9 აპრილს, ლიბერტადორესის თასის გათამაშებაში ბოლივიურმა “სთრონგესთმა” საკუთარ მოედანზე ბრაზილიური “ატლეტიკო პარანაენსე” მიიღო და მეტოქე ანგარიშით 2:1 დაამარცხა.
აღსანიშნავია, რომ სტუმართა გუნდის ძირითად შემადგენლობაში იყო ადრიანო, რომელმაც ბოლო ორი წლის განმავლობაში პირველი გოლი გაიტანა.
დიდი შანსია, 31 წლის ბრაზილიელი ფეხბურთელი, ადრიანო დიდ ფეხბურთში ისევ ვიხილოთ. “ინტერის”, “ფიორენტინასა” და “პარმას” ყოფილი თავდამსხმელი მიმდინარე კვირაში, “ატლეტიკო პარანაენსეს” ვარჯიშებზე იხილეს.
მიუხედავად იმისა, რომ წონაში მყოფი მოთამაშე “ატლეტიკო პარანაენსეში” ვარჯიშობს, ეს იმას არ ნიშნავს, რომ მან კლუბთან კონტრაქტი გააფორმა.
შეგახსენებთ, რომ ადრიანომ ბოლოს ოფიციალურ მატჩში მონაწილეობა 2012 წლის მარტში მიიღო, მაშინ ის “კორინთიასის” ღირსებას იცავდა.
