ლივერპულის “ევერტონის” ნახევარმცველი ჟერარ დეულოფეუ მილანში ჩავიდა, სადაც ორშაბათს სამედიცინო შემოწმებას გაივლის და “როსონერისთან” კონტრაქტს გააფორმებს. ცნობილია, რომ იტალიური კლუბი ესპანელ ფეხბურთელს 500 ათასი ევროს სანაცვლოდ იჯარის წესით აიყვანს, სეზონის ბოლოს კი მისი სრულად გამოსყიდვის უფლება მიეცემა.
Deulofeu has JUST landed in Milano!
He’s expected to take his medicals tomorrow! #ACMilan #WelcomeDeulofeu pic.twitter.com/i8KX4ozSX9
— ItalianFootballTV (@IFTVOfficial) 22 January 2017
პარასკევს “მილანის” ოფიციალურმა გვერდმა ჟერარ დეულოფეუს ტრანსფერის შესახებ გვამცნო, თუმცა “ევერტონმა” ეს ინფორმაცია უარყო, მოგვიანებით კი “როსონერის” პრესსამსახურმაც წაშალა ცნობა საკუთარ მიკრობლოგზე.
დღეს “მილანის” აღმასრულებელმა დირექტორმა ადრიანო გალიანიმ შესაძლო ტრანსფერის შესახებ მოკლე კომენტარი გააკეთა.
“უფლება მაქვს, გითხრათ, რომ დეულოფეუს ტრანსფერის თაობაზე მოლაპარაკებები გრძელდება. რამდენად ახლოს ვართ გარიგების წარმატებით დასრულებასთან? მხოლოდ იმის თქმა შემიძლია, რომ მოლაპარაკებები გრძელდება”, – ციტირებს გალიანის სიტყვებს Football Italia.
“ბარსელონას” შემტევი ჟერარ დეულოფეუ კარიერას “სევილიაში” გააგრძელებს.
20 წლის ფეხბურთელი ანდალუსიურ კლუბში სამედიცინო შემოწმებას ორშაბათს გაივლის, რის შემდეგაც კონტრაქტს ხელს მოაწერს და ოფიციალურად გახდება გუნდის ფეხბურთელი.
დეულოფეუ “სევილიაში” იჯარის წესით თამაშებს. ანდალუსიელებს ფეხბურთელის სრულად გამოსყიდვის უფლება არ მიენიჭებათ.
დეულოფეუმ გასული სეზონი აგრეთვე იჯარის წესით ლივერპულის “ევერტონში” გაატარა. ინგლისის პრემიერლიგაში ესპანელმა ფეხბურთელმა 25 მატჩი ჩაატარა და 3 გოლი გაიტანა.
ლივერპულის „ევერტონის“ თავდამსხმელმა ჟერარ დეულოფეუმ კლუბის მთავარი მწვრთნელის, რობერტო მარტინესის მიმართ საქებარი სიტყვები არ დაიშურა.
ახალგაზრდა ესპანელი ფეხბურთელი დარწმუნებულია, რომ მარტინესი გაცილებით ძლიერი გუნდის თავკაცობასაც გაართმევდა თავს.
„მარტინესი თავიდანვე ძალიან დამეხმარა. მან იცოდა, რომ გამიჭირდებოდა, მაგრამ მოთმინება გამოავლინა. მწვრთნელი მენდო და პრემიერლიგაში თამაშის შესაძლებლობა მომცა. თქმა არ უნდა იმას, რომ მე უფრო მეტი სათამაშო დროის გამოყოფა მსურდა, თუმცა მარტინესი სწორად მოიქცა. ვთვლი, რომ მან საკმაოდ კარგად წარმოაჩინა საკუთარი თავი და ჩემი აზრით, ის „ბარსელონასთვისაც“ შესანიშნავი თავკაცი იქნებოდა“, – განაცხადა დეულოფეუმ.
შეგახსენებთ, რომ ჟერარ დეულოფეუ ამ დრომდე „ბარსელონას“ ეკუთვნის, „ევერტონში“ კი იჯარის წესით თამაშობს.
ბექა დოგრაშვილი
