ლისაბონის “ბენფიკაში” კორონავირუსის 17 შემთხვევა დაფიქსირდა.
ინფიცირებულთა ვინაობა არ სახელდება. უცნობია, რამდენია მათ შორის ფეხბურთელი. კლუბში ელიან გადაწყვეტილებას, თუ როგორი იქნება მათი გრაფიკი უახლოესი ორი კვირის განმავლობაში.
“ბენფიკა” პორტუგალიის ჩემპიონატის მე-14 ტურის თავზე სატურნირო ცხრილში “პორტუსთან” მეორე-მესამე პოზიციებს იყოფს. გუნდს უახლოესი შეხვედრა 20 იანვარს, “ბრაგას” წინააღმდეგ სათასო ტურნირზე აქვს ჩანიშნული.
პორტუგალიის ჩემპიონატის გამარჯვებულის ბედი გათამაშების ბოლო ტურში გადაწყდა. ლისაბონის “ბენფიკამ” საკუთარ მოედანზე “ნასიონალი” მიიღო და მეტოქე ანგარიშით 4:1 დაამარცხა.
მადევარი “სპორტინგი”, მიუხედავად “ბრაგასთან” გამარჯვებისა (4:0), მეორე ადგილზე დარჩა და ვერცხლის მედლებს დასჯერდა. ლიდერსა და მდევარს შორის სხვაობა მხოლოდ 2 ქულა დარჩა.
“ბენფიკა” პორტუგალიის საჩემპიონო ტიტულების რაოდენობით რეკორდსმენია. გუნდმა ქვეყნის მთავარი ტურნირი 35-ედ მოიგო. აღსანიშნავია ისიც, რომ “ბენფიკამ” ტიტული ზედიზედ მესამედ დაისაკუთრა.
უეფას ჩემპიონთა ლიგის მეოთხედფინალურ ეტაპზე ლისაბონის “ბენფიკამ” საპასუხო მატჩში მიუნხენის “ბაიერნი” მიიღო. შეხვედრა ფრედ, ანგარიშით 2:2 დასრულდა.
27-ე წუთზე მასპინძლები დაწინაურდნენ, გოლი რაულ ხიმენესმა გაიტანა, თუმცა შესვენებამდე არტურო ვიდალმა წონასწორობის აღდგენა მოახერხა.
მეორე ტაიმის დასაწყისში გერმანელები ტომას მიულერის გოლით სულაც წინ გავიდნენ. 76-ე წუთზე ანგარიში ანდერსონ ტალისკამ გაათანაბრა, თუმცა მეტის გაკეთება პორტუგალიელებმა ვეღარ შეძლეს.
ამრიგად, “ბაიერნმა” “ბენფიკა” ორი მატჩის ჯამში ანგარიშით 3:2 დაამარცხა და ტურნირის ნახევარფინალურ ეტაპზე თამაშის უფლება მოიპოვა. ბავარიელები ჩემპიონთა ლიგის ნახევარფინალში ზედიზედ მეხუთედ ითამაშებენ.
უეფას ჩემპიონთა ლიგა
საპასუხო მატჩი
“ბენფიკა” — “ბაიერნი” 2:2 (1:1)
გოლები: ხიმენესი 27′, ტალისკა 76′ — ვიდალი 38′, მიულერი 52′.
გაფრთხილებები: კარსელა 70′, ანდრე ალმეიდა 90+1′ — ხავი მარტინესი 74′.
მთავარი მსაჯი: ბიორნ კეიპერსი (ჰოლანდია).
ლისაბონის “ბენფიკას” მეკარე ჟულიო სეზარი მოთამაშის კარიერის დასრულებაზე დაფიქრდა.
Sport Mediaset-ის თანახმად, 35 წლის ბრაზილიელი კიპერი კიდევ სამი წლის განმავლობაში აპირებდა თამაშს, თუმცა ახლა საკუთარ მომავალში დარწმუნებული აღარ არის. ჟულიო სეზარი მიმდინარე სეზონის ბოლოს მიიღებს გადაწყვეტილებას იმის შესახებ, გააგრძელოს კარიერა თუ არა.
პორტუგალიის ჩემპიონატში ჟულიო სეზარმა 19 მატჩში ჩაატარა.
პორტუგალიური პრესის თანახმად, “მანჩესტერ იუნაიტედის” სკაუტები “ბენფიკასა” და “ბრაგას” შორის გამართულ მატჩს დაესწრნენ.
ჩვენი პორტუგალიელი კოლეგების აზრით, “წითელი ეშმაკები” ლისაბონში “ბენფიკას” ორი ფეხბურთელის დასაკვირვებლად ჩავიდნენ. კერძოდ, საუბარია არგენტინელ ნახევარმცველებზე — ენცო პერესსა და ნიკოლას გაიტანზე.
პერესს “ვალენსიასთანაც” აქტიურად აკავშირებენ.
ლისაბონის “ბენფიკას” მთავარი მწვრთნელი ჟორჟე ჟეზუში აცხადებს, რომ ევროპულ ფეხბურთში პორტუგალიური კლუბების წინააღმდეგ შეთქმულებას აწყობენ.
ჟეზუშმა ეს განცხადება ჩემპიონთა ლიგის ჯგუფური ეტაპის III ტურში “მონაკოსთან” გამართული მატჩის (0:0) შემდეგ გააკეთა. შეგახსენებთ, რომ აღნიშნულ შეხვედრაში “ბენფიკას” ცენტრალური მცველი ლისანდრო ლოპესი გააძევეს მოედნიდან.
“მსაჯმა მატჩის პირველ 20 წუთში ორი ყვითელი ბარათი გვიჩვენა, რამაც ჩვენს გეგმებზე გავლენა იქონია. ჩემი აზრით, ეს ყველაფერი იმიტომ ხდება, რომ პორტუგალია კოეფიციენტთა ცხრილში იტალიას და საფრანგეთს ეპაექრება.
“შალკეს” წინააღმდეგ გამართულ შეხვედრაში ანალოგური რამ გაუკეთეს “სპორტინგსაც” (33-ე წუთზე ფეხბურთელი გაუძევეს). მსაჯები სპეციალურად უჩვენებენ პორტუგალური გუნდის ფეხბურთელებს ბარათებს, რათა შემდეგ მოედნიდან იოლად გააძევონ. ასეთი პოლიტიკურად მოტივირებული საკითხების წინააღმდეგ უნდა ვიბრძოლოთ”, – ციტირებს ჟორჟე ჟეზუშის სიტყვებს პორტუგალიური გამოცემა A Bola.
„მონაკოსა“ და ლისაბონის მატჩი ჩემპიონთა ლიგის ჯგუფური ეტაპის მესამე ტურში ერთადერტი გამოდგა, რომელშიც გოლები არ გასულა.
ჩემპიონთა ლიგის ჯგუფური ეტაპის პირველ ტურში პორტუგალიელი ანდრე ვილაშ-ბოაშის მიერ დამოძღვრილმა სანკტ-პეტერბურგის “ზენიტმა” სტურმრად ლისაბონის “ბენფიკა” ანგარიშით 2:0 დაამარცხა.
“ბენფიკა” 0-2 “ზენიტი”
გოლები: ჰალკი 5′, ვიტსელი 22′.
გაძევება: არტური 18′ (“ბენფიკა”)
“ქუინს პარკ რეინჯერსის” მეკარე ჟულიო სეზარი ლისაობონის “ბენფიკაში” გადავა.
A Bola-ს ცნობით, ბრაზილიელი ფეხბურთელი უკვე ჩავიდა პორტუგალიაში კონტრაქტზე ხელის მოსაწერად. წყაროს თანახმად, მხარეებს შორის ორწლიანი ხელშეკრულება გაფორმდება.
ჟულიო სეზარმა გასული სეზონის მეორე ნახევარი იჯარის წესით MLSის კლუბ “ტორონტოში” გაატარა. ამ დროის პერიოდში ჩაატარა შვიდი მატჩი და გაუშვა 9 გოლი, ორ შეხვედრაში კარი მშრალად შეინახა. ამასთან, ერთხელ მის მიერ შესრულებული მოგერიება კვირის საუკეთესო სეივადაც დაასახელეს.
ჟულიო სეზარმა ბრაზილიაში გამართულ მსოფლიოს ჩემპიონატზე შვიდი მატჩი ჩაატარა და 14 გოლი გაუშვა, რომლიდანაც ნახევარი გერმანიის ნაკრებმა გაუტანა.
34 წლის ბრაზილიელი მეკარის სატრანსფერო ღირებულება 1,5 მილიონ ევროდ ფასდება.
პორტუგალიურმა „ბენფიკამ“ ოფიციალურად გამოაცხადა, რომ გუნდმა მცველი ელიზეუ დაიმატა. 30 წლის ფეხბურთელი მანამდე ესპანური „მალაგას“ ღირსებას იცავდა.
ელიზეუმ „ბენფიკასთან“ კონტრაქტი „2+1“ სქემით გააფორმა.
ოფიციალურად ტრანსფერის დეტალები არ ხმაურდება, თუმცა სხვადასხვა წყაროების ცნობით, „არწივებმა“ პორტუგალიელი მცველის სანაცვლოდ 1,5 მილიონი ევრო გაიღეს.
აღსანიშნავია, რომ „მალაგამ“ ელიზეუსთან კონტრაქტი სულ რაღაც ერთი თვის წინათ გაახანგრძლივა, თუმცა ფეხბურთელის გუნდიდან გაშვებას მაინც დათანხმდა.
პორტუგალიური „ბენფიკა“ წამყვანი ევროპული კლუბებისთვის ერთგვარ დისტრიბუტორად ჩამოყალიბდა. აქამდე ეს ფუნქცია „პორტუს“ ჰქონდა მორგებული, თუმცა „არწივებმა“ ბოლო პერიოდში მართლაც გამოიჩინეს თავი კარგი სატრანსფერო პოლიტიკით. ხუმრობა ხომ არ არის, უკანასკნელ თვეში „ბენფიკამ“ ტრანსფერების მეშვეობით თითქმის 100 მილიონი ევრო იშოვა.
ევროპაში პორტუგალიურმა კლუბებმა ყველაზე კარგად იციან, როგორ იყიდონ იაფად ფეხბურთელი და რამდენიმე წლის შემდეგ ტოპკლუბში ძვირად გაყიდონ. რამდენიმე წლის წინათ ასეთ ტრანსფერებში „პორტუს“ ბადალი არ ჰყავდა. დღესდღეობით „ბენფიკას“ ფეხბურთელები იმდენად პოპულარულები არიან, რომ ივლისის შუა პერიოდში გუნდი სასტარტო შემადგენლობის ერთბაშად ხუთი ფეხბურთელის გარეშე დარჩა. დიდი ალბათობით, აგვისტოს ბოლომდე „ბენფიკას“ კიდევ ორი ფეხბურთელი დატოვებს. ასაკის გამო, სხვა კლუბთა მიერ დაინტერესება არ „ემუქრებათ“ მხოლოდ ლიმას, ლუიზაოსა და მაქსი პერეირას.
საინტერესო კითხვაა, თუ რატომ მიდიან ახალგაზრდა ფეხბურთელები „ბენფიკაში“?! ნიჭიერი მოთამაშეებისთვის ლისაბონური კლუბი ერთგვარ ტრამპლინად ჩამოყალიბდა. „ბენფიკას“ ხელმძღვანელობა დაინტერესებულია, რომ ფეხბურთელები ევროპის საუკეთესო კლუბებში გაყიდონ. მაგალითად ისეთი მოთამაშეების დასახელებაც ღირს, როგორებიც არიან რამირესი, დავიდ ლუისი და ფაბიო კოენტრაუ, რომლებიც „ჩელსიში“ და „რეალში“ გაიყიდნენ. ეს ნებისმიერი მოლაპარაკების დროს „ბენფიკას“ მთავარი კოზირი გახლავთ. ამიტომაც, ახალგაზრდა მოთამაშეები სიამოვნებით მიდიან პორტუგალიურ კლუბში.
„ბენფიკა“ თავის ფეხბურთელებს ტრანსფერზე არ აყენებს, მყიდველი თავად გამოდის კონტაქტზე. ბუნებრივია, ასეთი სქემა პორტუგალიური კლუბისთვის უფრო მომგებიანია. „ბენფიკა“, „პორტუ“ და „სპორტინგი“ ყველაზე ადვილად ქმნიან უცნობი ფეხბურთელებისგან ნამდვილ ვარსკვლავებს. მაგალითად, „ბენფიკას“ სკაუტები უკანასკნელ სეზონში დიდ ყურადღებას უთმობდნენ სერბ მოთამაშეთა ბაზარს. ყველაზე კარგ საილუსტრაციო მაგალითად „პარტიზანის“ 19 წლის მოთამაშე ლაზარ მარკოვიჩი გამოგვადგება. ლისაბონელებმა მის სანაცვლოდ 10 მილიონი ევრო გადაიხადეს, თითქოს მათ სატრანსფერო პოლიტიკაში მარკოვიჩი არც ეწერებოდა, თუმცა ერთ წელიწადში სერბ ფეხბურთელს ლეო მესის მემკვიდრედ თვლიდნენ და „ლივერპულმა“ მის სანაცვლოდ 25 მილიონი ევროც გაიღო.
„წელს უფრო მეტმა ფეხბურთელმა დაგვტოვა, ვიდრე ჩვეულებისამებრ ხდება ხოლმე, თუმცა ასეთ თანხად გაყიდვა წარმატებაა. დიდი ფინანსური შესაძლებლობების მქონე კლუბები სულ უფრო მეტად ინტერსედებიან ჩვენი მოთამაშეებით“, – ამბობს „ბენფიკას“ თავკაცი ჟორჟე ჟეზუში.
კიდევ ერთი საინტერესო კითხვაა, თუ რატომ არ იტოვებს „ბენფიკა“ ამ ფეხბურთელებს თავისთვის?! ასე ხომ წარმატების მეტი შანსი იქნება?! თუმცა, ლისაბონელებს წარმატება არც ახლა აკლიათ. რამდენიმე თვეში აწყობილი გუნდით ჟეზუშმა არამხოლოდ პორტუგალიის ჩემპიონატი, არამედ ქვეყნის ორი სხვადასხვა თასი მოიგო, გავიდა ევროპის ლიგის ფინალშიც, სადაც „სევილიასთან“ პენალტების სერიაში დამარცხდა. რატომ ელევა კლუბი ასე ადვილად ლიდერებს? საქმე იმაში გახლავთ, რომ პორტუგალიური კლუბები მხოლოდ ევროსარბიელიდან და ტრანსფერებიდან მიღებული შემოსავლებით არსებობენ. მცირე თანხას იღებენ სატელევიზიო ტრანსლაციების და მარკეტინგის ხარჯზე. „ბენფიკაში“ ყველაზე მაღალი ხელფასი გუნდის თავკაც ჟორჟე ჟეზუშს აქვს, რომელიც წელიწადში 4 მილიონ ევროს გამოიმუშავებს. ფეხბურთელთა მაქსიმალური ჯამაგირი ერთნახევარი მილიონი ევროა.
| ფეხბურთელი | რამდენად იყიდა „ბენფიკამ“ | რამდენად გაყიდა „ბენფიკამ“ | სად გადავიდა |
| როდრიგო | 6 მლ ევრო | 30 მლნ ევრო | „ვალენსია“ |
| მარკოვიჩი | 10 მლ ევრო | 25 მლ ევრო | „ლივერპული“ |
| ობლაკი | 3,9 მლ ევრო | 16 მლ ევრო | „ატლეტიკო“ |
| გომეში | – | 15 მლ ევრო | „ვალენსია“ |
| გარაი | 5,5 მლ ევრო | 6 მლ ევრო | „ზენიტი“ |
| მიტროვიჩი | 1,1 მლ ევრო | 1,8 მლ ევრო | „ფრაიბურგი“ |
ლისაბონის „ბენფიკას“ შემტევი ნახევარმცველი ლაზარ მარკოვიჩი „ლივერპულში“ გადავიდა.
20 წლის სერბმა ფეხბურთელმა მერსისაიდულ გუნდთან გრძელვადიან ხელშკრულებას მოაწერა ხელი. „ენფილდროუდელებმა“ მარკოვიჩის სანაცვლოდ 20 მილიონი ფუნტი გაიღეს.
ახალგაზრდა სერ ფეხბურთელს ორივე ფლანგზე შეუძლია თამაში. გარდა ამისა, მას ფლეიმეიქერის ფუნქციების შესრულებაც ძალუძს.
„მოხარული ვარ, რომ ასეთ დიდებულ კლუბს შევუერთდი. იმედი მაქვს, გულშემატკივრების, მწვრთნელების, ფეხბურთელებისა და კლუბთან დაკავშირებული ყველა ადამიანის მოლოდინს გავამართლებ. ვხედავ, როგორი მოთამაშეები და როგორი ქომაგები ჰყავს გუნდს. მოუთმენლად ველოდები „ლივერპულში“ თამაშის დაწყებას“, – განაცხადა მარკოვიჩმა.
სერბმა ფეხბურთელმა 2013-14 წლების სეზონში „ბენფიკას“ ფორმით 49 მატჩი ჩაატარა და შვიდი გოლი გაიტანა.
მიმდინარე სატრანსფერო პერიოდში ლაზარ მარკოვიჩი „ლივერპულის“ მეოთხე შენაძენია. „ენფილდროუდელებმა“ მანამდე „საუთჰემპტონიდან“ რიკი ლამბერტი, ადამ ლალანა და ლევერკუზენის „ბაიერიდან“ ემრე ჯანი დაიმატეს.
