“რენის” თავდამსხმელი ჰატემ ბენ არფა “პარი სენ-ჟერმენს” სასამართლოში უჩივის. ფრანგი ფეხბურთელი პარიზული კლუბისგან ხელშეკრულებით გათვალისწინებული პირობების შეუსრულებლობის გამო შვიდიდან რვა მილიონ ევრომდე მოითხოვს.
ჰატემ ბენ არფა “პარი სენ-ჟერმენის” მთავარ გუნდს 2017 წლის აპრილიდან 2018 წლის ივნისის პერიოდამდე ჩამოაშორეს. ფეხბურთელი ამტკიცებს, რომ პარიზული კლუბის ხელმძღვანელობის ამ ქმედებამ მის კარიერაზე მკვეთრად უარყოფითი გავლენა იქონია. ბენ არფას საჩივარი 50 გვერდს შეადგენს.
საფრანგეთის ჩემპიონატის მე-14 ტურში “პარი სენ-ჟერმენმა” “ლიონი” სტუმრად ანგარიშით 2:1 დაამარცხა. მატჩის შემდეგ უხერხული ეპიზოდი მოხდა. პარიზელთა ნახევარმცველი ჰატემ ბენ არფა ჟურნალისტებს კომენტარს აძლევდა, როდესაც მასთან მისი ყოფილი გუნდის, “ლიონის” პრეზიდენტი ჟან-მიშელ ოლა მივიდა და გადაკოცნა დააპირა, თუმცა ფეხბურთელმა იგი მკაცრი უარით გაისტუმრა.
— “ლიონის” პრეზიდენტი: “არ გადამკოცნი?”
— ჰატემ ბენ არფა: “პრესას ველაპარაკები”.
“პარი სენ-ჟერმენის” ნახევარმცველი ჰატემ ბენ არფა გუნდის მთავარ მწვრთნელ უნაი ემერისთან უთანხმოების მიუხედავად, პარიზის დატოვებას არ აპირებს. ფრანგი ფეხბურთელი ზედიზედ მეოთხე მატჩია გუნდის განაცხადში ვერ ხვდება.
ბენ არფამ სოციალურ ქსელში დაწერა: “პარიზი ერთ დღეში არ აშენებულა”. კომენტარს ვიდეოც დაურთო, რომელშიც მხატვრული ფილმის – “ოფიცერი და ჯენტლმენი” – ნაწყვეტი არის მოცემული. ფილმის აღნიშნულ მონაკვეთში რიჩარდ გირის პერსონაჟი ოფიცრის თვალწინ ტალახში აზიდვებს აკეთებს.
“პარი სენ-ჟერმენის” ნახევარმცველმა ჰატემ ბენ არფამ ევროპის ჩემპიონატის დღეს გასამართ ფინალურ მატჩზე კომენტარი გააკეთა.
“საფრანგეთის ნაკრები გაიმარჯვებს ანგარიშით 1:0, გოლს უგო ლორისი გაიტანს”. – აღნიშნა ბენ არფამ კლუბის სატელევიზიო არხის ეთერში.
შეგახსენებთ, რომ პორტუგალიისა და საფრანგეთის ნაკრებებს შორის ევრო-2016-ის ფინალური მატჩი დღეს, თბილისის დროით 23:00 საათზე დაიწყება.
???? le prono de Ben Arfa pour ce soir. pic.twitter.com/a2WqfS9RhY
— Dark (@Nelson_Menfoot) 10 July 2016
ჰატემ ბენ არფა კარიერას “პარი სენ-ჟერმენში” გააგრძელებს.
29 წლის ფეხბურთელმა პარიზულ კლუბთან ორწლიანი კონტრაქტი გააფორმა.
ბენ არფა მიმდინარე სატრანსფერო პერიოდში “პარი სენ-ჟერმენის” პირველი ახალწვეულია. იგი გუნდში 21-ნომრიან მაისურს მოირგებს.
შეგახსენებთ, რომ გასულ სეზონში ჰატემ ბენ არფა “ნიცას” ღირსებას იცავდა, რომელთან კონტრაქტიც გუშინ ამოეწურა. შესაბამისად, ფეხბურთელი “პარი სენ-ჟერმენს” თავისუფალი აგენტის სტატუსით შეუერთდა.
საფრანგეთის ჩემპიონატის გასულ გათამაშებაში ჰატემ ბენ არფამ 34 მატჩი ჩაატარა, 17 გოლი გაიტანა და ექვსი საგოლე გადაცემა გააკეთა.
“სევილია” ჰატემ ბენ არფას გაფორმებასთან ახლოს არის. გავრცელებული ინფორმაციით, მხარეები უკვე ტრანსფერის დეტალებს არკვევენ. ფრანგი ფეხბურთელი კვირის ბოლოს ანდალუსიურ კლუბთან სამწლიან შრომით ხელშეკრულებას გააფორმებს, წელიწადში კი დაახლოებით 10 მილიონ ევროს მიიღებს.
ჰატემ ბენ არფას “ნიცასთან” მოქმედი კონტრაქტი 30 ივნისს ეწურება. შესაბამისად, იგი “სევილიას” თავისუფალი აგენტის სტატუსით შეუერთდება.
საფრანგეთის ჩემპიონატის გასულ გათამაშებაში ჰატემ ბენ არფამ 34 მატჩი ჩაატარა, 17 გოლი გაიტანა და ექვსი საგოლე გადაცემა გააკეთა.
“ნიცას” ნახევარმცველმა ჰატემ ბენ არფამ განაცხადა, რომ ახალ დონეზე სათამაშოდ მზად არის. პრესაში გავრცელებული ინფორმაციით, ფრანგი ფეხბურთელით “ბარსელონა” არის დაინტერესებული და მხარეებს შორის მოლაპარაკებებიც მიმდინარეობს.
“ტრანსფერზე საუბარი სეზონის ბოლოს იქნება შესაძლებელი. ვგრძნობ, რომ დიდ ევროპულ გუნდში სათამაშოდ მზად ვარ. ბევრი რამ გამოვიარე. აქედან გამომდინარე, ნებისმიერი გამოწვევისთვის მზად ვარ”, – ციტირებს ბენ არფას სიტყვებს “ევროსპორტი”.
“ნიცას” ნახევარმცველი ჰატემ ბენ არფა ბარსელონაში გაემგზავრა, რათა კატალონიური კლუბის ხელმძღვანელობასთან კონტრაქტის პირობები განიხილოს.
შეგახსენებთ, რომ ფრანგი ფეხბურთელი ზაფხულში თავისუფალი აგენტის სტატუსს მიიღებს და თავადვე შეეძლება კარიერის გაგრძელების ალტერნატიული ვარიანტებიდან ოპტიმალური არჩევანის გაკეთება. კატალონიური გუნდი ბენ არფას მესი-სუარესი-ნეიმარის პოტენციურ შემცვლელად განიხილავს. ცნობილია ისიც, რომ 29 წლის ფეხბურთელით “ლიონიც” არის დაინტერესებული.
მიმდინარე სეზონში ჩატარებულ 33 შეხვედრაში ჰატემ ბენ არფამ 17 გოლი გაიტანა და ექვსი შედეგიანი გადაცემა გააკეთა.
“ნიცას” ნახევარმცველმა ჰატემ ბენ არფამ “პარი სენ-ჟერმენში” შესაძლო გადასვლაზე მიანიშნა.
“დავრჩები თუ არა “ნიცაში” ხელშეჯრულების ამოწურვამდე ანუ ივნისამდე? ეს აპრილში გაირკვევა. ნამდვილად არ ვიცი, რა იქნება მომავალში, თუმც ჯერჯერობით აქ ვარ.
რაც შეეხება “პარი სენ-ჟერმენს”, ამ კლუბისთვის ჩემი კარი ყოველთვის ღიაა. იგივეს ვიტყოდი სხვა გუნდებზეც.
კარს არავის ვუკეტავ. თუ კლუბისგან შემოთავაზებას მივიღებ, აუცილებლად განვიხილავ და ვნახოთ, რა მოხდება შემდეგ”, – ციტირებს ბენ არფას სიტყვებს Yahoo Sports-ი.
ფრანგი ნახევარმცველი ჰატემ ბენ არფა პროფესიონალური კარიერის დასრულებაზე დაფიქრდა. ამის შესახებ ფეხბურთელის აგენტმა ჟან-ჟაკ ბერტრანმა განაცხადა.
შეგახსენებთ, რომ ბენ არფას “ნიცაში” თამაშის უფლება არ მიეცა, ვინაიდან მისთვის ეს მიმდინარე სეზონში მესამე კლუბი იქნებოდა, რაც ფიფას რეგლამენტით აკრძალულია. ფრანგი ფეხბურთელი ამ სეზონში “ნიუკასლ იუნაიტედისა” და “ჰალ სიტის” ღირსებას იცავდა და ახლა დარჩენილი პერიოდის გატარა უკლუბოდ მოუწევს.
“ბენ არფა კარიერის დასრულებაზე სერიოზულად ფიქრობს. ის მიმდინარე სეზონის დარჩენილ პერიოდს “ნიცაში” ვერ გაატარებს”, – ციტირებს აგენტის სიტყვებს BBC.
“ნიუკასლ იუნაიტედის” აწ უკვე ყოფილი ნახევარმცველი ჰატემ ბენ არფა ფრანგულ “ნიცაში” გადავიდა.
შეგახსენებთ, რომ სეზონის პირველი ნახევარი ფრანგმა ფეხბურთელმა იჯარის წესით “ჰალ სიტიში” გაატარა, თუმცა კლუბის მთავარ მწვრთნელთან მომხდარი კონფლიქტის შემდეგ, მან ძირითად შემადგენლობაში ადგილი დაკარგა. ბენ არფამ “ნიუკასლთან” კონტრაქტი ურთიერთშეთანხმების საფუძველზე გაწყვიტა და შესაბამისად, “ნიცამ” 27 წლის ფეხბურთელი სრულიად უსასყიდლოდ დაიმატა.
“ნიცა” მშვენიერი გუნდია. კარგია, რომ საფრანგეთის ჩემპიონატში დავბრუნდი. გუნდის მთავარ მწვრთნელს უკვე შევხვდი. მომწონს ფეხბურთისადმი მისი შეხედულება. თავკაცთან საუბარი ძალზედ მნიშვნელოვანი იყო. ამ დროს მადრიდის “რეალისგან” წინადადება რომ მიმეღო, მე მაინც “ნიცაში” წამოვიდოდი”, – ციტირებს ბენ არფას სიტყვებს “ლე ფიგარო”.
ჰატემ ბენ არფა “ნიცაში” 4-ნომრიანი მაისურით ითამაშებს.
ცნობისთვის, “ნიცას” საფრანგეთის ჩემპიონატის სატურნირო ცხრილში მე-11 პოზიცია უკავია.
“ნიუკასლ იუნაიტედმა” ნახევარმცველ ჰატემ ბენ არფასთან კონტრაქტი გაწყვიტა. შეგახსენებთ, რომ 27 წლის ფრანგი ფეხბურთელი იჯარის წესით “ჰალ სიტიში” თამაშობს.
კონტრაქტი ურთიერთშეთანხმების საფუძველზე შეწყდა.
ბენ არფა, მომავალ სეზონს, სავარაუდოდ, ფრანგულ “ნიცაში” დაიწყებს.
შეგახსენებთ, რომ ჰატემ ბენ არფა “ნიუკასლის” ღირსებას 2010 წლიდან იცავდა.
