიმსის” მესვეურებს დაუკავშირდნენ და ჯაბას ტრანსფერის თაობაზე ისაუბრეს. თუმცა, ჯერ არაფერია გარკვეული.
აღსანიშნავია, რომ თურქული “ტრაბზონფორიც” ინტერესდება ქართველი მოთამაშით. აქვე გეტყვით, რომ კანკავას 2019 წლამდე აკავშირებს კონტრაქტი მის ახლანდელ გუნდთან.
დე ბური: “იკარდი კლუბს არ დატოვებს”
მილანური “ინტერის” ახალმა თავკაცმა, ფრანკ დე ბურმა ყველასათვის ნათელი გახადა ის ფაქტი, რომ კლუბის არგენტინელი ლიდერი, მაურო იკარდი მომავალ სეზონსაც “სან სიროზე” გაატარებდა.
“ჩვენ შევინარჩუნებთ ყველა იმ ფეხბურთელს, რომლის შენარჩუნებაც გვინდა. მათ შორის იკარდისაც.”
“ვოლფსბურგმა” “იუვენტუსს” ძაძას ტრანსფერის თაობაზე ახალი შეთავაზება გაუგზავნა
Sky Sport Italy-ს ცნობით, “ვოლფსბურგმა” “იუვენტუსს” სიმონე ძაძას ტრანსფერის თაობაზე ახალი შეთავაზება გაუგზავნა – გერმანული კლუბი მზადაა 25 მილიონი ევრო გადაუხადოს “ბებერ ქალბატონს” იტალიელის სანაცვლოდ.
იტალიაში არ გამორიცხავენ იმასაც, რომ ძაძას ტრანსფერში “ვოლფსბურგის” ნახევარმცველი, ლუის გუსტავოც ჩაერთოს.
მატუიდის შეძენა “იუვენტუსს” სურს
Le Parisien-ის ცნობით, ტურინის “იუვენტუსს” “პარი სენ-ჟერმენის” ნახევარმცველის, ბლეზ მატუიდის შეძენა სურს. ფრანგული კლუბი ფეხბურთელში 50 მილიონ ევროს ითხოვს.
ლუკას ვასკესი “ლაციოში”?
რომის “ლაციო” მადრიდის “რეალისათვის” ლუკას ვასკესში 15 მილიონი ევროს შეთავაზებას აპირებს. AS-ის ცნობით, რომაელები ვასკესს ანტონიო კანდრევას შემცვლელად მოიაზრებენ, რომელიც სულ ცოტა ხნის წინ მილანის “ინტერში” გადაბარგდა.
“ნიცა” ჯაბა კანკავათი დაინტერესდა
ფრანგულ პრესაში გავრცელებული ინფორმაციის თანახმად, “ნიცას” ჯაბა კანკავას შეძენა სურს. ქართველმა ფეხბურთელმა გასული სეზონი “რეიმსში” გაატარა, რომელიც ახლა ლიგა 2-ში ასპარეზობს. L’Equipe-ს ცნობით, არ არის გამორიცხული “ნიცამ” საქართველოს ნაკრების კაპიტანი იჯარით დაიმატოს.
მიმდინარე სატრანსფერო ფანჯარაზე თბილისის “დინამო” დატოვა ქართველმა მცველმა, გიორგი გველესიანმა. 25 წლის მოთამაშე თბილისურ გუნდში ათწლიანი ასპარეზობის შემდეგ, უკრაინულ კლუბში, ლუცკის “ვოლინში” გადავიდა.
Fanebi.Com-ი დაუკავშირდა გველესიანს და მასთან ინტერვიუ ჩაწერა…
– პირველ რიგში, რა იყო “დინამოს” დატოვების მთავარი მიზეზი?
– “დინამოდან” წამოსვლის მიზეზებზე ბევრჯერ ვისაუბრე და აღარ მინდა კონკრეტულ დეტალებზე კიდევ ერთხელ ყურადღების გამახვილება. თბილისური კლუბი ჩემთვის გუნდზე მეტი იყო, არის და იქნება. მხოლოდ ერთს ვიტყვი, “დინამოდან” ჩემი ნებით არ წამოვსულვარ.
– რა მოგცათ დედაქალაქურმა კლუბმა ამ 10 წლის მანძილზე?
– აქ გატარებულმა ათმა წელმა მომცა უდიდესი გამოცდილება, როგორც ფეხბურთელს, ასევე ადამიანს. “დინამოდან” წამოსულს არსად გამჭირვებია თავის გამოჩენა და ეს სწორედ ამ კლუბის სკოლის დამსახურებაა.
– გქონდათ თუ არა ლუცკის “ვოლინის” გარდა სხვა შემოთავაზებები და რატომ აირჩიეთ ეს გუნდი?
– ახლა ყველაფერს დეტალურად გიამბობთ… როდესაც “დინამო” დავტოვე, ყოველდღე მირეკავდნენ ქართული კლუბების წარმომადგენლები და მათ გუნდებში თამაშს მთავაზობდნენ. მე ძალიან დიდ პატივს ვცემ ქართველებს, მაგარამ ამ ზაფხულზე გადავწყვიტე, რომ ჩემი კარიერისთვის უფრო უპრიანი უცხოეთში წასვლა იქნებოდა. სწორედ ამ დროს გამოჩნდა ლვოვის “კარპატის” წინადადება. მარტივად რომ აგიხსნათ, მათი შემოთავაზება ასე ჟღერდა: “ჩამოდი, ერთი მატჩი ითამაშე და ხელშეკრულებას გაგიფორმებთ.” ჩავედი ლვოვში, ჩავატარე შეთანხმებული შევხედრა და არ დამიტოვებია ცუდი შთაბეჭდილება. მიუხედავად ამისა, ისე არ მოხდა ყველაფერი, როგორც იყო დაგეგმილი, რადგან მწვრთნელი შეიცვალა გუნდში. შემდეგ იმასთანაც მომიწია თავის გამოჩენა. რაც არ უნდა გასაკვირი იყოს, ეს ხელმძღვანელიც მალევე მოხსნენს თანამდებობიდან და კიდევ ახალი დამრიგებელი მოვიდა. მე პირდაპირ მივედი მასთან და ვუთხარი, რომ მყისიერი გადაწყვეტილება მიეღო ჩემთან დაკავშირებით. მან მთხოვა, შეკრებაზე გავყოლოდი და იქ დამაკვირდებოდა; მხოლოდ ამის შემდეგ მეტყოდა, დამტოვებდა გუნდში თუ არა… მე მაშინვე უარი ვუთხარი და ლუცკის “ვოლინის” შემოთავაზებას დავთანხმდი.
“ვოლინთან” ხელშეკრულება გავაფორმე, თუმცა ველოდები, როდის მისცემენ გუნდს ფეხბურთელის ოფიციალურად დამატების უფლებას. აქვე გეტყვით, რომ უკრაინული გუნდის გარდა, რამდენიმე სხვა შემოთავაზება მქონდა, მაგრამ მე ეს კლუბი ავირჩიე, რადგან ჩემი პრიორიტეტი უკრაინის ჩემპიონატია. აქ სეზონის განმავლობაში ბევრ ძლიერ მეტოქეს შევხვდებით და ეს ჩემს, როგორც ფეხბურთელის, განვითარებას მნიშვნელოვნად შეუწყობს ხელს.
– რა მიზნებისთვის იბრძოლებს “ვოლინი” ამ სეზონში?
– ამ სეზონში ჩვენ მიზნად დაგვისახეს, მინიმუმ, “ევროპის ლიგის” ზონაში მოხვედრა.
– უკრაინის ჩემპიონატში გადასვლა, თქვენი აზრით, როგორ აისახება სანაკრებო კარიერაზე?
– ჩემი აზრით, თუ აქ თავს კარგად წარმოვაჩენ, ძალიან გაიზრდება იმის შანსები, რომ ეროვნულ ნაკრებში რეგულარულად გამომიძახონ და ჩემი ქვეყნის ღირსება დავიცვა.
საქართველოს ეროვნული ნაკრების კაპიტანი, ჯაბა კანკავა ფრანგული “რეიმსის” გულშემატკივრებმა იანვრის საუკეთესო მოთამაშედ დაასახელეს.
კანკავამ, იანვარში, “რეიმსის” მაისურით ექვს მატჩში მიიღო მონაწილეობა. ქართველმა ფეხბურთელმა ერთხელ საგოლე პასის გაკეთებაც მოახერხა. ზოგადად კი, თავის გუნდში ყოველთვის გამორჩეული იყო.
შეგახსენებთ, რომ 29 წლის ნახევარმცველი ფრანგულ კლუბს 2015 წლის აგვისტოში შეურთდა.
24 იანვარს, საფრანგეთის ჩემპიონატის 22-ე ტურში, “რეიმსმა” საკუთარ მოედანზე “სენტ-ეტიენი” მიიღო და ფრედ 1:1 ითამაშა.
მასპინძლებმა ქულის მოპოვება 89-ე წუთზე მანდის გოლის წყალობით მოახერხეს. აღსანიშნავია, რომ მას საგოლე გადაცემა ქართველმა ნახევარმცველმა, ჯაბა კანკავამ გაუკეთა.
საქართველოს ეროვნული ნაკრების კაპიტანი ჯაბა კანკავა კახა ცხადაძის ნაკრებიდან შესაძლო წასვლას გამოეხმაურა.
შეგახსენებთ, რომ ცხადაძემ 20 იანვარს პრესკონფერენცია გამართა, სადაც თქვა, რომ ის არსად წასვლას არ აპირებს. თუმცა, მისი თქმით, სპორტისა და ახალგაზრდობის მინისტრს ქვეყნის პირველ გუნდში მისი მუშაობა არ სურს.
“ნაკრებში ძალიან კარგი სიტუაციაა. კახასთან მუშაობა მსიამოვნებს და მსურს, მომავალში მასთან ვითანამშრომლო”, – უთხრა კანკავამ რუსთავი 2-ს.
სპორტული ვებ-გვერდი Fanebi.Com გერმანულ სააგენტო Transfermarkt-ზე დაყრდნობით ყველაზე ძვირადღირებული ქართველი ფეხბურთელების ხუთეულს გთავაზობთ.
5. ჯანო ანანიძე (მოსკოვის “სპარტაკი”)
ფასი: 2 500 000 ევრო
4. ვალერი ყაზაიშვილი (“ვიტესი”)
ფასი: 3 000 000 ევრო
3. გურამ კაშია (“ვიტესი”)
ფასი: 3 000 000 ევრო
2. ჯაბა კანკავა (“რეიმსი”)
ფასი: 3 000 000 ევრო
1. სოლომონ კვირკველია (“რუბინი”)
ფასი: 4 500 000 ევრო
