ინტერნეტ-სივრცეში გავრცელდა ვიდეო, რომელშიც აღბეჭდილია, თუ რა გაუკეთა დავიდ დე ხეამ იკერ კასილასს ვარჯიშზე.
ჭდე: დე ხეა
7 შემთხვევა, როცა მსოფლიო დონის მეკარეებმა ბავშვური შეცდომა დაუშვეს
უგო ლორისი – ბელორუსის ნაკრები
იკერ კასილასი – ჰოლანდიის ნაკრები
მანუელ ნოიერი – “მიონხენგლადბახი”
პეტრ ჩეხი – საბერძნეთის ნაკრები
ჯანლუიჯი ბუფონი – “ლეჩე”
დავიდ დე ხეა – “ბლექბერნი”
კურტუა – “ჰალ სიტი”
იკერ კასილასი და დავიდ დე ხეა ერთმანეთს არ ესალმებიან (ვიდეო)
ინტერნეტ-სივრცეში გავრცელდა ვიდეო, რომელშიც აღბეჭდილია, თუ რა ხდებოდა ესპანეთის ნაკრების ერთ-ერთი ვარჯიშის დაწყების წინ. საქმე იმაში გახლავთ, რომ ესპანელთა ბაზაზე იკერ კასილასი და დავიდ დე ხეა ერთდროულად მივიდნენ, თუმცა ისინი ერთმანეთს არ მიესალმნენ.
შეგახსენებთ, რომ დე ხეას მადრიდის “რეალს” უკავშირებენ.
“რეალი” დე ხეას შესაძენად ლიდერს შეელევა
მადრიდის “რეალი” დავიდ დე ხეას გადასაბირებლად მზად არის კარიმ ბენზემას შეელიოს.
ესპანური პრესის ცნობით დე ხეა “მანჩესტერის” სამწვრთნელო შტაბს უკვე დაემშვიდობა და აგენტის საშუალებით შეატყობინა, რომ “რეალში” სურს გადასვლა. თუმცა, ინგლისური კლუბი მის გაშვებას კონტრაქტის დასრულებამდე არ აპირებს.
24 წლის მეკარემ კარიერაში 2007 წელს “ატლეტიკოში” დაიწყო და მადრიდელთა შემადგენლობაში 57 მატჩი ჩაატარა. 2011-ში დე ხეა “იუნაიტედში” გადაბარგდა და 131 შეხვედრაში 134 გოლი გაუშვა.
ჩეხი, კრული, ვალდესი და სხვები – ვინ შეცვლის დე ხეას?
მომდევნო სეზონიდან დავიდ დე ხეა დიდი ალბათობით “მანჩესტერ იუნაიტედის” ღირსებას აღარ დაიცავს. ეს ლუი ვან გაალსაც ესმის, რომელმაც ესპანელი კიპერის შემცვლელზე ფიქრი უკვე დაიწყო. ისევე როგორც, ბრიტანული Daily Mail-ის ჟურნალისტებმა, რომლებმაც იმ მეკარეებზე ისაუბრეს, რომელთაც მომდევნ სეზონში მანჩესტერული კლუბის კარის დაცვა შეუძლიათ.
პეტრ ჩეხი
32 წლის ჩეხმა კიპერმა “ჩელსის” სასტარტოში ადგილი ტიბო კურტუასთან წაგებული კონკურენციის შემდეგ დაკარგა და ლონდონიდან წაასვლის სურვილსაც გამოთქვამს. ნათელია, რომ გამოცდილ და მსოფლიოს ერთ-ერთ საუკეთესო მეკარეს სათადარიგოთა სკამზე გაჩერება არ უნდა და არც არისტოკრატებს სურთ ძვირადღირებული მოთამაშის სკამზე ყოლა. ჩეხის გადაბირება საკმაოდ ბევრ კლუბს სურს და “მანჩესტერი” ამ გრძელ სიაში ფავორიტი არ იქნება, თუმცა ლუი ვან გაალი ძალიან ჯიუტი კაცია და თუ მოინდომებს ჩეხის “ოლდ ტრაფორდზე” გადასაბირებლად ყველაფერს გააკეთებს.
უგო ლიორისი
საფრანგეთის ნაკრების მეკარის მიმართ “მანჩესტერს” ინტერესი უკვე საკმაო ხანი აქვს. საუბრობენ, რომ ვან გაალმა 28 წლის მეკარისთვის წინადადება უკვე გაამზადა. ცნობილია ისიც, რომ კლუბის გამოცვლაზე თავად ლიორისიც ფიქრობს. მისი მთავარი მოტივაცია კი ჩემპიონთა ლიგაში თამაშია, რაც “ტოტენჰემის” შემადგენლობაში ფაქტობრივად შეუძლებელია.
ამ შემთხვევაში მთავარი ხელისშემშლელი ფაქტორი ლონდონურ კლუბთან უგოს ოთხწლიანი კონტრაქტია, რომლის გამოსყიდვაც სერიოზულ ხარჯებთანაა დაკავშირებული.
ტიმ კრული
ამბიციური 27 წლის ჰოლანდიელი “მანჩესტერის” წინადადებას სიამოვნებით მიიღებს და კარიერაში მორიგ ნაბიჯს გადადგამს. ტიმს ვან გაალთან მუშაობის დიდი გამოცდილება აქვს. კოსტა რიკასთან პენალტების სერიაში მოგებული შეხვედრა კი პირადად მისი და ვან გაალის ტანდების შესანიშნავი მუშაობის შედეგია. მაგრამ, მიმდინარე სეზონის “ნიუკასლისთვის” ძალიან წარუმატებელია და კრულის თამაშს ხარისხიც მნიშვნელოვნად დაეცა. ამიტომ, მისი ტრანსფერი ცოტა სარისკოდ გამოიყურება.
ვიქტორ ვალდესი
“ბარსელონას” ყოფილი მეკარე დიდი ხნის განმავლობაში დე ხეას დუბლიორი იყო, მაგრამ ინგლისური მედიის ცნობით მას პირველი ნომრის სტატუსის მოპოვების კარგი შანსი აქვს. 33 წლის ვალდესს ზურგს უდიდესი გამოცდილება უმაგრებს, რაც იმას ნიშნავს, რომ ის ძირითადისთვის ბრძოლას ნებისმიერ მეკარე გაუმართავს.
ჯოელ პერეირა
ბირტანული პრესა ჯერ კიდევ ზამთარში იუწყებოდა, რომ 18 წლის პორტუგალიელს შანსი უახლოეს მომავალში მიეცემოდა. პერეირა უკვე რამდენიმე წელია “მანჩესტერის” სისტემაში ირიცხება და ახალგაზრდული გუნდის უცვლელი წევრიც არის. მომდევნო სეზონს პერეირა 21 წლამდელთა გუნდში დაიწყებს, თუმცა მას ძირითად შემადგენლობასაც შეაჩვევენ, რადგან კლუბში პორტუგალიელზე დიდ იმედებს ამყარებენ.
“რეალი” დე ხეას ტრანსფერში ბეილის ჩართვას არ აპირებს
მადრიდის “რეალი” “მანჩესტერ იუნაიტედიდან” დავიდ დე ხეას გადაბირებას კი აპირებს, მაგრამ სატრანსფერო გარიგებაში გარეტ ბეილის ჩართვა არ სურს. მანჩესტერელებს კი საკუთარ რიგებში სწორედ უელსელის ხილვის სურვილი აქვთ. თუმცა მის ნაცვლად მადრიდელები “იუნაიტედს” ფაბიო კონეტრაუს შესთავაზებენ. პორტუგალიელით ინგლისური კლუბი ადრე ინტერესდებოდა, მაგრამ ლიუკ შოუს გადაბირების შემდეგ მისი პერსონის მიმართ ინტერესი გაქრა.
შესაბამისად, “მანჩესტერში” დე ხეას გაყიდვის შემთხვევაში პირდაპირი ფინანსური გარიგების გაფორმება უფრო აწყობთ და ესპანელ კიპერში 40 მილიონი ევროს მიღება სურთ. მაგრამ, “იუნაიტედი” არც დე ხეას შენარჩუნების იმედს კარგავს და გავრცელებული ინფორმაციით მას ახალ კონტრაქტსაც შესთავაზებს, რომლის მიხედვით ის კვირაში 200 000 გირვანქას მიიღებს.
კვირას, “არსენალთან” მატჩის შემდეგ “იუნაიტედის” დამრიგებელმა, ლუი ვან გაალმა განაცხადა, რომ ფეხბურთელი საკმაოდ რთული გადაწყვეტილების წინაშე დგას.
“ორ დიდ კლუბს შორის არჩევანის გაკეთება ძალიან რთულია. ძალიან კარგი იქნება, თუ დე ხეა “მანჩესტერში” გადაწყვეტს დარჩენას. თუმცა, ის ესპანელია და მისთვის გადაწყვეტილების მიღება რთულია”
დავიდ დე ხეამ დღეს სასწაულებრივი სეივი განახორციელა (ვიდეო)
9 მაისს, ინგლისის პრემიერ ლიგაში “კრისტალ პალასმა” საკუთარ მოედანზე “მანჩესტერ იუნაიტედი” მიიღო და მეტოქესთან ანგარიშით 1:2 დამარცხდა.
შეხვედრის მიმდინარეობისას, მანჩესტერელთა კარის დარაჯმა დავიდ დე ხეამ საოცარი სეივი განახორციელა.
დაივიწყეთ ნოიერი და დე ხეა – ის მსოფლიოს საუკეთესო მეკარეა (ვიდეო)
ინტერნეტ-სივრცეში გავრცელდა სახალისო ვიდეო, რომელშიც აღბეჭდილია, თუ როგორ იგერიებს კატა პატარა ბიჭის მიერ დატყმულ ბურთს.
დავიდ დე ხეამ და ანხელ დი მარიამ მოსწავლეები გაახარეს (ვიდეო)
“მანჩესტერ იუნაიტედის” ფეხბურთელები – ანხელ დი მარია და დავიდ დე ხეა ქალაქში არსებულ ერთ-ერთ აკადემიას ესტუმრნენ.
5 მეკარე ინგლისის პრემიერ ლიგაში, რომელთაც კარი მშრალად ყველაზე მეტ მატჩში შეინახეს
სპორტულმა პორტალმა talkSPORT-მა დაასახელა ინგლისის პრემიერ ლიგაში მოთამაშე ხუთი მეკარე, რომლებმაც მიმდინარე სეზონის განმავლობაში თავიანთი კარის მშრალად შენახვა ყველაზე მეტ მატჩში მოახერხეს.
5. დავიდ დე ხეა – 10 მატჩი
4. ლუკაშ ფაბიანსკი – 11 მატჩი
3. ბენ ფოსტერი – 11 მატჩი
2. სიმონ მინიოლე – 12 მატჩი
1. ფრეიზერ ფოსტერი – 13 მატჩი
10 საუკეთესო მეკარე ინგლისის პრემიერ ლიგაში
საფეხბურთო პორტალმა 90min-მა ინგლისის პრემიერ ლიგის ათი საუკეთესო მეკარე დაასახელა.
10. ტომ ჰიტონი (“ბარნლი”)
9. ბენ ფოსტერი (“ვესტ ბრომვიჩი”)
8. ჯო ჰარტი (“მანჩესტერ სიტი”)
7. რობერტ გრინი (“ქუინს პარკ რეინჯერსი”)
6. ადრიანი (“ვესტ ჰემი”)
5. პეტრ ჩეხი (“ჩელსი”)
4. ფრეიზერ ფოსტერი (“საუთჰემპტონი”)
3. უგო ლორისი (“ტოტენჰემი”)
2. დავიდ დე ხეა (“მანჩესტერ იუნაიტედი”)
1. ტიბო კურტუა (“ჩელსი”)
“რეალი” დე ხეას გადაბირებას და ბეილის შენარჩუნებას აპირებს
მადრიდის “რეალის” “მანჩესტერ იუნაიტედის” მეკარის, დავიდ დე ხეას გადაბირებითაა დაინტერესებული. წყაროს ცნობით, მადრიდელები ინგლისური კლუბის ესპანელ კიპერს ყურადღებით ადევნებენ თვალყურს. თავის მხრივ “მანჩესტერში” კი ამბებს ესპანეთიდან ელიან.
გავრცელდა ინფორმაცია, თითქოს “რეალი” მზად არის ტრანსფერში გარეთ ბეილიც ჩართოს, თუმცა კარლო ანჩელოტიმ განაცხადა, რომ უელსელთან განშორებას არავითარ შემთხვევაში არ აპირებს.
აღსანიშნავია ის გარემოებაც, რომ დე ხეას აგენტი, ჟორჟე მენდეში, მადრიდული კლუბის წარმომადგენლებს რამდენჯერმე შეხვდა.